ძა­ლი­ან კარ­გი იქ­ნე­ბო­და ხე­ლი­სუფ­ლე­ბას პა­სუ­ხის­მგებ­ლო­ბა გა­მო­ე­ჩი­ნა და პრე­მი­ე­რი ბრი­უ­სელ­ში ხელ­მო­წე­რი­ლი შე­თან­ხმე­ბით წა­სუ­ლი­ყო და არა ცა­რი­ე­ლი ხე­ლე­ბით, - ამის შე­სა­ხებ ჟურ­ნა­ლის­ტებს ევ­რო­საბ­ჭოს პრე­ზი­დენტ შარლ მი­შე­ლის სპე­ცი­ა­ლურ წარ­მო­მად­გე­ნელ, კრის­ტი­ან და­ნი­ელ­სონ­თან შეხ­ვედ­რის დას­რუ­ლე­ბის შემ­დეგ „ევ­რო­პუ­ლი სა­ქარ­თვე­ლოს“ ლი­დერ­მა და­ვით ბაქ­რა­ძემ გა­ნუ­ცხა­და.

მი­სი­ვე თქმით, მთა­ვა­რი, რაც ამ შეხ­ვედ­რა­ზე ოპო­ზი­ცი­ამ მო­ის­მი­ნა, არის ის რომ „მო­ლა­პა­რა­კე­ბე­ბი არ სრულ­დე­ბა“, მე­ტიც, და­ნი­ელ­სო­ნი აქ იქ­ნე­ბა მა­ნამ, სა­ნამ მხა­რე­ე­ბი შე­თან­ხმე­ბამ­დე არ მივ­ლენ.

„გუ­შინ­დე­ლი დღი­სა და „ოც­ნე­ბის“ გან­ცხა­დე­ბე­ბის შემ­დეგ, რომ­ლი­თაც პრაქ­ტი­კუ­ლად, დაგ­ვი­ა­ნონ­სეს, რომ მო­ლა­პა­რა­კე­ბე­ბი უნდა შე­წყდეს, და­ნი­ელ­სო­ნი დარ­ჩა სა­ქარ­თვე­ლო­ში და კი­დევ უფრო მნიშ­ვნე­ლო­ვა­ნი იყო ის, რაც დღეს მის­გან მო­ვის­მი­ნეთ, რომ ეს დარ­ჩე­ნა არ არის მხო­ლოდ ერ­თდღი­ა­ნი და ის მზად არის იმუ­შა­ოს მხა­რე­ებ­თან ერ­თად მა­ნამ, სა­ნამ შე­თან­ხმე­ბა არ იქ­ნე­ბა მიღ­წე­უ­ლი.

ყვე­ლას გვეს­მის, რომ არ­სე­ბობს გო­ნივ­რუ­ლი ვა­დე­ბი და ეს მო­ლა­პა­რა­კე­ბა თვე­ე­ბის გან­მავ­ლო­ბა­ში ვერ გა­ი­წე­ლე­ბა. კარ­გია, რომ მი­ნი­მუმ უახ­ლო­ე­სი დღე­ე­ბის გან­მავ­ლო­ბა­ში გვექ­ნე­ბა სა­შუ­ა­ლე­ბა გა­ვაგ­რძე­ლოთ მუ­შა­ო­ბა და გვექ­ნე­ბა შან­სი შე­თან­ხმე­ბის გზით გა­მო­ვიყ­ვა­ნოთ ქვე­ყა­ნა კრი­ზი­სი­დან. მთა­ვა­რი, რაც ამ შეხ­ვედ­რა­ზე მო­ვის­მი­ნეთ, გახ­ლდათ სწო­რედ ეს, რომ მო­ლა­პა­რა­კე­ბე­ბი არ სრულ­დე­ბა, და უფრო მე­ტიც, და­ნი­ელ­სო­ნი აქ იქ­ნე­ბა მა­ნამ, სა­ნამ მხა­რე­ე­ბი შე­თან­ხმე­ბამ­დე არ მივ­ლენ ან რო­მე­ლი­მე მხა­რე ღიად არ გა­ნა­ცხა­დებს, რომ მას არ სურს შე­თან­ხმე­ბა.

