!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
24
აპრილიდღის ზოგადი ასტროლოგიური პროგნოზი
შობის ღამე, რაჭა, სოფელი ნამანევი, ულამაზესი ნაძვის ხე და მის ფონზე გოგონას შეყვარებული ხელს სთხოვს, - ეს იმ რომანტიკული ვიდეოში ასახული ამბავია, რომელიც ინტერნეტში ცოტა ხნის წინ გავრცელდა.
არადა, რაჭაში დადგმულ იმ ულამაზეს ნაძვის ხეზე და მის ავტორზე წინა დღეს AMBEBI.GE წერდა. ფაქტია, რომ ეს საახალწლო საოცრად მორთული ნაძვის ხე ადამიანების ყურადღებას იქცევს და ეს ყველაფერი ერთმანეთს რაღაცნაირად დაემთხვა. ისიც ფაქტია, რომ ეს სასიხარულო ამბები მხოლოდ დადებით ემოციებს იწვევს.
ჩვენ ვიპოვეთ ახლად დანიშნული წყვილი, ისინი ამბროლაურის მკვიდრნი აღმოჩდნენ.
- ეს ამბავი თუ მოხდებოდა, ამაზე წარმოდგენა არ მქონდა, მოულოდნელი იყო. იქ ნაძვის ხის სანახავად წამიყვანეს, რადგანაც მისი ნახვა ყველას გვინდოდა, მას მერე, რაც გავიგეთ, რომ ჩვენთან, რაჭაში, ასეთი ნაძვის ხე იყო.
მოკლედ, ჩემი შეყვარებული იმ დღეს თბილისიდან ჩამოდიოდა და მითხრა, წავიდეთო. შობა დგებოდა. მეც სამსახურიდან გამოვედი, ჩვენთან ერთად იყვნენ - ორი დაქალი, ორი ძმაკაცი, ჩემი ძმა. ნამანევში რომ ავედით და ნაძვის ხე რომ დავინახე, ფოტოების გადაღება მომინდა. მერე მანქანიდან უნდა გადავსულიყავი და უეცრად მუსიკა ჩაირთო, მაშხალები აინთო და ჩემმა შეყვარებულმა ცოლად გამომყევიო - მითხრა.
ხომ გითხარით, ჩვენი საძმაკაცო, სადაქალო, ვისაც ჩვენი ბედნირება გაუხარდებოდა, ყველა უახლოესი ადამიანი იქ იყო. ზოგმა ვერ მოახერხა, მაგრამ გულით და სულით იქ იყვნენ...
- როდის და როგორ დაიწყო თქვენი სიყვარულის ამბავი?
- ირაკლი დოხნაძე ჩემი ნათესავის ძმაკაცია და ერთმანეთი პარკში გავიცანით. პირველ დღეს თვალში დიდად არ მომხვედრია. ვერც იმას წარმოვიდგენდი, რომ მასთან მეგობრობას გავაგრძელებდი, ან ის ჩემი შეყვარებული შეიძლებოდა ყოფილიყო.
რომ გავიცანი, 2019 წლის ივნისი იყო, შემდეგ ბაკურიანში წავედი და მაგ დროს დამამატა მეგობრებში. მწერდა ხოლმე და ბოლოს ისე კარგად გავუგეთ ერთმანეთს, რომ ბაკურიანიდან რომ ჩამოვედი, შემდეგ უკვე სიყვარული ამიხსნა. ირაკლი წარმოშობით ამბროლაურიდან არის, მაგრამ ახლა თბილისში ცხოვრობს.
- ამ აბდღვიალებული ნაძვის ხის შესახებ როგორ გაიგეთ?
- რაჭველები კი ვართ და რაჭაშიც ვცხოვრობთ, მაგრამ მის შესახებ "ფეისბუქიდან" შევიტყე. ყველა აზიარებდა მის ფოტოს და მიკვირდა, როგორ არ ვიცი ეს სოფელი, სადაა-მეთქი? ამიტომ უფრო დავინტერესდით, სოფელიც გვენახა და ნაძვის ხეც, სად იყო. მოკლედ, იქ წასვლა ამიტომ მოგვინდა. თავიდან ჩვენგან ახლოს გვეგონა, მაგრამ არც ისე ახლოსაა, ამასობაში, ბევრი ისეთი სოფელი გავიცანი, სადაც ნამყოფი არც ვიყავი...
- ქორწინებას როდის აპირებთ?
- 2-3 თვეში... მინდა, რომ ბედნიერები ვიყოთ. ცუდი არავისთვის მინდა, ყველას სიკეთეს ვუსურვებ, გვერდში ვუდგავარ ხოლმე ადამიანებს, სიკეთით ვცხოვრობ, სხვისი კარგად ყოფნა მიხარია. თუმცა ჩემს მიმართ სითბოს და სიყვარულსაც ვგრძნობ, ეს იმ დღესაც გამოჩნდა - უამრავი ადამიანი იყო ჩვენ გვერდით, რომლებსაც ჩვენი ბედნიერება ახარებთ.
AMBEBI.GE ნაძვის ხის ავტორს, ვანო ჭელიძესაც დაუკავშირდა, რომელიც ასევე თბილისის მთავარი ნაძვის ხის ავტორიცაა და მასზე, როგორც გითხარით, ცოტა ხნის წინ ვწერდით.
ვანო ჭელიძე:
- ეს ნაძვის ხე სოფლის პოპულარიზაციისთვის არ დამიდგამს, მაგრამ სოფლის პოპულარიზაცია კი მაქვს დაგეგმილი. მინდა იქ რაღაც მოხდეს, ცხოვრება მეტად გამოცოცხლდეც. ერთი უწყინარი, არაფრით გამორჩეული სოფელი იყო, სადაც ნაძვის ხე მხოლოდ იმისთვის დავდგი, რომ სოფელში საახალწლო განწყობა შემექმნა. ვერ წარმოვიდგენდი, თუ ასეთი პოპულარული გახდებოდა.
ვიდეო რომ ვნახე, ძალიან მესიამოვნა, ზოგი ამბობდა, დამბურძგლაო - ძალიან სასიამოვნოა, როცა რაღაცას ქმნი და მერე ის ხალხს მოსწონს, რაღაცად გადაიქცევა, მის გარშემო რაღაც ამბები ხდება... თურმე ხალხი ადის ნამანევში და იქაურობას ათვალიერებს, დიდი მისვლა-მოსვლა შეიქმნა, რაც კარგი ამბავია და მე მსიამოვნებს.
ბავშვებო ულევი ბედნიერება და სიხარული თქვენ
raWas yvelferi uxdeba