პარლამენტთან აქტივისტები კიდევ ერთი კარვის გაშლას ცდილობდნენ, რასაც ხმაური მოჰყვა

პარლამენტთან ხმაური და დაპირისპირება იყო. ადგილზე ვითარება მას შემდეგ დაიძაბა, რაც საკანონმდებლო ორგანოს წინ შეკრებილი აქტივისტები კიდევ ერთი კარვის დადგმას შეეცადნენ, რასაც საპროტესტო აქციის მონაწილეებსა და სამართალდამცველებს შორის შეხლა-შემოხლა და ხმაური მოჰყვა.

აქციის მონაწილეები სკანდირებდნენ: „მონა, მონა!“.

მცირედი ინციდენტის შემდეგ, აქტივისტებმა რიგით მეთხუთმეტე კარავი მაინც გაშალეს.

აქციის მონაწილეები დაშლას არ აპირებენ და ხვალიდან პერმანენტულ აქციებს აანონსებენ.