ე.წ. კომენდანტის საათის შემსუბუქებასა და მოხსნაზე მთავრობა ყველა ბოლოს იმსჯელებს - რა განაცხადა ნათია თურნავამ

ეკონომიკის მინისტრის ნათია თურნავას ინფორმაციით, ღამით გადაადგილების შეზღუდვის (ე.წ. "კომენდანტის საათის") შემსუბუქებასა და გაუქმებაზე მსჯელობა ჯერჯერობით არ მიმდინარეობს.

ამის შესახებ მან საკოორდინაციო საბჭოს შეხვედრის დასრულების შემდეგ განაცხადა.

მისი ინფორმაციით, საბჭო ჯერჯერობით სხვა შეზღუდვების შემსუბუქებას განიხილავს.

"ჯერჯერობით ღამით გადაადგილების შეზღუდვის შემსუბუქებაზე ან გაუქმებაზე მსჯელობა არ მიდის. ჩვენ ვმსჯელობთ შემდეგ ნაბიჯებზე. დარჩა ბიზნესსექტორები სადაც მიდგომა არ შეგვიმსუბუქებია. ვერ გავხსენით საბავშვო ბაღები, ფიტნესინდუსტრია და სპორტული ობიექტები.

პირველ რიგში ამ სფეროებზე და საქალაქთაშორისო ტრანსპორტის გახსნაზე ვიმსჯელებთ. რაც შეეხება ღამის საათების შეზღუდვას, ამას მოგვიანებით მოვიტოვებთ. ნუ ვიჩქარებთ, რადგან ერთმა გაუფრხილებელმა ნაბიჯმა შეიძლება პრობლემა შემქნას" - აღნიშნა თურნავამ.