"მაშინვე გვქონდა ინფორმაცია, რომ ჩანაწერებს სააკაშვილის დავალებით ამონტაჟებდნენ და ესეც ერთ-ერთი მათგანია" - სუბარი მედიაში დაანონსებულ ფარულ ჩანაწერზე
"ნოდარ მელაძის შაბათმა" დააანონსა, რომ დღეს ეთერში პრემიერ-მინისტრის ირაკლი ღარიბაშვილის, ანზორ ჩუბინიძისა და ბერა ივანიშვილის ფარულ აუდიოჩანაწერებს გაასაჯაროვებენ.
მათი ინფორმაციით, ბერა ღარიბაშილს უკვეთავს დასაჯოს ის ადამიანები, ვინც სოციალურ ქსელში უარყოფითი კომენტარები დაუწერა.
დაანონსებულ ჩანაწერებს "ქართული ოცნების" ერთ-ერთი ლიდერი სოზარ სუბარი გამოეხმაურა და აღნიშნა, რომ ეს "აღნიშნული ფალსიფიცირებული ჩანაწერი წინა ხელისუფლების წევრებმა "ოცნების" ხელისუფლებაში მოსვლამდე დაამზადეს.
"სააკაშვილის შავი არქივის მორიგი სიბინძურე გამოაგდეს პარტიული ტელევიზიის მუშაკებმა - უკრაინიდან მიღებული დავალებით და შემონახული სიყალბის ტირაჟირებით ცდილობენ საზოგადოების მოტყუებას.
ეს და კიდევ არაერთი ფალსიფიცირებული ჩანაწერი ჯერ კიდევ ქართული ოცნების ხელისუფლებაში მოსვლამდე დაამზადეს მაშინდელი რეჟიმის მონებმა და როგორც ჩანს, არც მომავალში დაიხევენ უკან მსგავსი სიბინძურეების ტირაჟირებისგან. ჩვენ მაშინვე გვქონდა ინფორმაცია, რომ სააკაშვილის დავალებით ამონტაჟებდნენ სხვადასხვა შინაარსის ჩანაწერებს და ესეც ერთ-ერთი მათგანია.
თუმცა, რა უნდა გაგვიკვირდეს იმ ტელევიზიისგან, რომელმაც ორი დღის წინ ადამიანს მათი პარტიის ოფისის დარბევა დააბრალა, რასაც მოხუცი ბებიის გარდაცვალება მოყვა. დაბოლოს, რა გავიგეთ ამ ჩანაწერიდან?! კიდევ ერთხელ გავიგეთ, რაც მანამდეც ვიცოდით, ვინ იყო ფარული ჩანაწერების შემოქმედი და ვინ ფლობს ამ შავ არქივს" - ამბობს სუბარი.
"მთავრობამ შემოუშვა, ხალხმა გაუშვა" - რას წერს ელენე ხოშტარია ვლადიმერ პოზნერის საქართველოდან წასვლის შემდეგ
"პოზნერი იმსახურებს ამ სახის პროტესტს? არ მომწონს ის რაც ხდება, ადამიანი ჩამოვიდა და უნდა მივუვარდით" - მეგრელიშვილი
