მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უკვე დღეიდან გაზეთ „კვირის პალიტრასთან“ ერთად “დავით აღმაშენებელი“, კვლავ სპეციალურ ფასად გაიყიდება „მთვარის მოტაცებაც“
11:26 / 01-03-2021
პატარობისას დედას გელათში წაუყვანია. თურმე გაოცებული შეჰყურებდა ბავშვი ტაძარს, დავითის ფრესკას. ასე გაიცნო კონსტანტინე გამსახურდიამ თავისი ეპოპეის „დავით აღმაშენებელი“ მთავარი გმირი. რომანს გამოსვლისთანავე დიდი გამოხმაურება მოჰყვა. 1950 წელს დაბეჭდილი მესამე წიგნის მთელი ტირაჟი დაწვეს. ეს ის წიგნია, სტალინს ლურჯ-წითელი მელნით „შენიშვნები“ რომ მიუწერია, მწერალთა კავშირში კი ავტორის წინააღმდეგ მთელი კამპანია წარიმართა.
კ. გამსახურდიას ერთ-ერთი ყველაზე მნიშვნელოვანი ისტორიული რომანი „დავით აღმაშენებელი“ (წიგნი პირველი და მეორე) გამომცემლობა „პალიტრა L-ის“ კ. გამსახურდიას სერიის ფარგლებში გამოიცა და 1-ლი მარტიდან მკითხველს გაზეთ „კვირის პალიტრასთან“ ერთად შეეძლება შეძენა სპეციალურ ფასად. წიგნის სპეციალური ფასია 13.50 ლარი, გაზეთთან ერთად – 15 ლარი. როგორც იცით, უკვე გამოვიდა სერიის პირველი წიგნი „მთვარის მოტაცება“. დიდი მოთხოვნიდან გამომდინარე, ყველამ ვერ შეძლო რომანის შეძენა, ამიტომ მკითხველთა თხოვნით წიგნი 1-ლი მარტიდან სერიის მეორე რომანთან ერთად გამოვა. ამდენად, თუკი შეძენა ვერ მოასწარით, შეგიძლიათ ახლა სერიის ორივე წიგნი გაზეთ „კვირის პალიტრასთან“ ერთად შეიძინოთ სპეციალურ ფასად.
როგორც კ. გამსახურდიას შემოქმედების მკვლევარი, ლიტერატორი და კრიტიკოსი სოსო სიგუა აღნიშნავს, „დავით აღმაშენებელი“ ჩვენი კულტურის ისტორიაში მნიშვნელოვანი მოვლენაა: „ეს მხოლოდ რომანი კი არ არის, არამედ საქართველოს ერთ-ერთი ყველაზე ბრწყინვალე ეპოქის მხატვრული ასახვა: თუ როგორი იყო ქართული სახელმწიფოებრიობა, როგორ იბრძოდა ქართველი მეფე, ქართველი ფეოდალი, ქართველი გლეხი სამშობლოს ერთიანობისა და თავისუფლებისთვის. დავით აღმაშენებელი კი ყველა ქართველისთვის არის იდეალი, თუ როგორი უნდა იყოს ქვეყნის მმართველი.
კ. გამსახურდიამ თავიდან კინოსცენარის წერა დაიწყო, დაამტკიცეს კიდეც, მაგრამ სტალინის არჩევანი დავით აღმაშენებლის ნაცვლად გიორგი სააკაძეზე შეჩერდა. რადგან მწერალს უკვე საჭირო მასალები უკვე მოძიებული და წერაც დაწყებული ჰქონდა, იდეაზე ხელი არ აიღო და ტრილოგიის წერა დაიწყო. ტრილოგია ტეტრალოგიად იქცა. თუკი თავიდან ოფიციოზი ყურადღებით ეკიდებოდა და რომანი რუსულადაც ითარგმნებოდა, მოგვიანებით ცუდი თვალით შეხედეს. მე-12 საუკუნის ქართველმა მონარქმა ასეთი სახელმწიფო შექმნა მაშინ, როცა, პეტრე I მე-18 საუკუნის დასაწყისში მოღვაწეობდა - ეს რუსებისთვის სასიამოვნო ფაქტი არ იყო. აქედან იწყება არა მხოლოდ ხელისუფლების, არამედ კოლეგების, მწერლების, კრიტიკოსების ბრძოლა რომანის წინააღმდეგ.
ამიტომაც გაჭიანურდა რომანის დასრულება და მხოლოდ 1962 წელს დამთავრდა, ე. ი. მწერალმა 22 წელი მოანდომა მასზე მუშაობას. როგორც აღვნიშნე, ეს არის არა მხოლოდ რომანი, არამედ ჩვენი სახელმწიოფეობრიობის, ჩვენი ისტორიის მთელი პარონამა. დარწმუნებული ვარ, ყველა დროის ქართველი მკითხველი მას დიდი ინტერესითა და სიყვარულით გაეცნობა“, - აღნიშნავს სოსო სიგუა.
კ. გამსახურდიას რომანები და ნოველები დღემდე დიდი პოპულარობით სარგებლობს ქართველ მკითხველში. მწერლის 7-ტომეული, როგორც ფასდაუდებელი ლიტერატურული შემოქმედება, ძვირფასი შენაძენია ყველა თაობის მკითხველისთვის. ამდენად, ჩვენი ქვეყნის „შავჩოხიანი ჭირისუფლის“, პატრიოტი მწერლის შემოქმედება ახალი გამოცემით მალე დაიკავებს ქართველი მკითხველის წიგნის თაროებზე ღირსეულ ადგილს.
შეგახსენებთ, კ. გამსახურდიას 7-ტომეულის გამოცემა 1-ლი თებერვლიდან დაიწყო და 7 თვის განმავლობაში გაგრძელდება. ყოველი ახალი ტომი თვეში ერთხელ გაზეთ „კვირის პალიტრასთან“ ერთად გამოვა. სერიის მეორე ტომი „დავით აღმაშენებელი“ (წიგნი პირველი და მეორე) შეგიძლიათ შეიძინოთ უკვე დღეიდან გაზეთ „კვირის პალიტრასთან“ ერთად. წიგნის სპეციალური ფასია 13.50 ლარი, გაზეთთან ერთად - 15 ლარი. შეგახსენებთ იმასაც, რომ 1-ლი მარტიდან ასევე შეძლებთ სერიის პირველი ტომის „მთვარის მოტაცება“ შეძენას სპეციალურ ფასად.
მოიკითხეთ წიგნის მაღაზიებსა და პრესის გავრცელების ჯიხურებში მთელი საქართველოს მასშტაბით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"თუ ჯართს არ ჩავაბარებ საჭმლის გარეშე დავრჩებით" - 11 წლის ალექსანდრე ალავერდაშვილი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
