მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ ოპოზიციამ მელია ოფისში მოინახულა, ერთი ცნობილი სიმღერისა არ იყოს: "მივიდნენ მის სანახავადა", ეს არ ნიშნავს, რომ მისი ერთგულები არიან" - თალაკვაძე
18:52 / 17-02-2021
დღეს თუ ოპოზიცია გარკვეული განცხადებებით გამოდის და ნიკა მელია ოფისში მოინახულეს, ერთი ცნობილი სიმღერისა არ იყოს: „მივიდნენ მის სანახავადა“, ეს არ ნიშნავს, რომ ეს ოპოზიცია მისი ერთგულია და მის გარშემო არის შემოკრებილი, - ამის შესახებ საქართველოს პარლამენტის თავმჯდომარე არჩილ თალაკვაძემ "პალიტრანიუსის" გადაცემა "დღის ნიუსრუმში", "ნაციონალური მოძრაობის" ლიდერთან, ნიკა მელიასთან დაკავშირებით განაცხადა.
მისივე თქმით, "ამ ოპოზიციასაც თავისი კონკრეტული არგუმენტები და ზოგიერთს კონკრეტული ვალდებულებები აქვს, თუ რატომ არის მისული „ნაციონალური მოძრაობის“ ოფისში“.
რაც შეეხება ოპოზიციის შეფასებებს იმასთან დაკავშირებით, რომ "მონური მორჩილების" დემონსტრირება მოხდა, როცა მელიასთვის იმუნიტეტის შეჩერების საკითხს უმრავლესობაში არცერთი მოწინააღმდეგე არ აღმოაჩნდა, არჩილ თალაკვაძის შეფასებით, თუ მონობა არსებობს, ნიკა მელიას გადაწყვეტილება არის ამისი ნათელი მაგალითი, რადგან „ცოტა ხნის წინ მელიამ საზოგადოებას საკუთარი გეგმები, გუნდის ახალი შემადგენლობა წარუდგინა, პარტიულ საქმიანობას აპირებდა და ახლა სრულიად სხვა რამეს აკეთებს მიხეილ სააკაშვილის ბრძანებით“.
"მე ვფიქრობ, ნიკა მელია არ არის მთელი ოპოზიციის ლიდერი, ვიტყოდი, რომ „ნაციონალურ მოძრაობაშიც“ ის არ არის ლიდერი, ვინაიდან რეალური ხელმძღვანელი გახლავთ მიხეილ სააკაშვილი.
თუ ვინმეს აქვს მონური დამოკიდებულება საკუთარ უფროსთან, ეს სწორედ ნიკა მელია გახლავთ და ამ შემთხვევაში, ის აკეთებს იმას, რასაც სააკაშვილი კარნახობს, ვინაიდან, ჩვენ სამი კვირის წინ, როდესაც განახლებული გუნდი წარუდგინა საზოგადოებას, მელიას ჰქონდა გეგმები, ის აპირებდა პარტიულ საქმიანობას და უცებ აღმოჩნდა, რომ სრულიად საწინააღმდეგოს აკეთებს მიხეილ სააკაშვილის ბრძანები - აი, თუ მონობა არსებობს, ზუსტად ეს არის მონობის მაგალითი. მეორე მაგალითსაც მოგიყვანთ, ზუსტად სააკაშვილი, ნიკა მელია და ეს რადიკალური ოპოზიცია იყო, რომლებიც თავს ესხმოდნენ და პირდაპირ შეტევა დააორგანიზეს ადამიანის ღირსებაზე, უმძიმესი შეურაცხყოფები მოვისმინეთ, მაგალითად, ალექსანდრე ელისაშვილის ან თუნდაც იაგო ხვიჩიას მისამარით და რას ითხოვდნენ ხომ არ გახსენდებათ? ითხოვდნენ მონურ დამოკიდებულებას ოპოზიციის შიგნით, მითუმეტეს, რომ ეს ადამიანები სხვადასხვა პარტიას წარმოადგენენ, თურმე უფლება არ აქვს ერთი ან მეორე პარტიის ლიდერს, რომ განსხვავებული დამოკიდებულება ჰქონდეს საკითხებთან. ეს არის მონური დამოკიდებულების კლასიკური მაგალითი, როდესაც ისინი ითხოვდნენ თავისი ოპოზიციონერი კოლეგების მხრიდან მონობას,“ - განაცხადა არჩილ თალაკვაძემ.
კითხვაზე, იქნება თუ არა პასუხისმგებელი „ქართული ოცნება“, რომლის უმრავლესობამ მელიასთვის იმუნიტეტის შეჩერების საკითხს მხარი დაუჭირა, თუკი მელიას დაკავების შემთხვევაში ქვეყანაში მოვლენები მშვიდობიან ფარგლებს გასცდება, თალაკვაძემ განაცხადა, რომ პასუხისმგებლობა ეკისრება იმას, ვინც კანონს არღვევს.
„პასუხისმგებლობა არის იმაზე, ვინც არღვევს კანონს. პარლამენტმა მიიღო საკუთარი რეგლამენტისა და კანონის ფარგლებში ეს გადაწყვეტილება, ჰქონდა ამის უფლება, ჰქონდა მტკიცებულებები, რომ ეს გადაწყვეტილება მიეღო და პარლამენტმა ეს გადაწყვიტა. შესაბამისად, ახლა ჯერი და საბოლოო სიტყვა არის სასამართლოზე. მე იმედი მაქვს, რომ მართლმსაჯულება ყველა ასეთ შემთხვევაში აღსრულდება ზედმიწევნით, ვინაიდან მომავლის საქართველო არ არის ის საქართველო, სადაც შეიძლება იერიში მიიტანო პარლამენტზე, ცესკოზე, ან განაცხადო, რომ შენ ხარ კანონგარეშე, კანონზე მაღლა დგახარ და დანარჩენი მოქალაქეები უნდა დაემორჩილონ კანონს, მაგრამ შენ არ დაემორჩილები. ის, რასაც ამ წუთებშიც აკეთებს მელიას გუნდი, არის პროვოკაცია სახელმწიფოზე, საკუთარი საზოგადოების წინააღმდეგ,“- განაცხადა არჩილ თალაკვაძემ.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შენ ვინც პარლამენტში გიზის, ყველა ერთგული გგონია? მონების აჯანყებაც ახსოვს ისტორიას!
კობზონა მაიტა ერთი შენი დაწერილი ლექსიც დაამატე