"ვერსად დამემალება ვერც მაგი და ვერც ის, ვინც ხელშემწყობია“ - მეუფე იაკობი პეტრე ცაავას ემუქრება
"ამაზრზენი და ანტისახელმწიფოებრივი პირდაპირი შეტევა განხორციელდა სახელმწიფოსა და ეკლესიაზე", - ასე შეაფასა თავდაცვის მინისტრმა ირაკლი ღარიბაშვილმა "ტვ პირველის" ეთერში პეტრე ცაავას მიერ გაკეთებული განცხადებები, რომელმაც საპატრიარქო და პატრიარქი კვლავ დაადანაშაულა არაერთ ცოდვაში. მისი მტკიცებით, მასთან დაახლოებულმა პირმა უთხრა, რომ ის საპატრიარქოში სექსუალური ძალადობის მსხვერპლი გახდა.
"მეუფე პეტრემ გუშინ, თავის თავს განაჩენი გამოუტანა", - ცაავას განცახდებები კი ბოდბელმა მთავარეპისკოპოსმა მეუფე იაკობმა შეფასა.
"ის იქნება განკვეთილი და მერე უკვე მღვდელმთავრის ხარისხი რომ არ ექნება, დანარჩენზე, როგორც აგებენ პასუხს ცილისწამებებზე, პირადად მე, ვერსად დამემალება ვერც მაგი და ვერც ის, ვინც ხელშემწყობია“, - განაცხადა მეუფე იაკობმა.
შეგახსენებთ, 2019 წელს მეუფე პეტრე ცაავა დასაჯეს და ჭყონდიდის მიტროპოლიტის თანამდებობიდან გადააყენეს. ბოლო პერიოდის განმავლობაში იყო საუბარი იმაზე, რომ საპატრიარქომ შესაძლოა პეტრე ცაავა განკვეთოს.
„ტოიოტა ცენტრი თბილისი“: სერვისის სპეციალური კამპანიის ფარგლებში უფასო ტექნიკური მომსახურების მისაღებად მომხმარებელმა VIN-კოდი უნდა შეამოწმოს
საქართველოში კორონავირუსის 395 ახალი შემთხვევა გამოვლინდა - რამდენი ტესტი ჩატარდა გასულ 24 საათში