რაც შე­ე­ხე­ბა გო­ნივ­რულ ვა­დებს, ეს ხე­ლოვ­ნუ­რი შე­ზღუდ­ვე­ბი და ვა­დე­ბი არ უნდა იყოს. საღი აზ­რის ფარ­გლებ­ში ყვე­ლას გვეს­მის, რომ დღეს პრე­მი­ე­რის ვი­ზი­ტი ბრი­უ­სელ­ში და სა­ქარ­თვე­ლო-ევ­რო­საბ­ჭოს სხდო­მა არის ძა­ლი­ან მნიშ­ვნე­ლო­ვა­ნი და ბუ­ნებ­რი­ვი ვადა, როცა ეს სა­კი­თხი უნდა გა­და­წყდეს. ძა­ლი­ან კარ­გი იქ­ნე­ბო­და ხე­ლი­სუფ­ლე­ბას გა­მო­ე­ჩი­ნა პა­სუ­ხის­მგებ­ლო­ბა და პრე­მი­ე­რი ბრი­უ­სელ­ში წა­სუ­ლი­ყო ხელ­მო­წე­რი­ლი შე­თან­ხმე­ბით და არა ცა­რი­ე­ლი ხე­ლე­ბით, მაგ­რამ სამ­წუ­ხა­როდ, ეს ხე­ლი­სუფ­ლე­ბამ არ გა­ა­კე­თა. ძა­ლი­ან მნიშ­ვნე­ლო­ვა­ნი და კარ­გია, რომ ჩვე­ნი ევ­რო­პე­ლი პარტნი­ო­რე­ბი ამის მი­უ­ხე­და­ვად მო­ლა­პა­რა­კე­ბებს აგ­რძე­ლე­ბენ. გო­ნივ­რუ­ლი ვადა გვეს­მის ისე, რომ ეს უსას­რუ­ლოდ ვერ გაგ­რძელ­დე­ბა, ვერ გა­ი­წე­ლე­ბა პრო­ცე­სი, მხა­რე­ებ­მა დრო­ის გა­წელ­ვა არ უნდა გა­მო­ი­ყე­ნონ რო­გორც მო­ლა­პა­რა­კე­ბის ტაქ­ტი­კა. ჩვენ ამას არ ვა­პი­რებთ და არ გა­ვა­კე­თებთ. პრო­ცე­სი უნდა დას­რულ­დეს კონ­კრე­ტულ ვა­დებ­ში, მაგ­რამ ის, რომ არ აქვს ხე­ლოვ­ნუ­რი შე­ზღუდ­ვა, რომ გუ­შინ ღამე უნდა დას­რუ­ლე­ბუ­ლი­ყო, რო­გორც ეს „ოც­ნე­ბამ“ დაგ­ვი­ა­ნონ­სა ან დღეს უნდა დამ­თავ­რდეს, ეს არის მნიშ­ვნე­ლო­ვა­ნი, რად­გან ეს გვაძ­ლევს შანსს, რომ ეს ბო­ლომ­დე მი­ვიყ­ვა­ნოთ“, - გა­ნა­ცხა­და ბაქ­რა­ძემ.

„ევ­რო­პუ­ლი სა­ქარ­თვე­ლოს“ კი­დევ ერთი ლი­დე­რის, გიგა ბო­კე­რი­ას გან­ცხა­დე­ბით კი, "როცა შე­თან­ხმე­ბა შედ­გე­ბა, ბუ­ნებ­რი­ვია, ყვე­ლა გა­ვი­გებთ, ეს არ მომ­ხდა­რა".

ბო­კე­რი­ას გან­მარ­ტე­ბით, მო­ლა­პა­რა­კე­ბე­ბი გრძელ­დე­ბა და ძა­ლი­ან კარ­გია, რომ კრის­ტი­ან და­ნი­ელ­სო­ნი სა­ქარ­თვე­ლო­ში რჩე­ბა.

„მან თქვა, რომ დავ­რჩე­ბი კი­დევ რამ­დე­ნი­მე დღეო. ანუ, შე­იძ­ლე­ბა ით­ქვას, „დავ­რჩე­ბი რამ­დე­ნი­მე დღე, სა­ნამ შე­დე­გი არ იქ­ნე­ბა“. ამის­თვის ძა­ლი­ან მად­ლო­ბე­ლი ვართ“, - გა­ნა­ცხა­და გიგა ბო­კე­რი­ამ.

ამას­თან, გიგა ბო­კე­რი­ამ შე­ა­ფა­სა „ქარ­თუ­ლი ოც­ნე­ბის“ თავ­მჯდო­მა­რის, ირაკ­ლი კო­ბა­ხი­ძის გან­ცხა­დე­ბა, რომ მო­ლა­პა­რა­კე­ბე­ბი ამ ეტაპ­ზე დას­რუ­ლე­ბუ­ლია და დი­ა­ლო­გი გაგ­რძელ­დე­ბა მომ­დევ­ნო პე­რი­ოდ­ში.

