მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უკვე დღეიდან გურამ გეგეშიძის 6-ტომეულის პირველი ტომი ჟურნალ „გზასთან“ ერთად
10:37 / 11-02-2021
თანამედროვე კლასიკოსი მწერლის, გურამ გეგეშიძის, 6-ტომეულის პირველი ტომი მკითხველთან შესახვედრად მზად არის. უკვე დღეიდან მის შეძენას ჟურნალ „გზასთან“ ერთად შეძლებთ. წიგნის სპეციალური ფასია10 ლარი, ჟურნალთან ერთად - 12 ლარი.
გურამ გეგეშიძის 6-ტომეულში ცნობილი მწერლის ძვირფასი შემოქმედება ერთიანდება. აღსანიშნავია, რომ 6-ტომეულს გამომცემლობა „პალიტრა L“ უკვე მეორედ გამოსცემსდა მკითხველს საშუალებას აძლევს ჟურნალთან ერთად, განსაკუთრებული აქციით, შეიძინოს თანამედროვე კლასიკოსი მწერლის წიგნები. ყოველი ტომი 2 კვირაში ერთხელ ჟურნალ „გზასთან“ ერთად გამოვა.
პირველ ტომში შესულია გურამ გეგეშიძის ორი რომანი - ერთ-ერთი ყველაზე ადრეული წიგნი „ცოდვილი“ და მის შემოქმედებაში გამორჩეული ლიტერატურული ქმნილება „სტუმარი“, მეორე ტომი ნოველებსა და მოთხრობებს ეთმობა, შემდეგ ტომებში კი გურამ გეგეშიძის უმნიშვნელოვანესი ლიტერატურული პანო - ტეტრალოგია „ქართლის ჭირი“ შევიდა. ამ ქუდქვეშ გაერთიანებული ოთხი რომანი - „ხმა მღაღადებლისა“, „სისხლის წვიმები“, „ნაცრის კოშკი“ და „ცეცხლისქრობა“ – XIX საუკუნის მეორე ნახევრიდან XX-ის მიწურულამდე საქართველოს ისტორიის ამსახველი, უმნიშვნელოვანესი მხატვრული მატიანეა.
როგორც აღვნიშნეთ, პირველ ტომში მწერლის ორი რომანი ერთიანდება: „ცოდვილი“ და „სტუმარი“. რომანთა მთავარი თემისა და მნიშვნელობის შესახებ წიგნის რედაქტორი მანანა ჯანელიძე გვესაუბრა: „ცოდვილის“ მთავარ პერსონაჟს, ვამეხ გურამიშვილს, ბედისწერამ თუ შემთხვევითობამ ძმის უნებლიე მკვლელის ტრაგიკული ბედი არგუნა. ამის შემდეგ იწყება ვამეხის ცხოვრებაში საკუთარი თავის შეცნობის, ცხოვრების საზრისისა და დანაშაულის გამოსყიდვის საშუალების ძიება. რომანის ეთიკურ-ფსიქოლოგიური და მხატვრულ-ფილოსოფიური მოტივების ნაწილი სწორედ ამ ბიბლიური ცოდვის გარშემო ტრიალებს.
არანაკლებ მნიშვნელოვანი და საინტერესოა გურამ გეგეშიძის მეორე რომანი - „სტუმარი“. აქ მწერალმა კიდევ ერთხელ დააფიქრა მკითხველი ცხოვრების საზრისზე, ადამიანური ფასეულობებსა და ღირებულებებზე. სტუმარი თავად რომანის მთავარი გმირი თარხუჯია, რომელიც ამ ქვეყნად თავსუცხოდ, სტუმრად გრძნობს; მისთვის რთული აღმოჩნდა ცხოვრების ის სტილი, რომელიც მისი ნაცნობ-მეგობრებისთვის ყოველდღიურობის განუყოფელი ნაწილია. რადგან თარხუჯი ვერ ეგუება სინამდვილეს და საკუთარ თავს ვერ პოულობს, დედაქალაქს ტოვებს...“– აღნიშნავს მანანა ჯანელიძე.
ამდენად მკითხველის წინაშეა თანამედროვე კლასიკოსი მწერალი, რომლის შემოქმედებას ყველა ქართველი უნდა იცნობდეს.
შეგახსენებთ, გურამ გეგეშიძის6-ტომეულისპირველი ტომი დღეს ჟურნალ „გზასთან“ ერთადგამოვიდა.წიგნისსპეციალურიფასია10 ლარი, ჟურნალთანერთად - 12 ლარი.
იკითხეთ „ბიბლუსის“ მაღაზიათა ქსელში და პრესის გავრცელების ჯიხურებში მთელი საქართველოს მასშტაბით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
