ვინ მიდის და ვინ რჩება "ევროპული საქართველოში" - პარტიაში გამართული შეხვედრის შემდეგ ლიდერებმა გადაწყვეტილებები გაახმოვანეს
მივიღე გადაწყვეტილება, რომ "ევროპული საქართველოს" ყრილობაზე, რომელიც არაუგვიანეს მაისში გაიმართება, არ დავაყენო პარტიის თავმჯდომარის თანამდებობაზე კანდიდატურა,- ამის შესახებ "ევროპული საქართველოს" თავმჯდომარემ, დავით ბაქრაძემ პარტიის ოფისში გამართულ ბრიფინგზე განაცხადა.
მისი თქმით, "ევროპულ საქართველოსთვის" მისი 4 - წლიანი თავმჯდომარეობა იყო წარმატებული და კარგი.
როგორც ბაქრაძემ აღნიშნა, პარტიას მუდმივი განახლება სჭირდება.
"მივიღე გადაწყვეტილება "ევროპული საქართველოს" ყრილობაზე, რომელიც არაუგვიანეს მაისში გაიმართება, არ დავაყენო პარტიის თვმჯდომარის თანამდებობაზე კანდიდატურა“,-განაცხადა ბაქრაძემ.
ანალოგიური გადაწყვეტილება გაახმოვანა გიგი უგულავამაც. მისი განცხადებით, მისი გადაწყვეტილება დროულია.
"დავით ბაქრაძის მსგავსად, არც მე ვაპირებ მომავალ ყრილობაზე კენჭი ვიყარო გენერალურ მდივნად. აღარ ვიქნები ყრილობის შემდეგ პარტიის გენერალური მდივანი. მიმაჩნია ეს არის ლოგიკური და დროული“, - განაცხადა უგულავამ.
ცნობისთვის, მანამდე დავით ბაქრაძემ განაცხადა, რომ მიიღო გადაწყვეტილება, „ევროპული საქართველოს“ ყრილობაზე, პარტიის თავმჯდომარის თანამდებობაზე საკუთარი კანდიდატურა არ დააყენოს.
გიგა ბოკერია აცხადებს, რომ დავით ბაქრაძისგან და გიგი უგულავასგან განსხვავებით, არ აქვს მიღებული მათი მსგავსი გადაწყვეტილება.
"პატივს ვცემ გიგის გადაწყვეტილებას, მაგრამ მე ასეთი გადაწყვეტილება არ მაქვს მიღებული", - განაცხადა გიგა ბოკერიამ.
მელია ელისაშვილს პასუხობს: "არ მომიყვანო მაგ პარლამენტში, ჩემი ხელით გამოგიყვან"
"მზად ვარ, ნიკა მელიას ჩემი ხელფასი გადავურიცხო..ადამიანურად მზად ვარ" - ალეკო ელისაშვილი