„რა­ღაც გა­მოც­დი­ლე­ბა მაქვს, მაგ­რამ ასე­თი შემ­თხვე­ვის გა­მოც­დი­ლე­ბა, რომ მას­პინ­ძე­ლი ქვეყ­ნის წარ­მო­მად­გე­ნელს ეთ­ქვა, კარ­გად ბრძან­დე­ბო­დე­თო, ისე, რომ ჯერ მე­დი­ა­ტო­რის პო­ზი­ცია არ ყო­ფი­ლი­ყო ცნო­ბი­ლი და მერე გარ­კვე­უ­ლი­ყო, რომ მე­დი­ა­ტო­რი რჩე­ბა - ასე­თი გა­მოც­დი­ლე­ბა არ მაქვს. ამი­ტომ, ჩვე­ნი ამო­ცა­ნა არის იგი­ვე, რაც იყო. ჩვენ გვინ­და, რომ ეს მო­ლა­პა­რა­კე­ბე­ბი დას­რულ­დეს წარ­მა­ტე­ბით, გო­ნივ­რუ­ლი კომ­პრო­მი­სით ყვე­ლა იმ სა­კი­თხთან და­კავ­ში­რე­ბით, რო­მე­ლიც პრე­ზი­დენ­ტმა მი­შელ­მა მო­ხა­ზა და ამი­სათ­ვის ყვე­ლა­ფერს გა­ვა­კე­თებთ. რაც შე­ე­ხე­ბა შე­კი­თხვას, არ­სე­ბობს თუ არა გა­რან­ტია, ვინ შე­იძ­ლე­ბა მოგ­ცეთ გა­რან­ტია? მე შე­მიძ­ლია მოგ­ცეთ გა­რან­ტია, რომ ჩვე­ნი პო­ზი­ცია არის უც­ვლე­ლი - ჩვენ მო­წა­დი­ნე­ბუ­ლი ვართ, რომ ეს მო­ლა­პა­რა­კე­ბე­ბი შე­თან­ხმე­ბით დას­რულ­დეს. ბუ­ნებ­რი­ვია ისე­თი შე­თან­ხმე­ბით, რო­მე­ლიც ქვე­ყა­ნას კრი­ზი­სი­დან გა­მო­იყ­ვანს...

გუ­შინ­დე­ლი ინ­ცი­დენ­ტი ქვეყ­ნის­თვის ცუ­დია, რომ ასე­თი რამ ხდე­ბა. სხვა მხრივ, როცა არ­სე­ბი­თი ცვლი­ლე­ბა იქ­ნე­ბა ეს ცვლი­ლე­ბა შე­იძ­ლე­ბა იყოს მხო­ლოდ ერთი, რომ შე­თან­ხმე­ბა შედ­გა. როცა ეს შე­თან­ხმე­ბა შედ­გე­ბა, ბუ­ნებ­რი­ვია, ყვე­ლა გა­ვი­გებთ, ეს არ მომ­ხდა­რა“, - გა­ნა­ცხა­და ბო­კე­რი­ამ და დას­ძი­ნა, რომ „სა­კი­თხე­ბი, რო­მე­ლიც პრე­ზი­დენ­ტმა მი­შელ­მა მო­ხა­ზა არ შე­იც­ვლე­ბა“.

„ჩვე­ნი პო­ზი­ცი­აც ეს არის და ეს ის სა­კი­თხე­ბია, რა­ზეც უნდა მოხ­დეს პროგ­რე­სი. მათ შო­რის, რო­გორც იცით და ჩვენ­გან ბევ­რჯერ მო­გის­მე­ნი­ათ, არის სა­კი­თხე­ბი, რაც ვერ გა­და­წყდე­ბა ორ და სამ დღე­ში, მაგ­რამ უნდა გა­და­წყდეს, თუ სწო­რი მი­მარ­თუ­ლე­ბით მივ­დი­ვართ. არის სა­კი­თხე­ბი, რო­მე­ლიც სწრა­ფად უნდა გა­და­წყდეს იმის­თვის, რომ მო­ლა­პა­რა­კე­ბის გაგ­რძე­ლე­ბას აზრი ჰქონ­დეს. ასე­თია პო­ლიტ­პა­ტიმ­რე­ბის სა­კი­თხი, ვა­დამ­დე­ლი არ­ჩევ­ნე­ბი“, - გა­ნა­ცხა­და ბო­კე­რი­ამ.

„ნა­ცი­ო­ნა­ლუ­რი მოძ­რა­ო­ბის­თვის“ მთა­ვა­რი არის პო­ლიტ­პა­ტიმ­რე­ბის თემა, გან­სა­კუთ­რე­ბით, ნიკა მე­ლი­ას თემა იმი­ტომ, რომ ის არის მთა­ვა­რი გა­და­წყვე­ტი­ლე­ბის მიმ­ღე­ბი და ბუ­ნებ­რი­ვია, უნდა იყოს მო­ლა­პა­რა­კე­ბის მა­გი­დას­თან, - ამის შე­სა­ხებ „ნა­ცი­ო­ნა­ლუ­რი მოძ­რა­ო­ბის“ წევ­რმა, აკა­კი მი­ნაშ­ვილ­მა გა­ნა­ცხა­და.

