მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ნიკას გაუმარჯოს" - რა შეძახილებით ამხნევებენ ნიკა მელიას მხარდამჭერები
08:45 / 23-02-2021
„ნაციონალური მოძრაობის“ თავმჯდომარეს, ნიკა მელიას პარტიის ოფისთან მყოფი მხარდამჭერები შეძახილებით ამხნევებენ, მოქალაქეები სკანდირებენ „ნიკას გაუმარჯოს“.
პარტიის ოფისის ფანჯრებიდან კი საქართველოს დროშები გადმოფინეს.
ეს არის რეჟიმის დასასრული. რეჟიმები ასე სრულდებიან. ესენი ვერ შეინარჩუნებენ ხელისუფლებას. როგორც არასდროს ვარ ძლიერად და დარწმუნებული ვარ ამ ქვეყნის გამარჯვებაში , - ამის შესახებ "ნაციონალური მოძრაობის" თავმჯდომარემ ნიკა მელიამ განაცხადა.
მისივე თქმით, ეს ხელისუფლება გავა არაფორმალური მმართველობიდან.
"მისი უდიდებულესობა ქართველი ხალხი დაიბრუნებს ძალაუფლებას. გავრილოვის გამო არცერთი საქართველოს მოქალაქე არ უნდა სამართლდებოდეს. იმის გამო, რაც ქართველ ხალხს აკადრეს. ხვალ რომ 20 ივნისი გაიმეოროს ხელისუფლებამ, ქართველმა ხალხმა არ უნდა გააპროტესტოს? ეს ამას ნიშნავს. ეს მონები, ირაკლი ღარიბაშვილო და ბიძინა ივანიშვილო, კლასიკური გაგებით სახელმწიფოს მოღალატე კი არა, ნებისმიერი იმ ქვეყნის მოღალატე იქნებოდით, სადაც დაიბადებოდით და გაიზრდებოდით. ჩვენდა სამწუხაროდ, თქვენ დაიბადეთ და გაიზარდეთ საქართველოში და მაშასადამე, ხართ ჩვენი ქვეყნის მოღალატეები და პატივია ის ბრძოლა, რომელ ბრძოლაშიც ახლა ვართ. ვერცერთ შემთხვევაში ხელს ვერ ააღებინებთ თავისუფლების მოყვარე ქართველ ხალხს გააპროტესტოს ჩვენი ქვეყნის სუვერენიტეტის შელახვის მცდელობა, რასაც 20 ივნისს ჰქონდა ადგილი და გავაპროტესტეთ. ეს არის რეჟიმის დასასრული. რეჟიმები ასე სრულდებიან. ესენი ვერ შეინარჩუნებენ ხელისუფლებას. როგორც არასდროს ვარ ძლიერად და დარმწუნებული ვარ ამ ქვეყნის გამარჯვებაში. მჯერა, რომ ამ კადრებს როცა ჩვენი შვილები, მათ შორის ჩემი შვილი როცა ნახავს, საკუთარი მამით და მამის მეგობრებით იამაყებს. გავრილოვი, ღარიბაშვილი ბიძინა ივანიშვილი, ფარცხალაძეები, ჩინჩალაძეები და მურუსიძეები ვერ გაგვასამართლებენ. არც თავისუფლება და არც ღირსება არ სამართლდება, ეს უსამართლო ძალმომრეობა სრულდება და სრულდება აქ და ახლა! ადამიანები, რომლებიც 24 საათის განმავლობაში ფიქრობენ ვინ დაიჭირონ, ვინ გაასამართლონ, ეს აღარ გაუვათ! მჯერა საკუთარი თავის, ჩემი კოლეგების, ჩემი მეგობრების, ბიძინა ივანიშვილმა მოახერხა და ყველა გაგვაერთიანა და ასე ვიქნებით მანამ, სანამ რეჟიმი ბოლომდე არ დაენარცხება ძირს", - განაცხადა ნიკა მელიამ.
ცნობისთვის, შინაგან საქმეთა სამინისტროს წარმომადგენლები "ერთიანი ნაციონალური მოძრაობის" ოფისში უკვე შევიდნენ. პარტიის ოფისთან ამ წუთებში დაპირისპირების რამდენიმე კერაა და სამართალდამცავები მოქალაქეებს ოფისში შესვლის საშუალებას არ აძლევენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
