მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აბა სადღა გვაქვს ასეთ გულებში უფლის ადგილი? შევიყვაროთ, შევიყვაროთ, შევიყვაროთ ერთმანეთი!
11:10 / 18-01-2021
18 იანვრიდან „ბიბლიის განმარტებების“ მე-18 ტომს შეიძენს მკითხველი გაზეთ „კვირის პალიტრასთან“ ერთად. გთავაზობთ უკვე ტრადიციად ქცეულ ბლოგს, რომელსაც სპეციალურად ჩვენი საიტის მკითხველისთვის, „ბიბლიის განმარტებების“ პროექტის ავტორი და მთავარი რედაქტორი, თამარ მამაცაშვილი ამზადებს:
***
დავდივართ ეკლესიაში, ვლოცულობთ საათობით, ვეზიარებით, თითქოს ვცდილობთ, ქრისტიანულად ვიცხოვროთ და მაინც არაფერი იცვლება ჩვენში, ისევ გაყინულია გული, ვერაფერს ვგრძნობთ და გადის დღეები, თვეები, წლები, მთელი ცხოვრება... რატომ? იმიტომ, რომ უფლის დატევა განწმენდილ, წრფელ, სუფთა გულს შეუძლია... როგორც მხოლოდ ყოვლადწმინდა ქალწულისაგან იშვა მაცხოვარი, ასევე მხოლოდ წმინდა, წრფელ გულში დაივანებს მადლი უფლისა და ადამიანი ამ მადლით განიღმრთობა... ჩვენ კი - დარდიანები, ბოღმიანები, შურიანები, ამქვეყნიურ საფიქრალს მიჯაჭვულები, დაცემულები, ვნებიანები, უსიყვარულონი... აბა სადღა გვაქვს ასეთ გულებში უფლის ადგილი? კი ვუსურვებთ ერთმანეთს: ჩვენს გულებშიც შობილიყოსო მაცხოვარი, მაგრამ აბა, გავაკეთეთ ამისთვის რამე?
რითი დავიწყოთ?
შევიყვაროთ, შევიყვაროთ, შევიყვაროთ ერთმანეთი!!! გულწრფელი სიყვარულით და არა ფარისევლურად...
შევიყვაროთ ისე, როგორც ღმერთმა შეგვიყვარა ჩვენ!
ქრისტეს ნათელმა მოგვანიჭოს დიდი ბედნიერება!
***
ამას წინათ ორი ადამიანის საუბარს შევესწარი: ორ განსხვავებულ საგანზე მსჯელობდნენ და ერთმანეთს უმტკიცებდნენ საკუთარი არჩევანის უპირატესობას, იმ საგანთა თვისებები მოჰყავდათ, რის გამოც სწორედ ის მიაჩნდათ უკეთესად მეორესთან შედარებით. რამდენიმე დღის შემდეგ ისევ შევესწარი ამ ორი ადამიანის საუბარს. ერთი ეუბნება: იცი, მე ვიფიქრე და ვაღიარებ, რომ შენი არჩევანი ჩემსას არაფრით ჩამოუვარდება და მასაც აქვს ის თვისებები, რის გამოც შეიძლება შენ უკეთესად მიგაჩნდესო. მეორე პასუხობს: იცი, მეც ვიფიქრე და მეც ვაღიარებ, რომ ამა და ამ თვისების გამო შენი არჩეული საგანი მართლაც კარგია და ჩემსაზე არანაკლებიო.
ბედნიერება იყო ამის მოსმენა ჩემთვისაც და მოსაუბრეთათვისაც, ისეთი ნათელი ჰქონდა ორივეს სახეზე, სიხარულის ნათელი - ორივე გამარჯვებული იყო!როგორ ვცდებით, როცა გვგონია, რომ გამარჯვებული მაშინ ვართ, როცა ვინმეს საკუთარ უპირატესობას დავუმტკიცებთ, დავჩაგრავთ საუბარსა თუ ქმედებაში... აი, ნამდვილი სიხარული და ბედნიერება - დათმობა, მიტევება, თავმდაბლობა, სიყვარული, სიკეთე...
გამარჯვებას გისურვებთ ყველას! საკუთარ თავზე გამარჯვებას!