რო­გორც მი­ნაშ­ვილ­მა აღ­ნიშ­ნა, მო­ლა­პა­რა­კე­ბე­ბი ემ­სა­ხუ­რე­ბა იმას, რომ ქვე­ყა­ნა უმ­ტკივ­ნე­უ­ლოდ გა­მო­ვი­დეს კრი­ზი­სი­დან, ამის­თვის კი, აუ­ცი­ლე­ბე­ლია რე­ფორ­მე­ბის შე­დე­გად ჩა­ტარ­დეს ვა­დამ­დე­ლი არ­ჩევ­ნე­ბი და მოხ­დეს ცვლი­ლე­ბე­ბი.

„ნა­ცი­ო­ნა­ლუ­რი მოძ­რა­ო­ბის­თვის“ მთა­ვა­რი არის პო­ლიტ­პა­ტიმ­რე­ბის თემა, გან­სა­კუთ­რე­ბით, ნიკა მე­ლი­ას თემა იმი­ტომ, რომ ის არის მთა­ვა­რი გა­და­წყვე­ტი­ლე­ბის მიმ­ღე­ბი და ბუ­ნებ­რი­ვია, უნდა იყოს მო­ლა­პა­რა­კე­ბის მა­გი­დას­თან. ამი­ტომ ნე­ბის­მი­ერ შეხ­ვედ­რა­ზე, სა­დაც ჩვენ ვართ, ამ თე­მა­ზე არის ძა­ლი­ან ინ­ტენ­სი­უ­რი სა­უ­ბა­რი. ასე­ვე, სა­უ­ბა­რია გი­ორ­გი რუ­რუ­ა­ზეც და ზო­გა­დად, ქვე­ყა­ნა­ში პო­ლი­ტი­კუ­რი დევ­ნის დას­რუ­ლე­ბა­ზე; ამის შემ­დგომ ვა­დამ­დელ არ­ჩევ­ნებ­ზე. სწრა­ფი ვა­დამ­დე­ლი არ­ჩევ­ნე­ბი არის ამ ქვე­ყა­ნა­ში უმ­ტკივ­ნე­უ­ლო გა­მო­სავ­ლის გზა. სა­უ­ბა­რია სხვა რე­ფორ­მებ­ზეც, მაგ­რამ პრი­ო­რი­ტე­ტე­ბი ესაა. „ქარ­თუ­ლი ოც­ნე­ბის“ ნაც­ვლად მე ვე­რა­ფერს გე­ტყვით. ჩვენ გუ­შინ ძა­ლი­ან ცუდი რამ და­ვი­ნა­ხეთ. ეს იყო პრო­ტეს­ტის ელ­ფე­რის მქო­ნე ქცე­ვა, რაც გუ­შინ გა­ნა­ხორ­ცი­ე­ლეს ბა­ტონ­მა კო­ბა­ხი­ძემ და თა­ლაკ­ვა­ძემ და ეს პრო­ტეს­ტი იყო ჩვე­ნი ევ­რო­პე­ლი პარტნი­ო­რე­ბის მი­მართ, რაც ძა­ლი­ან ცუ­დია. ჩვე­ნი ევ­რო­პე­ლი პარტნი­ო­რე­ბის მთა­ვა­რი მი­ზა­ნია, რომ იმ სა­კი­თხებ­ზე, რო­მე­ლიც ჩა­მოთ­ვლი­ლი იყო ბა­ტო­ნი მი­შე­ლის შე­მო­თა­ვა­ზე­ბა­ში, ამ სა­კი­თხებ­ზე მოხ­დეს შე­თან­ხმე­ბა. მთე­ლი ეს შეხ­ვედ­რე­ბი ამას ემ­სა­ხუ­უ­რე­ბა და ძა­ლი­ან კარ­გია, რომ შეხ­ვედ­რე­ბი გაგ­რძელ­და. ძა­ლი­ან კარ­გია, რომ კი­დევ უფრო აქ­ტი­უ­რია ჩარ­თუ­ლო­ბა. ყვე­ლა­ფე­რი ეს ემ­სა­ხუ­რე­ბა იმას, რომ ქვე­ყა­ნა უმ­ტკივ­ნე­უ­ლოდ გა­მო­ვი­დეს კრი­ზი­სი­დან და ქვე­ყა­ნა­ში სწრა­ფად, აუ­ცი­ლე­ბე­ლი რე­ფორ­მე­ბის შე­დე­გად ჩა­ტარ­დეს ვა­დამ­დე­ლი არ­ჩევ­ნე­ბი და მოხ­დეს ცვლი­ლე­ბე­ბი.

