"მაინცდამაინც დაგასპოილეროთ გინდათ?! ჯერჯერობით მოვდივარ, ხომ ხედავთ?!.. მოდით, დავიწყოთ ბოდიშით..." - ფრაზები, რომლითაც გიორგი გახარიამ თავი დაგვამახსოვრა
18 თებერვალს, გიორგი გახარია პრემიერ-მინისტრის თანამდებობიდან გადადგა. როგორც გახარიამ განმარტა, მას გაუმართლებლად მიაჩნია ნიკა მელიას დაპატიმრება იმ პირობებში, როდესაც არსებობს პოლიტიკური ესკალაციის საფრთხე. გახარიას თქმით, გადადგომის მიზეზია ის, რომ აღნიშნულთან დაკავშირებით გუნდთან შეთანხმებას ვერ მიაღწია.
2019 წლიდან პრემიერ-მინისტრის პოსტზე და მანამდე შინაგან საქმეთა მინისტრის რანგში, გიორგი გახარიამ ქართულ საზოგადოებას არაერთი "ფრთიანი" ფრაზითა და საჯარო გამოსვლით დაამახსოვრა თავი. Palitravideo.ge-მ ექსპრემიერის ყველაზე დასამახსოვრებელი გამოსვლები შეკრიბა.
"მოდით მაშინ, დავიწყოთ ბოდიშით... ბოდიში!"
"როგორც კი საჭირო იქნება, მაშინვე გადავდგები"
"მაინცდამაინც დაგასპოილეროთ გინდათ?!"
"მაგარი კი არა, კურდღლები ხართ!"
"მთავარია, კორონავირუსი არ დაგვეცეს და ამას როგორმე გადავიტანთ"
"ნახეთ, როგორი სიტყვა ვისწავლე, სეროპრევალენტური კვლევა..."
"თქვენ გგონიათ, მე მაგით შეურაცხყოფას მომაყენებთ?! ივარჯიშეთ!"
"თქვენ წერილი გინდათ, თუ სიხარული?"
"როდის მიდიხართ, დღეს? ხვალ? გუშინ? ხომ არ წახვედით? ჯერჯერობით მოვდივარ, ხომ ხედავთ?!"
"გამომდინარე იქიდან, რომ მე ჩემს გუნდთან ერთად, ვერ მივაღწიე ერთობლივ აზრს ამ საკითხთან დაკავშირებით, მე მივიღე გადაწყვეტილება, გადავდგე დაკავებული თანამდებობიდან"
სად და როდის თქვა ეს ფრაზები გიორგი გახარიამ? იხილეთ ვიდეო: