როგორია გელათის ტაძარი დღეს - ფოტორეპორტაჟი სამონასტრო კომპლექსიდან
გელათის ღვთისმშობლის სახელობის ტაძრის დასავლეთ მკლავზე დაზიანებული დროებითი გადახურვის ფრაგმენტის აღდგენა დასრულებულია.
სპეციალური ტექნიკის გამოყენებით, მკლავის სამხრეთ ფერდზე 15 კვ. მეტრი ფართობის მქონე არეალზე სპეციალისტების მიერ მოწყობილ ხის კონსტრუქციულ ბაზისზე თუნუქის ფენილი სათანადო წესით დაეფინა. დასავლეთ მკლავის სამხრეთ ფერდზე გადახურვის სამუშაოები 2018-19 წლებში ჩატარდა, თუმცა, სპეციალისტების შეფასებით, ის სათანადოდ არ იყო განხორციელებული. აღნიშნულის გამო, კულტურული მემკვიდრეობის სააგენტომ სამუშაოების განმახორციელებელ კომპანიებს ფულადი სანქცია დააკისრა.
„ინტერპრესნიუსის“ ფოტოკორესპონდენტი გიორგი ნიკოლიშვილი გელათში იმყოფებოდა.
გთავაზობთ ტაძარში არსებული ვითარების თაობაზე მის მიერ მომზადებულ ფოტორეპორტაჟს.