არ ვიცი დავ­ბრუნ­დე­ბით თუ არა დღეს შეხ­ვედ­რა­ზე, მაგ­რამ ყვე­ლა ჩვე­ნი პარტნი­ო­რი ამას ამ­ბობს, რომ ეს არის გან­გრძო­ბი­თი მო­ლა­პა­რა­კე­ბის პრო­ცე­სი, ამი­ტომ ვე­რა­ფერს გა­მოვ­რი­ცხავთ. მთა­ვა­რია, მო­ლა­პა­რა­კე­ბა არ შე­წყდა, მთა­ვა­რია, რომ მი­უ­ხე­და­ვად „ქარ­თუ­ლი ოც­ნე­ბის“ არას­წო­რი ნა­ბი­ჯე­ბი­სა, ჩვე­ნი ევ­რო­პე­ლი პარტნი­ო­რე­ბი აგ­რძე­ლე­ბენ სა­უ­ბარს და შეხ­ვედ­რებს. ამი­ტომ იმე­დი­ა­ნად ვართ, თუმ­ცა, კი­დევ ვამ­ბობ, „ქარ­თუ­ლი ოც­ნე­ბის“ ქცე­ვის პროგ­ნო­ზი­რე­ბა შე­უძ­ლე­ბე­ლია“, - გა­ნა­ცხა­და მი­ნაშ­ვილ­მა.

“ლელო სა­ქარ­თვე­ლოს­თვის" ლი­დე­რის მა­მუ­კა ხა­ზა­რა­ძის შე­ფა­სე­ბით, "დღე­ვან­დე­ლი შეხ­ვედ­რა მნიშ­ვნე­ლო­ვა­ნი იყო, გა­მო­ვას­წო­რეთ ირაკ­ლი კო­ბა­ხი­ძის გუ­შინ­დე­ლი, საკ­მა­ოდ უხე­ში შეც­დო­მა".

მისი თქმით, კრის­ტი­ან და­ნი­ელ­სონ­მა და­ა­დას­ტუ­რა, რომ სა­ქარ­თვე­ლო­ში იქამ­დე დარ­ჩე­ბა, სა­ნამ მხა­რე­ე­ბი შე­თან­ხმე­ბას არ მი­აღ­წე­ვენ.

„დღეს ჩვენ აქ ვართ, რომ ირაკ­ლი კო­ბა­ხი­ძის გა­ფუ­ჭე­ბუ­ლი საქ­მე გა­მოს­წორ­დეს. იმი­ტომ, რომ გუ­შინ რა გან­ცხა­დე­ბაც გა­კეთ­და, არა­ნორ­მა­ლუ­რი იყო. ასე ცალ­მხრი­ვად მა­გი­დის აყი­რა­ვე­ბა, მო­ლა­პა­რა­კე­ბის გა­ჩე­რე­ბა არ შე­იძ­ლე­ბა, მი­თუ­მე­ტეს, რო­დე­საც ასე­თი დო­ნის მე­დი­ა­ტო­რე­ბი არი­ან ჩა­რე­უ­ლი. რა თქმა უნდა, მე­დი­ა­ტო­რო­ბა იმას ნიშ­ნავს, რომ ძი­რი­თა­დი ხაზი მათ მი­ე­რაა დას­მუ­ლი, ორი­ვე მხა­რეს უს­მე­ნენ და მათ და­ახ­ლო­ე­ბას ცდი­ლო­ბენ. ვფიქ­რობ, მოთ­მი­ნე­ბით უნდა აღ­ვი­ჭურ­ვოთ, რომ პრო­ცე­სი ბო­ლომ­დე მი­ვიყ­ვა­ნოთ. ოპო­ზი­ცია მო­ლა­პა­რა­კე­ბა­ში კონ­სტრუქ­ცი­უ­ლია“, - აღ­ნიშ­ნა ხა­ზა­რა­ძემ.

მი­სი­ვე თქმით, ოპო­ზი­ცია „ვე­რა­ფერს დათ­მობს“.

„სამ­წუ­ხა­როდ, „ქარ­თულ ოც­ნე­ბას“ აღ­ქმუ­ლი აქვს, რომ უნდა მო­ე­რი­ოს მე­ო­რე მხა­რეს. ავი­წყდე­ბა, რომ აქ მო­გე­ბა-წა­გე­ბა­ზე კი არა, ჩვე­ნი სა­ზო­გა­დო­ე­ბის გა­მარ­ჯვე­ბა­ზეა სა­უ­ბა­რი“, - აღ­ნიშ­ნა ხა­ზა­რა­ძემ.

