ბათუმში დაჭრილი მამაკაცი იპოვეს, რომელიც დახმარებას ითხოვდა

ბათუმში დაჭრილი მამაკაცი იპოვეს. როგორც ადგილობრივები აცხადებენ, იგი ჭავჭავაძის ქუჩაზე მდებარე "ელიტ ელექტრონიქსის" მაღაზიის მიმდებარედ იმყოფებოდა და დახმარებას ითხოვდა.

მათივე ინფორმაციით, მამაკაცი მძიმედ ნაცემი იყო.

დაშავებული კლინიკაშია გადაყვანილი. მისი ჯანმრთელობის მდგომარეობა დამაკმაყოფილებელია. შემთხვევის ადგილზე სამართალდამცავები და სასწრაფო დახმარების ბრიგადა იყო მობილიზებული.