"გოგა მაისურაძე რომ გავიცანი, სასტუმროს მეჯინიბე მეგონა. ასე ეგონა ბევრს - ხან მეჯინიბე, ხან მიმტანი, ხან მებაღე" - როგორ იხსენებენ "ლოპოტას" დამფუძნებელს
"ლოპოტა სპა რეზორტის" დამფუძნებელი, ცნობილი ბიზნესმენი გოგა მაისურაძე გარდაიცვალა. ის ბოლო ერთი წლის განმავლობაში მძიმე დაავადებას ებრძოდა.
მის გარდაცვალებას "ფეისბუქის" პირად გვერდზე ეხმაურება PR მენეჯერი და ტელეწამყვანი ირაკლი გაფრინდაშვილი:
"2011 წელს მოვხვდი პირველად ლოპოტაზე. გოგა მაისურაძე რომ გავიცანი, სასტუმროს მეჯინიბე მეგონა. ასე ეგონა ბევრს - ხან მეჯინიბე, ხან მიმტანი, ხან მებაღე... რის გამოც არის ლოპოტა ის რაც არის.
ეს დამოკიდებულება საქმის მიმართ, ჩემთვის იყო უდიდესი აღმოჩენა. მას მერე სულ ვიცოდი, რომ როდესმე ქალაქგარეთ მსგავს რამეს გავაკეთები. ყველა ჩასვლა დღესასწაული და პატივი იყო ვყოფილიყავი მისი და მისი საოცარი ოჯახის სტუმარი.
ყველა ჩასვლაზე ვეკითხებოდი ყველაფერზე, რა როგორ გააკეთა და სიხარულით მიზიარება.1 წელია დაუღალავად ვაკეთებ იმ საქმეს ორბეთში, რისი ინსპირაციაც 10 წლის წინ მომცა გოგა მაისურაძემ.
3 დღის წინ გავიგე რომ უკვე ძალიან ცუდად იყო, მინდოდა კიდევ ერთხელ მეთქვა რამხელა ძალა მომცა წლებისს წინ, როგორი მადლიერი ვარ მისი, მაგრამ ვერ მივწერე, მომერიდა... მინდოდა მეთქვა, როგორ შეუცვალა კახეთს სუნი და გემო, როგორ დაუტოვა ქვეყანას სავიზიტო ბარათი, რომლითაც სულ ვიამაყებთ".
"ვერ ვიძინებდით, ვგრძნობდით, რომ ბოლო ღამე იყო და გვტოვებდა" - როგორ იხსენებს ნათია ფანჯიკიძე გარდაცვლილ მეგობარს, რომელმაც "ლოპოტას სამოთხე" შექმნა
"სან დიეგოს ზოოპარკში მაინც წაგვიყვანონ... აცრილი ტურისტების ხელით შეხებაც შეგვეძლება თუ იცით?!" - ვაქცინაციის თემაზე "ფეისბუქში" სასაცილო "მიმები" ვრცელდება
