მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გურამ გეგეშიძის 6-ტომეულის მესამე ტომი 11 მარტიდან ჟურნალ „გზასთან“ ერთად გამოვა
15:40 / 05-03-2021
გრძელდება თანამედროვე კლასიკოსი მწერლის, გურამ გეგეშიძის, 6-ტომეულის გამოცემა. 2 ტომი უკვე გამოვიდა, რომლებშიც მწერლის პირველი რომანები, მოთხრობები და ნოველები გაერთიანდა; შემდეგი 4 ტომი კი მწერლის შემოქმედების ერთ-ერთ ყველაზე მნიშვნელოვან რომანებს მოიცავს - ტეტრალოგიას - რომელიც ერთი სახელის, „ქართლის ჭირის“, ქვეშ ერთიანდება.
„ქართლის ჭირი“ XIX საუკუნის მეორე ნახევრიდან XX-ის მიწურულამდე საქართველოს ისტორიის ამსახველი, უმნიშვნელოვანესი მხატვრული მატიანეა. მასში ოთხი რომანი ერთიანდება: „ხმა მღაღადებლისა“, „სისხლის წვიმები“, „ნაცრის კოშკი“ და „ნათლისქრობა“. 6-ტომეულის მესამე ტომი - რომანი „ხმა მღაღადებლისა“ - 11 მარტიდან ჟურნალ „გზასთან“ ერთად გამოვა წიგნის სპეციალური ფასია 10 ლარი, ჟურნალთან ერთად - 12 ლარი.
რომანში „ხმა მღაღადებლისა“ მოქმედება საქართველოს გასაბჭოების პერიოდში ვითარდება. როგორც წიგნის რედაქტორი მანანა ჯანელიძე აღნიშნავს, რამდენიმე თაობის ოჯახური ცხოვრების ფონზე მწერალი პირუთვნელად გვიხატავს ადამიანთა ეროვნულ-ზნეობრივი დეგრადაციის გზას:
„რომანში ორი მიმართულება იკვეთება. პირველი: ზნეობისა და გონიერებისა, რასაც ვარდანიძეების ოჯახისკენ მივყავართ; მეორე: ცოდვისა და უმეცრებისა, რაც უნდილაძეების ოჯახის თანმდევი გამხდარა. სწორედ მათი შთამომავლები შემოუძღვებიან სოფელში წითელ არმიას, რასაც სისხლისღვრა და ძველი დიდების მიწასთან გასწორება მოჰყვება.
გ. გეგეშიძე ერთგვარ „სინდისის სასამართლოს“ უწყობს თავის გმირებს და ამით - მთელ ეპოქასაც. ვიმედოვნებთ, რომ მწერლის ხმა მღაღადებლისა მკითხველს კიდევ ერთხელ დააფიქრებს წარსულზე, აწმყოსა და მომავალზე,“ - აღნიშნავს მანანა ჯანელიძე.
გურამ გეგეშიძის შემოქმედებამ პირველად 1957 წელს იხილა მზის სინათლე, როდესაც მწერლის მოთხრობა ჟურნალ „ცისკარში“ დაიბეჭდა. აღსანიშნავია, რომ იმავე ნომერში დაიბეჭდა პირველად გურამ გეგეშიძის ახლო მეგობრის, მწერალ გურამ რჩეულიშვილის მოთხრობაც. ქართველმა მკითხველმა უმალ იგრძნო, რომ ლიტერატურულ ასპარეზზე ორმა დიდმა მწერალმა შეაბიჯა.
შეგახსენებთ, გურამ გეგეშიძის 6-ტომეულის მესამე ტომი „ხმა მღაღადებლისა“ 11 მარტს ჟურნალ „გზასთან“ ერთად გამოვა. წიგნის სპეციალური ფასია 10 ლარი, ჟურნალთან ერთად - 12 ლარი.
იკითხეთ „ბიბლუსის“ მაღაზიათა ქსელში და პრესის გავრცელების ჯიხურებში მთელი საქართველოს მასშტაბით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
