"გუშინ რომ ჩააბეტონეს და დღეს ზენიტამდე აიყვანეს..." - როგორ ეხმაურებიან ნიკოლოზ ბასილაშვილის ისტორიულ გამარჯვებას "ფეისბუქზე"?
დღეს სრულიად საქართველომ ისტორიული გამარჯვება იხილა. დოჰას 250-ქულიანი ტურნირის მეოთხედფინალურ ეტაპზე, ქართველი ნიკოლოზ ბასილაშვილი შვეიცარიელ ლეგენდას, როჯერ ფედერერს დაუპირისპირდა და გამარჯვება მოიპოვა.
პირველი სეტი ფედერერის გამარჯვებით დასრულდა, თუმცა ნიკოლოზმა მეორე სეტში გაათანაბრა და მესამე სეტიც მისი გამარჯვებით დამთავრდა - 3:6, 6:1, 7:5. ნიკოლიზი ტურნირის ნახევარფინალში ითამაშებს.
ჩოგბურთელები ერთმანეთს 2016 წელს, ავსტრალიის ღია პირველობის პირველ რაუნდში დაუპირისპირდნენ. გამარჯვება როჯერს დარჩა, რომელმაც ბასილაშვილს უშანსოდ, 6:2 6:1 6:2 მოუგო,
ნიკოლოზ ბასილაშვილი ბოლო პერიოდში ფორმაში არ იყო და თითქმის რამდენიმე შეხვედრა ზედიზედ წააგო. ამას გულშემატკივრები მის პირად ცხოვრებაში მომხდარ ამბავს უკავშირებდნენ.
დღევანდელ გამარჯვებას სრულიად ქართული ინტერნეტსივრცე ეხმაურება:
კახა კალაძე: ვულოცავ ნიკოლოზ ბასილაშვილს წარმატებულ ასპარეზობას!გამარჯვება, თანაც ლეგენდარულ ჩოგბურთელ როჯერ ფედერერთან, ორმაგად სასიხარულოა.წინ კიდევ ბევრი გამარჯვებაა! გილოცავთ!'
შოთა არველაძე: ფედერერი დამარცხებულია!Nikoloz Basilashvili საამაყო ხარ
გიორგი ზურაბიშვილი: ლაბაძემ რომ აგასის მოუგო ერთი ეგ იყო სასწაული და ამ წამს ბასილაშვილმა ფედერერი დაამარცხა სამ სეტში, ისე რომ მატჩპოინტი შემოუტრიალა ყველა დროის ერთ-ერთ უდიდეს სპორტსმენს! ისტორიული დღეა, ბრავო! ძალიან ძალიან მაგარი ჩოგბურთელია ბასილაშვილი!
გოჩა აბულაძე: პირველად გავიხარე როჯერის დამარცხებით !ბასილ Nikoloz Basilashvili გილოცავ ამ ისტორიული თამაშის ღირსეულად მოგებას
ლევან კობერიძე: არის! არის! ნიკოლოზ ბასილაშვილმა როჯერ ფედერერი დაამარცხა
ბაია პატარაია: "კაცების კაცის" ტიტულიც დაიმსახურა ცოლის მცემელმა კაცმა ერთი მატჩით. სპორტული აღტყინება რომ კაცებზე იდიოტურად მოქმედებს, ეს ხომ უკვე ვთქვი.ვის რაში აინტერესებს, ცოლს რომ სცემა ბასილაშვილმა, ბრალი რომ დაუმძიმდა გამოძიების მსვლელობისას, შემაკავებელი ორდერი რომ ნაღდად გამოწერილია მასზე და ეს მაინცაა უკვე სასამართლოთი დადასტურებული...ეჰჰჰ... არაფერი ესმით კაცებს "კაცობისა" ამ ქვეყანაში.
ნიკა ვაჩეიშვილი: ბასილაშვილმა როგორც გაიმარჯვა, ეგრე გაიმარჯვებს ეს ქვეყანა. არ გეგონათ ხომ? ასე იქნება!
დუდანა ზაქარია: გუშინ რომ ჩააბეტონა და დღეს ჩოგბურთის პრაფესორ-აკადემიკოსი გახდა და ზენიტამდე აიყვანა, ის ხალხი განსაკუთრებულად მიყვარს
"ძალიან საშიში ხალხი ვართ... ეს გამოუსწორებელ ზარალს მიაყენებს მომავალში ძალადობის მსხვერპლთა დაცვას" - რას წერს ჟურნალისტი ბასილაშვილის საქმის "გარჩევებზე"
"ბასილაშვილს პირადად ვინცობ... ფემინისტებმა მოძალადე "ვაჟკაცის" ფენომენის წინააღმდეგ საბრძოლველად არასწორი სამიზნე შეარჩიეს" - რას წერს სპორტული ჟურნალისტი ჩოგბურთელზე