„სტრა­ტე­გია აღ­მა­შე­ნებ­ლის“ ლი­დე­რის, გი­ორ­გი ვა­შა­ძის გან­ცხა­დე­ბით კი, კრის­ტი­ან და­ნი­ელ­სო­ნი შე­ეც­დე­ბა მა­ნამ იყოს სა­ქარ­თვე­ლო­ში, ვიდ­რე ოპო­ზი­ცი­ა­სა და ხე­ლი­სუფ­ლე­ბას შო­რის შეხ­ვედ­რა არ მოხ­დე­ბა.

ამის შე­სა­ხებ ვა­შა­ძემ ჟურ­ნა­ლის­ტებს და­ნი­ელ­სონ­თან ოპო­ზი­ცი­ის წარ­მო­მად­გე­ნელ­თა შეხ­ვედ­რის დას­რუ­ლე­ბის შემ­დეგ გა­ნუ­ცხა­და.

რო­გორც ვა­შა­ძემ აღ­ნიშ­ნა, და­ნი­ელ­სო­ნის დარ­ჩე­ნა ნიშ­ნავს, რომ ვერც ერთი მხა­რე ვერ გა­ექ­ცე­ვა შე­თან­ხმე­ბას.

„რა არის კარ­გი ამ­ბა­ვი? - კარ­გი ამ­ბა­ვი არის ის, რომ ბა­ტო­ნი და­ნი­ელ­სო­ნი შე­ეც­დე­ბა მა­ნამ იყოს სა­ქარ­თვე­ლო­ში, სა­ნამ შეხ­ვედ­რა არ მოხ­დე­ბა. მე­ო­რე - რომ გი­თხრათ რომ დღეს რამე გან­სხვა­ვე­ბუ­ლი კუ­თხით წინ წა­ვი­წი­ეთ, ეს ასე არ არის. მი­ვე­სალ­მე­ბი, რომ მო­ლა­პა­რა­კე­ბა არ შე­ფერ­ხდა. ის, რაც გუ­შინ სა­ღა­მოს „ქარ­თუ­ლი ოც­ნე­ბის­გან“ მო­ვის­მი­ნეთ, ძა­ლი­ან ცუ­დია ქვეყ­ნის­თვის. მო­ლა­პა­რა­კე­ბე­ბი გაგ­რძელ­დე­ბა. ოპო­ზი­ცია მზად ვართ რა­ცი­ო­ნა­ლუ­რი კომ­პრო­მი­სე­ბის­თვის. დო­კუ­მენ­ტის ში­ნა­არსზე სამ­წუ­ხა­როდ, ვერ ვსა­უბ­რობ, მაგ­რამ მინ­და ჩვენს ყვე­ლა მხარ­დამ­ჭერს ვუ­თხრა, რომ მაქ­სი­მა­ლუ­რად ვი­ცავთ იმ პო­ზი­ცი­ას, რა მან­და­ტიც თქვენ­გან გვაქვს. ყვე­ლა­ნა­ი­რად და­ვი­ცავთ ჩვენს ძი­რი­თად სა­კი­თხებს. სი­ტუ­ა­ცია მარ­ტი­ვი არ არის. შე­იძ­ლე­ბა ჩვე­ნი შეხ­ვედ­რა უკვე იყოს ხვალ და არა დღეს. გა­ერ­თი­ა­ნე­ბუ­ლი იქ­ნე­ბა თუ ცალ­კე, და­ზუს­ტდე­ბა. არის ბევ­რი სა­კი­თხი, რა­ზეც აზ­რთა სხვა­დას­ხვა­ო­ბაა. მაგ­რამ უახ­ლო­ეს დღე­ებ­ში პრო­ცე­სის დას­რუ­ლე­ბამ­დე უნდა მი­ვი­დეთ“, - გა­ნა­ცხა­და ვა­შა­ძემ.

მი­სი­ვე თქმით, რაზე იქ­ნე­ბა სა­ბო­ლოო შე­თან­ხმე­ბა, წი­ნას­წარ თქმა გა­უ­ჭირ­დე­ბა, თუმ­ცა, ვა­შა­ძე ამ­ბობს, რომ წარ­მო­უდ­გე­ნე­ლია პა­ტიმ­რე­ბი ისევ ცი­ხე­ში და­ტო­ვონ.

