29
მარტიდღის ზოგადი ასტროლოგიური პროგნოზი
პარლამენტთან მიმდინარე აქციაზე სამოქალაქო აქტივისტებმა პროტესტის ნიშნად მავთულხლართი მიიტანეს, რომელზეც რუსი დეპუტატის სერგეი გავრილოვის, საქართველოს პრემიერ-მინისტრის გიორგი გახარიას და „ქართული ოცნების" წევრების სურათები ჩამოკიდეს.
მათი განცხადებით, ამ ფორმით დღეს ისინი პროტესტს გამოხატავენ პარლამენტში მიმდინარე მოვლენებისადმი, სადაც საქართველოს პარლამენტმა „ნაციონალური მოძრაობის" ლიდერის, ნიკა მელიას სადეპუტატო მანდატის შეჩერების საკითხზე უნდა იმსჯელოს.
„გვახსოვს 20 ივნისი და არ ვაპირებთ, რომ არც ნიკა მელია და არც სხვა ადამიანი გავრილოვის ხარკისთვის დავაკავებინოთ", - აცხადებენ აქტივისტები.
ასევე, "ევროპული საქართველოს" ახალგაზრდული ფრთის წარმომადგენლებმა საკანონმდებლო ორგანოს შესასვლელთან რუსი დეპუტატის, სერგეი გავრილოვის გამოსახულებიანი რამდენიმე მედალი მიიტანეს.
ისინი ამ ფორმით პარლამენტში „ნაციონალური მოძრაობის" ლიდერის ნიკა მელიას სადეპუტატო იმუნიტეტის შეჩერების საკითხის განხილვას აპროტესტებენ.
„გადავწყვიტეთ მოგვეტანა გავრილოვის რამდენიმე ხარისხის ემბლემა იმ მონებისთვის, ვინც გავრილოვის სიტყვებს ტაში დაუკრეს და გაიმეორეს მისი სიტყვები, რომ „ნიკა მელია დასაჭერია". გავრილოვის მედლებს შევიტანთ პარლამენტში, ჩავაბარებთ კანცელარიას და გადავცემთ მათ" , - განაცხადა „ევროპული საქართველოს" ახალგაზრდული ფრთის წარმომადგენელმა ლაშა ელიაძემ.
ადგილზე მობილიზებულია პოლიცია.
ბოდიშით მაგრამ,ამათ მახათები დაურიგოს ვინმემ აჯობებს.ამათზე მეტი გამყიდველი ვინაა
მთავარი გავრილოვები სააკაშვილი და ბურჯანაძე არიან მისტერ პუწინს რომ შეხვდა