როგორ შევქმნათ ონლაინ რესტორანი 1 დღეში? - ახალი პლატფორმა კვების ობიექტებისთვის

მიუხედავად იმისა, რომ მზა საკვების მიტანის სერვისზე მოთხოვნა გაიზარდა, ბევრ წარმატებულ რესტორანს ახალ გამოწვევებთან გამკლავება მაინც უჭირს. მათი ნაწილისთვის გამოწვევას წარმოადგენს ვებ-გვერდის შექმნა, რომელიც ონლაინ-გაყიდვების ზრდაში დაეხმარება.

კვების ობიექტები სხვადასხვა საკურიერო მომსახურების კომპანიებთან თანამშრომლობენ, თუმცა გაზრდილი კონკურენციის პირობებში, საკუთარი ვებ-გვერდის არსებობა რესტორანს სხვებთან შედარებით უპირატესობას ანიჭებს.

სწორედ ბაზარზე გაჩენილი მოთხოვნის საფუძველზე შეიქმნა პლატფორმა KOVZY.COM, რომელიც კვების ობიექტებს საშუალებას აძლევს, დაზოგონ ხარჯები და დამოუკიდებლად, 1 დღეში, ყოველგვარი საწყისი ინვესტიციის გარეშე შექმნან საკუთარი პერსონალური ვებ-გვერდი ონლაინ გაყიდვებისთვის. კონკრეტულად, რა მექანიზმებით არის ეს შესაძლებელი და როგორ ეხმარება KOVZY.com რესტორნებს თანხის დაზოგვაში, ამის შესახებ პლატფორმის დირექტორს სანდრო დარსაველიძეს ვესაუბრეთ:

კონკრეტულად, როგორ ფუნქციონირებს KOVZY.com და რატომ შეიძლება ის რესტორნებისთვის მოსახერხებელი გახდეს?

KOVZY.com-ის მეშვეობით რესტორნები თავად, დეველოპერების დახმარების გარეშე, სწრაფად ქმნიან თავიანთ ვებ-გვერდს.

გარდა იმისა, რომ თავიანთი ვებ-გვერდიდან პირდაპირი გაყიდვების შემთხვევაში, რესტორნები ზოგავენ შუალედური კომპანიების საკომისიოს (რაც საკმაოდ სოლიდურ თანხას შეადგენს) ჩემი აზრით, გრძელვადიან პერსპექტივაში, ერთგულ მომხმარებლებთან პირდაპირი და უშუალო კონტაქტის შენარჩუნება გაცილებით დიდი სარგებლის მომტანია. ამ გზით რესტორნები თავს იზღვევენ, მათი ბიზნესი არ გახდესსხვაზე დამოკიდებული, ჰქონდეთ ავტონომია და თავისუფლება გადაწყვეტილების მიღებასა და მოქმედებებში, რაც ბევრ უსიამოვნებას, თუნდაც მომხმარებელთა უკმაყოფილებას აარიდებთ თავიდან.

რა უპირატესობა აქვს კომპანიისთვის პერსონალური ვებ-გვერდის არსებობას, თუ ის ე.წ დელივერის სერვისის მიმწოდებელთან უკვე თანამშრომლობს?

ვფიქრობ, ჩვენს ეპოქაში პერსონალური ვებ-გვერდი, არამარტო კვების ობიექტებისთვის არამედ, ყველა ბიზნესისთვის აუცილებლია. ეს დღევანდელი პანდემიის და შეზღუდვების პირობებში კიდევ უფრო მკაფიოდ გამოჩნდა. ამასთან, გაზრდილი კონკურენციის პირობებში, ბიზნესები უფრო მეტი ძალებით ცდილობენ, მომხმარებლისთვის მათი პროდუქტის შეძენა კიდევ უფრო გაამარტივონ. შეკვეთისა და მიწოდების სხვადასხვა პლატფორმა კი მათ საშუალებას აძლევთ, სხვა რესტორანთან შედარებით უპირატესობა მოიპოვონ და უფრო ხელმისაწვდომები გახდნენ. მათ შორის არის ონლაინ რესტორნის შექმნაც.

ამ მიზნის მისაღწევად არსებობს ორი გზა: პირველი - ე.წ. ტრადიციული მეთოდი, როცა უკავშირდებით დეველოპერებს, კომპანიას ან ფრილანსერებს, აცნობთ თქვენს სურვილებს, გეგმავთ ვებ-გვერდის დიზაინს, სტრუქტურას, უკავშირდებით ბანკებს გადახდების დასაერთებლად. ჩამოთვლილის ორგანიზებას ცალკე თანამშრომელი სჭირდება სპეციფიკური ცოდნით, ასევე, საჭიროა გარკვეული ინვესტიცია და არც მეტი, არც ნაკლები, 2-3 თვე, რომელიც დღეს, ბიზნესებს ნამდვილად არ აქვთ. აღნიშნული პრობლემებიდან გამომდინარე, ბიზნესების ნაწილი იძულებულია, შეკვეთები ტელეფონის ან „ფეისბუქის“ მეშვეობით მიიღონ, რამაც შეიძლება გარკვეული გაუგებრობები შექმნას და მომხმარებლის უკმაყოფილება გამოიწვიოს.