„დო­კუ­მენტზე, რო­მელ­ზეც ვმუ­შა­ობთ, არ არის არც ოპო­ზი­ცი­ი­სა და არც „ქარ­თუ­ლი ოც­ნე­ბის“ დო­კუ­მენ­ტი. ეს არის მე­დი­ა­ტო­რე­ბის, ევ­რო­საბ­ჭოს პრე­ზი­დენ­ტის სა­ხე­ლით შე­მო­თა­ვა­ზე­ბუ­ლი დო­კუ­მენ­ტი, რო­მელ­საც ამე­რი­კის მხა­რე ეთან­ხმე­ბა. შე­სა­ბა­მი­სად, დო­კუ­მენტზე, რო­მელ­ზეც გვე­სა­უბ­რე­ბი­ან, ჩვენც ბევ­რი კი­თხვა გვაქვს და მე­ო­რე მხა­რე­საც შე­იძ­ლე­ბა ჰქონ­დეს.

და­ნი­ელ­სო­ნის დარ­ჩე­ნა ნიშ­ნავს, რომ ვერც ერთი მხა­რე ვერ გა­ექ­ცე­ვა შე­თან­ხმე­ბას. ევ­რო­კავ­ში­რის­თვის ერ­თია, რომ სა­ქარ­თვე­ლოს შიდა სტა­ბი­ლი­ზა­ცია უნდა მოხ­დეს, ევ­რო­პუ­ლი ინ­ტეგ­რა­ცია, მაგ­რამ შე­გახ­სე­ნებთ შარლ მი­შე­ლის ნათ­ქვამს წინა ვი­ზიტ­ზე, რომ ახლო პე­რი­ოდ­ში მო­სა­ლოდ­ნე­ლია გარ­კვე­უ­ლი პრობ­ლე­მე­ბი რე­გი­ონ­ში, შე­სა­ბა­მი­სად, ევ­რო­კავ­ში­რის­თვის ძა­ლი­ან მნიშ­ვნე­ლო­ვა­ნია, რომ რაც შე­იძ­ლე­ბა ძა­ლი­ან სწრა­ფად მო­ხერ­ხდეს შიდა პო­ლი­ტი­კუ­რი კრი­ზი­სის გან­მუხ­ტვა ქვე­ყა­ნა­ში. ამი­ტო­მაც არის ლა­მის ყო­ველ­დღი­უ­რი, ინ­ტენ­სი­უ­რი ჩარ­თუ­ლო­ბა.

სა­ბო­ლოო შე­თან­ხმე­ბა რაზე იქ­ნე­ბა, ვერ გე­ტყვით, მაგ­რამ ვერ წარ­მო­მიდ­გე­ნია, რომ პა­ტიმ­რე­ბი ისევ ცი­ხე­ში დავ­ტო­ვოთ. რა იქ­ნე­ბა სხვა მხრი­დან, ამას ვი­ტყვით. ადა­მი­ანს ცი­ხე­ში ვერ დავ­ტო­ვებთ! რო­გორ წარ­მო­გიდ­გე­ნი­ათ ეს გა­ვა­კე­თოთ?!“ - გა­ნა­ცხა­და ვა­შა­ძემ და დას­ძი­ნა, რომ სა­უ­ბა­რი ისევ არის რიგ­გა­რე­შე არ­ჩევ­ნებ­ზე, პა­ტიმ­რე­ბის გა­თა­ვი­სუფ­ლე­ბის სა­კი­თხზე და სა­არ­ჩევ­ნო ად­მი­ნის­ტრა­ცი­ის ცვლი­ლე­ბა­ზე.

მსგავ­სი რამ მე არ მი­ნა­ხავს, რომ გა­მო­სუ­ლიყ­ვნენ მას­პინ­ძლე­ბი და ეთ­ქვათ, და­ვას­რუ­ლეთ სა­უ­ბა­რიო და მერე სტუ­მა­რი გა­მო­სუ­ლი­ყოს და ეთ­ქვას, რა და­ვას­რუ­ლეთ, ხვალ ვაგ­რძე­ლებ­თო - ბავ­შვზე ხომ არ არის სა­უ­ბა­რი, ეს ადა­მი­ა­ნი წარ­მო­ად­გენს ევ­რო­პუ­ლი საბ­ჭოს პრე­ზი­დენტს, ყვე­ლა­ზე მა­ღა­ლი რან­გის თა­ნამ­დე­ბო­ბის პირს ევ­რო­კავ­ში­რის შიგ­ნით, - ამის შე­სა­ხებ პარ­ტია „გირ­ჩი - მეტი თა­ვი­სუფ­ლე­ბის“ ლი­დერ­მა ზურა ჯა­ფა­რი­ძემ გა­ნა­ცხა­და.

