ინდონეზიაში ჩამოვარდნილი თვითმფრინავის "შავი ყუთი" იპოვეს

ინდონეზიაში მყვინთავებმა კომპანია Sriwijaya Air-ის თვითმფრინავის „შავი ყუთი“ იპოვეს. ამ დროისთვის კატასტროფის ადგილზე 10 სამაშველო გემი და 4 ვერტმფრენი იმყოფება. მყვინთავები დაღუპულთა ცხედრების ამოყვანას აგრძელებენ.

ინდონეზიაში რადარებიდან გაუჩინარებულ სამგზავრო თვითმფრინავ „ბოინგ 737-500“-ში, 62 ადამიანი იმყოფებოდა. მათ შორის 56 მგზავრი და ეკიპაჟის 6 წევრი იყო.

თვითმფრინავი 9 იანვარს ინდონეზიის დასავლეთ კალიმანტანის პროვინციის ქალაქ პონტიანაკისკენ მიფრინავდა, რა დროსაც მასთან სიგნალი დაიკარგა. ავიაკასტროფის გამომწვევი მიზეზი ჯერჯერობით უცნობია.