"იქნებ გონს მოეგონ ეს ქვეყნები და გადახედონ ვაქცინაციის სტრატეგიებს..." - რას წერს ბიძინა კულუმბეგოვი "ფეისბუქში"

იმუნოლოგი ბიძინა კულუმბეგოვი მოწინავე ქვეყნების ვაქცინაციის სტრატეგიას აკრიტიკებს. ამასთან დაკავშირებით იმუნოლოგი "ფეისბუქის" პირად გვერდზე წერს:

"დღევანდელი დღის მონაცემებით 138 მილიონი აცრიდან, რომელიც მსოფლიოში ჩატარდა ¾ განხორციელდა 10 ქვეყანაში, რომელზეც მოდის მსოფლიოს GDP-ის 60%. ასევე, დღევანდელი დღის მონაცემებით, მსოფლიოს 130 ქვეყანაში (მათ შორის ჩვენს სამშობლოში), სადაც 2.5 მილიარდი ადამიანი ცხოვრობს არც ერთი ვაქცინის დოზა არ გაკეთებულა.

აღნიშნულს ჯანდაცვის მსოფლიო ორგანიზაცია უწოდებს თვით-დამარცხებისკენ მიმართულ სტრატეგიას, რომლის საფასური იქნება ბევრი დაკარგული სიცოცხლე და ვირუსისთვის შანსი კიდევ უფრო მეტი მუტაცია განიცადოს, რაც შესაბამისად კიდევ უფრო მეტად შეარყევს გლობალურ ეკონომიკას.

P.S. იქნებ გონს მოეგონ ეს ქვეყნები და გადახედონ მათ ვაქცინაციის სტრატეგიებს, რომელთა საბოლოო მიზანი ჯანსაღი ფენის აცრასაც კი მოიცავს, მაშინ როცა ამდენი ადამინის სიცოცხლე შეიძლება გადარჩეს მათ მიერ გაღებული ვაქცინის დოზებით. ბოლოს და ბოლოს პანდემია ხომ ერთ რომელიმე ცალკე აღებულ ქვეყანაში ვერ დასრულდება".