მი­სი­ვე თქმით, ის ხე­ლი­სუფ­ლე­ბას­თან მო­ლა­პა­რა­კე­ბის სა­კითხს უფრო სკეპ­ტი­კუ­რად უყუ­რებს, ვიდ­რე წინა დღე­ებ­ში. ჯა­ფა­რი­ძის გან­მარ­ტე­ბით, სა­ვა­რა­უ­დოდ, მე­დი­ა­ტო­რის ხე­ლი­სუფ­ლე­ბას­თან შეხ­ვედ­რა­ზე რა­ღაც ისე­თი მოხ­და, რის გა­მოც „ქარ­თულ­მა ოც­ნე­ბამ“ გა­და­წყვი­ტა, რომ მო­ლა­პა­რა­კე­ბის გაგ­რძე­ლე­ბას აზრი არ აქვს.

„უც­ნა­უ­რი სი­ტუ­ა­ცი­აა. მეც იმე­დი მაქვს, რომ დღეს ამ შეხ­ვედ­რა­ზე გა­ვერ­კვე­ვი, გუ­შინ რა მოხ­და ხე­ლი­სუფ­ლე­ბას­თან შეხ­ვედ­რა­ზე. ყვე­ლა აღ­მოვ­ჩნდით გა­ურ­კვე­ველ სი­ტუ­ა­ცი­ა­ში, „ოც­ნე­ბის“ წარ­მო­მად­გენ­ლე­ბი გა­მო­ვიდ­ნენ, სა­ჯა­როდ და­ემ­შვი­დობ­ნენ ადა­მი­ანს, თქვეს, რომ მო­ლა­პა­რა­კე­ბე­ბი ამ ეტაპ­ზე დას­რუ­ლე­ბუ­ლია და ისი­ნი ელო­დე­ბი­ან, რო­დის დაბ­რუნ­დე­ბა ღა­რი­ბაშ­ვი­ლი და ამის შემ­დეგ, და­ახ­ლო­ე­ბით ნა­ხე­ვარ სა­ათ­ში ევ­რო­პუ­ლი საბ­ჭოს პრე­ზი­დენ­ტის წარ­მო­მად­გე­ნე­ლი გა­მო­ვი­და და თქვა, რომ მო­ლა­პა­რა­კე­ბე­ბი გრძელ­დე­ბა და ის აპი­რებს გა­აგ­რძე­ლოს შეხ­ვედ­რე­ბი. რაც ჩვენ სუ­რა­თი და­ვი­ნა­ხეთ, მი­უ­თე­ბებს იმა­ზე, რომ მი­ნი­მუმ ახლა გაგ­რძე­ლე­ბა არ უნ­დათ მო­ლა­პა­რა­კე­ბე­ბის.

თა­ვის­თა­ვად ის ფაქ­ტი, რომ ეს ყვე­ლა­ფე­რი ხდე­ბა „ქარ­თულ ოც­ნე­ბას­თან“ შეხ­ვედ­რის შემ­დეგ, უნდა ვი­გუ­ლის­ხმოთ, რიმ იმ შეხ­ვედ­რა­ზე რა­ღაც ისე­თი მოხ­და, რის გა­მოც მათ გა­და­წყვი­ტეს, რომ მო­ლა­პა­რა­კე­ბის გაგ­რძე­ლე­ბას აზრი არ აქვს.

ბევ­რად უფრო სკეპ­ტი­კუ­რად ვარ გან­წყო­ბი­ლი, ვიდ­რე აქამ­დე ვი­ყა­ვი.

ჩვე­ნი მხრი­დან ძა­ლა­შია ყვე­ლა ის პუნ­ქტი, რა პუნ­ქტე­ბიც და­ტო­ვა შარლ მი­შელ­მა. ყვე­ლა პუნ­ქტის გარ­შე­მო ჩვენ ჩვე­ნი პო­ზი­ცი­ე­ბი ვთქვით, მათ შო­რის რამ­დე­ნი­მე ვერ­სია კომ­პრო­მი­სუ­ლი პო­ზი­ცი­ე­ბის“, - გა­ნა­ცხა­და ზურა ჯა­ფა­რი­ძემ.

ცნო­ბის­თვის, ევ­რო­პუ­ლი საბ­ჭოს პრე­ზი­დენ­ტის შარლ მი­შე­ლის სპე­ცი­ა­ლუ­რი წარ­მო­მად­გე­ნე­ლი კრის­ტი­ან და­ნი­ელ­სო­ნი სა­ქარ­თვე­ლო­ში დარ­ჩა და პო­ლი­ტი­კუ­რი პარ­ტი­ე­ბის წარ­მო­მად­გენ­ლებ­თან შეხ­ვედ­რებს აგ­რძე­ლებს.