27
მარტიდღის ზოგადი ასტროლოგიური პროგნოზი
ზუგდიდში ჩატარებულ სპეცოპერაციასთან დაკავშირებით ახალი დეტალები ხდება ცნობილი. არსებული ინფორმაციით, ოქროს ბირჟის დაყაჩაღებაში ბრალდებული თავდამსხმელი, რომელიც ორმხრივი სროლის დროს დაიღუპა, 25 წლის ბადრი თუთბერიძეა.
შსს-ს ცნობით, თუთბერიძე ცეცხლსასროლი იარაღით ოქროს ბირჟაზე შეიჭრა და ერთ-ერთ გამყიდველს ოქროს ნივთები იარაღის მუქარით გასტაცა, რის შემდეგაც შემთხვევის ადგილიდან მიიმალა.
"ტვ პირველთან" საუბარში, გარდაცვლილის ახლობლები ამბობენ, რომ უწყების მიერ გავრცელებული ინფორმაციის არ სჯერათ.
"რატომ მოკლეს ბავშვი? არ იყო საშველი, რომ არ მოეკლათ? დაეჭირათ მაინც. გვიჭირს ამის დაჯერება, რომ ეს ჩაიდინა. არაფერი არ სჭირდა საიმისოდ. ვიღაცამ უბიძგა ალბათ, თორემ ეგ ამას არასოდეს არ გააკეთებდა. ბავშვობიდან ჩვენს თვალწინ გაიზარდა და არ გვჯერა ამ ინფორმაციის" - ამბობენ "ტვ პირველთან" საუბრისას გარდაცვლილის ახლობლები.
შინაგან საქმეთა სამინისტროს მიერ გავრცელებული განცხადებით თანახმად, 25 ახალგაზრდამ დევნის ოპერაციის დროს პოლიციელებს ცეცხლი გაუხსნა.
"შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის ზუგდიდის რაიონული სამმართველოს თანამშრომლებმა მომხდარი ყაჩაღობის ფაქტიდან მალევე, ცხელ კვალზე დაიწყეს ოპერატიული და საგამოძიებო ღონისძიებები.
რუსთაველის ქუჩიდან მოშორებით, დანაშაულის სავარაუდო ჩამდენმა პირმა, მას შემდეგ, რაც სამართალდამცველები შენიშნა, მათი მიმართულებით იარაღიდან ცეცხლი გახსნა, რასაც პოლიციის მხრიდან, „პოლიციის შესახებ“ საქართველოს კანონის თანახმად, უკიდურესი ღონისძიების სახით, საპასუხო სროლა მოჰყვა, ვინაიდან არსებობდა მათი სიცოცხლისა და ჯანმრთელობის ხელყოფის რეალური საფრთხე.
შემთხვევის ადგილზე თავდამსხმელი - 1996 წელს დაბადებული პირი პოლიციის მიერ უგონო მდგომარეობაში იქნა ნანახი, რის შემდეგაც სამართალდამცველებმა სასწრაფო სამედიცინო დახმარების ბრიგადა გამოიძახეს, თუმცა მამაკაცის გადარჩენა ვერ მოხერხდა.
გარდაცვალების მიზეზის დადგენის მიზნით ჩატარდება შესაბამისი ექსპერტიზები" - ნათქვამია განცხადებაში.
დევნის ოპერაციისას შსს-ს თანამშრომლების მიერ იარაღის გამოყენებით განხორციელებული სამსახურებრივი უფლებამოსილების სავარაუდო გადამეტების ფაქტზე სახელმწიფო ინსპექტორმა გამოძიება უკვე დაიწყო.
და ქალბატონო იარაღით რომ სხვას ემუქრებოდა თავზე ხელი გადაესვათ? დედააა რა ქვეყანააა ვიღაცას გირაოს გადახდა არ უნდა ვიღაცას ეს უნდა ვიღაცას ის. კანონი ამხანაგებო კანონი
გომელაური მაინც ამაყია?