***
ისეთი არაფერი ვითომ, მაგრამ რაღა არაფერი - ადამიანის ადამიანობა ხომ ასეთი დასაფასებელი გახდა დღეს და როგორ არ მოგიყვეთ ერთი გუშინდელი ამბავი, აქამდე რომ გულს მითბობს:
წირვიდან გამოვდიოდი დილას. ჩვენი ტაძარი უზნაძის ქუჩაზეა, ტაძრის გვერდით არის სასწრაფო სამედიცინო სამსახურის ცენტრი და წირვაზე ხშირად შემოდიან ხოლმე სასწრაფოს ექიმები და მედდები, შემოირბენენ გამოძახებებს შორის, მოილოცავენ წმინდანთა ხატებს - ვინ, თუ არა მედიკოსებმა, კარგად იციან, რომ უფლის განგებულებაშია ადამიანის ჯანმრთელობაც და სიცოცხლეც... ჰოდა ასე შემოვიდა გუშინაც სასწრაფოს უნიფორმაში ჩაცმული ერთი ექიმი, უფალს შეწევნა სთხოვა. ტაძრიდან გასულს ეზოში მგალობლები შეხვდნენ და აი, აქ მოხდა ის, რაზეც გიამბობთ: მგალობელი გოგონები მადლობას უხდიდნენ ექიმს იმისთვის, რასაც ამ უმძიმეს დროს აკეთებდა ჩვენთვის, მან კი - ექიმმა იცით რა უთხრა? მადლობელი მე ვარ თქვენიო, რომ ამ ურთულეს ჟამს თქვენს საქმეს ასე ემსახურებითო, ამხელა იმედი ხართ ყველასთვისო... და მართლაც, ორივენი რამხელა საკაცობრიო ტვირთს შეჭიდებიან - როგორც იტყვიან, ფრონტის წინა ხაზზე დამდგარან ადამიანთა ნუგეშად... ალბათ სიტყვებით ვერ ვამბობ, რა მადლიერების ნიაღვარი იყო იმ წუთებში მათ შორის და როგორ ათბობდა სამყაროს ეს ყველაფერი...
რა მშვენიერია ცხოვრება, როცა ადმიანებს მადლობის თქმის უნარი აქვთ, სხვაზე ფიქრი, ზრუნვა, სხვისთვის სიცოცხლე შეუძლიათ... აღარც პანდემიაა მაშინ პრობლემა და აღარც სხვა მატერიალური წინააღმდეგობები...მრავალი ბედნიერი ახალი წელი ყველას ოჯახში... სიკეთე... სიყვარული... სიხარული... უსასრულო, უკიდეგანო
***
თარიღები და დროის ერთეულები ხომ იმისთვის არის, რომ ეტაპობრივად მაინც შევაფასოთ გამოვლილი, გადატანილი - რა იყო, რისთვის იყო, რა მოგვცა და რა გვასწავლა...
ჰოდა მიილია ეს 2020-იც, ბევრი ტკივილითა და ფიქრით სავსე; და მაინც მგონია, რომ უმნიშვნელოვანესი გაკვეთილი იყო ეს წელი თითოეული ჩვენგანისათვის: თურმე როგორი ყოფილა უერთმანეთობა;
თურმე რამდენი რამ გვქონდა, რასაც არ ვაფასებდით;
როგორ დაკარგა აზრი ბევრმა რამემ, რისთვისაც ადრე მიგვიძღვნია ფიქრი... თითოულს მოგვეცა საშუალება, შეგვეფასებინა, როგორი ყოფილა ჩვენი რწმენა - დავდექით მყარად და შეურყევლად თუ ჩამოგვეშალა ხუხულასავით ცოდნა, რომელსაც გულსა და გონებაში არ ჰქონდა ფესვები?
მთელი კაცობრიობის ჩამაფიქრებელი წელი მიილევა სადაცაა და გვიტოვებს ამოსახსნელად ძალიან მარტივ ამოცანას - რა უნდა გავაკეთოთ, რომ ამ მდგომარეობიდან გამოვიდეთ? ისევ მატერიაში ვეძებთ საშველს და გამოსავალს... მთავარი "წამალი", ერთადერთი გზა კი ცოტას თუ ახსენდება: საყოველთაო სინანული, სიყვარული და სიკეთე...
სიტყვებად რჩება ეს ყველაფერი... ვისმენთ და გავატარებთ ხოლმე: ვიდრე გულები არ დაგევგლიჯება საკუთარი დაცემულობის, ურწმუნოების და უსუსურობის განცდით, ვიდრე მთელი გულითა და გონებით არ შევიგრძნობთ ღვთის განგებულებას და მასზე მინდობილები არ გავხდებით, ვერც მიზეზს გავიგებთ რამისას და ვერც შედეგს მივიღებთ...
დრო და ჟამი იმისთვის გვეძლევა, რომ ამ დროში მოსვლის ნაყოფი სინანულით მოვიპოვოთ... საყოველთაო სინანულით...
