რა ხდება რუსეთის დიდ ქალაქებში, სადაც ნავალნის გათავისუფლების მოთხოვნით აქციები იმართება - დაკავებულთა რიცხვმა 2000-ს გადააჭარბა (ემოციური კადრები)

რუსეთში საპროტესტო აქციებზე დაკავებულთა რიცხვმა 2 000-ს გადააჭარბა. რუსი ოპოზიციონერი პოლიტიკოსის ალექსეი ნავალნის მხარდამჭერი საპროტესტო აქციები რუსეთის ათობით ქალაქში მიმდინარეობს.

BBC-ის რუსული გამოცემის ცნობით, ყველაზე ფართომასშტაბიანი გამოსვლები ეკატერინბურგში და ნოვოსიბირსკში ჩატარდა.

„კორუფციასთან ბრძოლის ფონდის“ ინფორმაციით, მოსკოვში ნავალნის მეუღლე, იულია ნავალნაია დააკავეს. ამ დროისთვის, მოსკოვში უსაფრთხოების ზომები მაქსიმალურადაა გამკაცრებული. დახურულია მეტროს 7 სადგური და შეცვლილია საზოგადოებრივი ტრანსპორტის მარშრუტი. 28 იანვარს რუსეთში დაბრუნებულ ოპოზიციონერ ალექსეი ნავალნის სასამართლომ 30-დღიანი პატიმრობა შეუფარდა.

რუსეთში განვითარებულ მოვლენებს აშშ-ის სახელმწიფო მდივანი ენტონი ბლინკენი ეხმაურება და გმობს რუსეთის ხელისუფლების მკაცრ ქმედებებს საპროტესტო აქციის მონაწილეთა მიმართ.

„აშშ გმობს მშვიდობიანი საპროტესტო აქციის მონაწილეთა და ჟურნალისტთა წინააღმდეგ მკაცრი ტაქტიკის მუდმივ გამოყენებას რუსეთის ხელისუფლების მხრიდან ზედიზედ მეორე კვირის განმავლობაში. კვლავაც მოვუწოდებთ რუსეთს, გაათავისუფლოს საკუთარი უფლებების დაცვისთვის დაკავებულები, კერძოდ კი ალექსეი ნავალნი“, - წერს ენტონი ბლინკენი „ტვიტერის“ გვერდზე.

<blockquote class="twitter-tweet"><p lang="ru" dir="ltr">Люди скандируют: «Моя Россия сидит в тюрьме!» <a href="https://t.co/EHOOLedMz5">pic.twitter.com/EHOOLedMz5</a></p>&mdash; Штаб Навального во Владивостоке (@teamnavalny_vdk) <a href="https://twitter.com/teamnavalny_vdk/status/1355749452666036224?ref_src=twsrc%5Etfw">January 31, 2021</a></blockquote> <script async src="https://platform.twitter.com/widgets.js" charset="utf-8"></script>