მეორე - ალტერნატიული გზა არის ახალი, მარტივი სერვისების გამოყენება, რომლის მეშვეობითაც დამატებით ხარჯებს აირიდებთ თავიდან და რესტორნის ვებ-გვერდსაც გამართავთ. ამის შესაძლებლობას იძლევა KOVZY.com, რომელზეც ორი მარტივი საფეხურის გავლა მოგიწევთ:

• რეგისტრაცია
• რესტორნის შესახებ ინფორმაციის შეყვანა, კერძების ფოტოების, ფასების დამატება და ახალი ვებ-გვერდი მზადაა

როგორ მართავს რესტორნის ადმინისტრაცია KOVZY.com-ზე შექმნილ ვებ-გვერდს, რა ხდება რეგისტრაციის შემდეგ?

რეგისტრაციისშემდეგ იხსნება წვდომა ადმინისტრატორის მოდულზე, საიდანაც მართავთ და აწყობთ თქვენი რესტორნის პერსონალურ ვებ-გვერდს თქვენი სურვილისამებრ. პლატფორმაზე დაგხვდებათ უკვე აპრობირებული, საუკეთესო ინტერფეისის მქონე ვებ-გვერდების ნიმუშები, საიდანაც არჩევთ თქვენთვის მისაღებ დიზაინს და იწყებთ ინფორმაციის შევსებას. აღსანიშნავია რომ პლატფორმაზე შექმნილი ყველა ონლაინ რესტორნის დიზაინი ადაპტირებულია მობილურ ბრაუზერებთან, რაც გაძლევთ შესაძლებლობას მიიღოთ შეკვეთები, როგორც კომპიუტერიდან, ასევე მობილური ტელეფონიდან.

პლატფორმაზე მუშაობა საკმაოდ მარტივია. კითხვების შემთხვევაში, ჩვენი თანამშრომლები ნებისმიერ კომპანიას გაუწევენ კონსულტაციას და მიაწვდიან საჭირო ინსტრუქციებს. რაც მთავარია, მომხმარებელს KOVZY.com-ზე აწყობილი ვებ-გვერდი ჩვეულებრივად, დეველოპერების აწყობილი ვებ-გვერდის მსგავსად უჩანთ.

საინტერესოა, რა ფუნქციონალების გამოყენება შეუძლიათ რესტორნებს და რამდენად მრავალფეროვანია მათი არჩევანი?

კონკრეტულად, დაგხვდებათ მენიუს გვერდი, იქმნება კატეგორიები, ამატებთ ულიმიტო რაოდენობის კერძებს ფოტოსურათით და აღწერით, განსაზღვრავთ ფასს, ქმნით პროდუქციის ვარიაციებს, რითიც მოხმარებლებს აძლევთ შესაძლებლობას, დაამატონ და ამოიღონ სხვადასხვა ინგრედიენტი კერძებიდან. პლატფორმა ითვალისწინებს ჯვარედინი გაყიდვის ფუნქციასაც, რაც მოგცემთ შესაძლებლობას კიდევ უფრო გაზარდოთ თქვენი შემოსავლები. მიწოდების მართვის მოდულიდან თქვენვე განსაზღვრავთ ფილიალის გარშემო კერძების მიტანის რადიუსს, აწყობთ საკუთარ მიწოდების სერვისს ან სარგებლობთ ჩვენი პარტნიორი საკურიერო კომპანიების მომსახურებით, რომლებიც გაძლევენ შესაძლებლობას, ტრანსპორტირების ღირებულება მხოლოდ მანძილის მიხედვით გადაიხადოთ.

ასევე, შესაძლებელია შეიქმნას საიმიჯო გვერდი, სადაც განთავსდება ზოგადი ინფორმაცია რესტორნის შესახებ. პლატფორმას აქვს სამენოვანი მხარდაჭერა, უკვე დაერთებულია, ადგილობრივი ბანკების ონლაინ გადახდები.

რა ხარჯებთან არის დაკავშირებული რესტორნის ვებ-გვერდის შექმნა თქვენს პლატფორმაზე?

პლატფორმა KOVZY.COM-ის მეშვეობით, საიტის შექმნა სრულიად უფასოა და არ მოითხოვს არანაირ წინასწარ ინვესტიციას. ჩვენ არც რესტორნის გაყიდვებიდან ვიღებთ კონკრეტულ პროცენტს. ჩვენი ბიზნეს მოდელი SAAS (software as a service) პრინციპზეა დაფუძნებული და რესტორნები იხდიან მხოლოდ ფიქსირებულ, ყოველთვიური მომსახურების ღირებულებას 199 ლარის ოდენობით.