მადლობა უფალს ყოველი გაკვეთილისთვის, ყოველი სწავლებისთვის, ყოველი ტკივილისთვის და უკიდეგანო, უსასრულო სიყვარულისთვის...
მრავალ ახალ წელს დავსწრებოდეთ, ჩემო ტკივილებით დაღლილო, დამძიმებულო მეგობრებო... დიდი სიხარულის, გამარჯვების, სულიერი ამაღლების, რწმენაში გაძლიერების, სიმშვიდის და სიკეთის წლები დაგვდგომოდეს...
***
აი, ის წამი, როცა სულ მარტო რჩები საკუთარ სინდისთან, ღმერთთან, როცა არაფერში გჭირდება და არც გადგება რამეში თვალთმაქცობა, სიყალბე, როცა ის ხარ, რაც ხარ და მოდის, მოდის ცრემლი დაუსრულებლად... იმის გამო, რაც ხარ... და იმის გამო, რომ დიად სიწმინდეს, სინათლეს, სიყვარულს ელტვი ასეთი უღირსი... ეს ერთი წამი ანგრევს ამპარტავნების, თავდაჯერების, სიცრუის ცათამბჯენებს... და მერე მოდის სიმშვიდე, ნუგეში, იმედი...
მრავალი ასეთი წამი, მეგობრებო... მარადიული ასეთი წამი!
18 იანვრიდან - გაზეთ „კვირის პალიტრასთან“ ერთად, „ბიბლია განმარტებებით“, მე-18 ტომი! არ გამოგრჩეთ!
გამომცემლობა„პალიტრა L“-ის წიგნები იყიდება მთელი საქართველოს მასშტაბით, „ბიბლუსის“ მაღაზიებში, ქსელურ მარკეტებსა და პრესის გავრცელების წერტილებში: "მაგნიტი", "ნიკორა", "დეილი", "ეკონომიქსი", "სპარი", "ფრესკო" და სხვა. კონკრეტული მისამართები იხილეთ ბმულზე: https://bit.ly/3o5IOso გამოწერის შემთხვევაში მიმართეთ elva.ge -ს ქოლ-ცენტრს: 595033616
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საინტერესოა, ეს სტატია როგორ დაუძვრა თქვენს ცენზურას, ალბათ, ბოლომდე წაკითხვა დაგეზარათ?!...
ამ სტატიაში ნათლად ჩანს კაცობრიობის გადარჩენის ერთადერთი გზა, რომელიც ეთანხმება უფლის სწავლებას. "შეინანეთ, რამეთუ მოახლოებულ არს სასუფეველი ცათა" გვასწავლის მაცხოვარი და მანამდე იოანე ნათლისმცემელი. სინანული ცოდვათა გამო არის განსაწმენდელი სინდისისა და გასაღები მარადიული სიცოცხლისა. ნამდვილი სინანული არ მდგომარეობს მონანულის იმიჯის შექმნაში, რათა სხვამ დაინახოს, რომ რასმე ვნანობთ. არამედ იგი უფრო ღრმაა და მოდის სულის სიღრმიდან. ამის მიღწევას საკუთარი თავის დამდაბლება სჭირდება. საკუთარი თავის ნამდვილი დამდაბლებაა, როდესაც იცი, რომ მართალი ხარ მოყვასთან და ამას ყველა დაადასტურებს, მაგრამ შენ უგულებელყოფ ამ სიმართლეს მოყვასისა გამო, რამეთუ გსურს, რომ გააღვიძო მოყვასში სინდისი და ისიც გადაარჩინო და არა პირიქით, მუქარით და ჩხუბით დაუმტკიცო სიმართლე. ამ დროს ადამიანი ასრულებს უფლის უდიდეს მცნებას, რომელიც ქრისტემ გვასწავლა. "შეიყვარო მოყვასი შენი, ვითარცა თავი თვისი". ამაზე დიდი მცნება არ არსებობსო, ამბობს მაცხოვარი ჩვენი. ნამდვილი სიყვარული აღმატებული გრძნობაა, რომელიც არის ყოველივე სიკეთის სათავე და როგორც ანბანი, ასევე უნდა ვისწავლოთ ნამდვილი სიყვარული. უნდა ვამეცადინოთ საკუთარი მე სიყვარულის სწავლაში. ღმერთი შეგვეწიოსა და დაგვეხმაროს ყოველივე ჩამოთვლილის აღსრულებაში და შესრულებაში. გვიყვარდეს ერთმანეთი და გავუფრთხილდეთ ერთმანეთს ისე, როგორც საკუთარ თავს. <3