"ბავშვმა დანაშაული გამოისყიდა... დანაშაული იყო ის, რომ გაუპატიურებული იყო" - ქობულეთში გარდაცვლილი გოგონას ბაბუა
ქობულეთში გარდაცვლილი 14 წლის გოგონას ბაბუა ამბობს, რომ მისმა შვილიშვილმა თვითმკვლელობით "დანაშაული გამოისყიდა". ამის შესახებ მან "ნოდარ მელაძის შაბათს" განუცხადა.
"ბავშვმა მოიკლა თავი, მისი დანაშაული გამოისყიდა და ვსიო, დამთავრდა" - აღნიშნა გარდაცვლილის ბაბუამ.
ჟურნალისტის კითხვაზე, რას გულისხმობს დანაშაულში, პასუხობს, "დანაშაული იყო, გაუპატიურებული რომ იყო ბავშვი".
ცნობისთვის, ბათუმის საქალაქო სასამართლომ 14 წლის მოზარდის მიმართ სექსუალური ძალადობის ბრალდებით დაკავებულ 23 წლის მამაკაცს აღკვეთის ღონისძიების სახით პატიმრობა შეუფარდა.
გადაწყვეტილება მოსამართლე დავით მამისეიშვილმა მიიღო. მომდევნო სხდომა 6 აპრილს გაიმართება.
აღსანიშნავია, რომ დაკავებულის ახლობლები ძალადობაში პირიქით გოგონას ოჯახის წევრებს ადანაშაულებენ და ისინი ამბობენ, რომ სიმართლის დასამტკიცებლად იბრძოლებენ.
გოგონას გარდაცვალების შესახებ ინფორმაცია 10 თებერვალს გავრცელდა. ამის შემდეგ შსს-მ ინფორმაცია გაავრცელა, რომლის თანახმად, პოლიციამ ქობულეთში 16 წლის ასაკს მიუღწევლის სხეულში სექსუალური ხასიათის შეღწევის ბრალდებით, 1997 წელს დაბადებული მამაკაცი დააკავა.
მომსახურების სააგენტოში 17 თებერვლიდან ყველა სახის სერვისი განახლდება
ქობულეთში გარდაცვლილი 14 წლის გოგონას ბაბუას ბრალი წარედგინა - სასამართლო პროცესი 17 თებერვალს გაიმართება
