14
მარტიდღის ზოგადი ასტროლოგიური პროგნოზი
ოპოზიციამ დღევანდელ შეხვედრაზე მიიღო გადაწყვეტილება, რომ ვიდრე ხელისუფლებასა და ოპოზიციას შორის მოლაპარაკების პროცესი მიმდინარეობს, დაგეგმილი საპროტესტო აქციები დროებით გადაიდოს. ამის შესახებ "სტრატეგია აღმაშენებლის" ერთ-ერთმა წევრმა პაატა მანჯგალაძემ შეხვედრის დასრულების შემდეგ განაცხადა.
მისი თქმით, ოპოზიციას არ სურს, რომ აქციები მოლაპარაკებების ჩაშლის საბაბი გახდეს.
„იმისთვის, რომ ხელისუფლებას დამატებითი საფუძველი და მიზეზი არ მივცეთ, რომ უარი თქვას მოლაპარაკებაზე ან მოლაპარაკება ჩაშალოს, ოპოზიციამ გადავწყვიტეთ დაგეგმილი აქციები დროებით გადავდოთ, ვიდრე მოლაპარაკების პროცესის ვადა არ დასრულდება, რაც 16 მარტამდეა განსაზღვრული. ვიცით, რომ „ნაციონალურ მოძრაობას“ სპეციფიკური ვითარება აქვს, რადგან თავმჯდომარეა დაჭერილი და შეუძლიათ აქციები ჩაატარონ იმ პირობით, რომ ადმინისტრაციულ შენობასთან და პოლიციასთან არ მოვიდნენ შეხებაში. ხვალინდელი აქცია იქნება, ამის შემდეგ რა აქციებიც იყო დაგეგმილი, გადაიდო.13 მარტის აქცია, სავარაუდოდ, 20 რიცხვში გადაიდო. ველოდებით, მოლაპარაკების შედეგებს“, - განაცხადა „სტრატეგია აღმაშენებლის“ წევრმა პაატა მანჯგალაძემ.
აღსანიშნავია, რომ 13 მარტს ოპოზიცია ფართომასშტაბიან აქციას გეგმავდა, რომელიც გადადებულია.
რაც შეეხება ხვალინდელ დღეს, „ერთიანი ნაციონალური მოძრაობის“ წევრის, თინა ბოკუჩავას განცხადებით, ოპოზიცია, ხვალ 13:00 საათზე, რესპუბლიკის მოედნიდან რუსთავის ციხისკენ, სადაც „ნაციონალური მოძრაობის“ თავმჯდომარე ნიკა მელია იმყოფება, ავტომობილებით მსვლელობას გამართავს.
როგორც ბოკუჩავა აცხადებს, ოპოზიციამ აქციების ფორმის მოდიფიკაციის შესახებ მიიღო გადაწყვეტილება.
„ერთიანი ნაციონალური მოძრაობისთვის“ ძალიან მნიშვნელოვანია, ოპოზიციამ ერთობლივად იმოქმედოს, მათ შორის, საპროტესტო აქციების ორგანიზებისას.
ჩვენ, გუშინდელ შეხვედრაზე, ისევე როგორც დღევანდელ შეხვედრაზე, „ნაციონალური მოძრაობის“ ოფისში, განვიხილეთ და გადავწყვიტეთ, რომ მოხდეს საპროტესტო აქციების ფორმის მოდიფიკაცია, იმისთვის, რომ ღარიბაშვილმა და ივანიშვილმა არ გამოიყენონ საპროტესტო ღონისძიებები მოლაპარაკების ჩაშლის საბაბად, რომლის ინიცირებაც მოახდინა პირადი მედიატორობით პრეზიდენტ მიშელმა.
ხვალინდელი აქცია, რომელიც უნდა გამართულიყო კანცელარიასთან პიკეტის ფორმით, შეიცვალა და ეს იქნება მსვლელობა ავტომობილებით, რომელიც დაიწყება რესპუბლიკის მოედანზე 13:00 საათზე და წავა რუსთავისკენ, სადაც არის პოლიტპატიმარი ნიკა მელია. 13 მარტის აქცია გადავდეთ 20 მარტისთვის“, - აცხადებს თინა ბოკუჩავა.
ე.წ. ოპოზიციავ ვერ გაიგეთ, რომ ხალხს თქვენ არ უნდიხრთ, მორჩით ტინგიცობას, ნუ სცდით ხალხის მოთმინებას.
))