"სოხუმს ტყის ხანძრის ჩაქრობაში თბილისის დახმარება არ სჭირდება" - სერგეი შამბა
სოხუმს ტყის ხანძრის ჩაქრობაში თბილისის დახმარება არ სჭირდება, - ამის შესახებ ოკუპირებული აფხაზეთის ე.წ. უშიშროების საბჭოს მდივანმა სერგეი შამბამ sova news-თან საუბარში განაცხადა.
"ასეთი საჭიროება არ არსებობს. ჩვენი სამსახურები ხანძარს უმკლავდებიან ”, - განაცხადა შამბამ.
ამასთან, შერიგებისა და სამოქალაქო თანასწორობის საკითხებში სახელმწიფო მინისტრის, თეა ახვლედიანის განცხადებით, საქართველოს ცენტრალური ხელისუფლება ოკუპირებულ აფხაზეთს ხანძარსაწინააღმდეგო სამუშაოებში დახმარებას ვერტმფრენითაც სთავაზობს. როგორც მან განმარტა, მიმდინარე ოკუპაციის რეჟიმში, საქართველოს ცენტრალურ ხელისუფლებას არ აქვს ეფექტური წვდომა ოკუპირებულ რეგიონებზე.
ცნობისთვის, გუშინ გავრცელდა ინფორმაცია, რომ გაგრაში ტყის მასივში გაჩენილი ხანძარი საცხოვრებელ სახლებს უახლოვდება. როგორც ე.წ. სამაშველო სამსახურის წარმომადგენელმა განაცხადა, ცეცხლი საცხოვრებელი სახლებიდან 150 მეტრშია.
აფხაზეთში 19 წლის ბიჭმა 12 წლის მეზობელი გოგონა გაიტაცა - ადგილობრივები შემთხვევის სხვადასხვა ვერსიაზე საუბრობენ
"როცა ტელეფონში შვილების ხმა გავიგე, დავიჯერე, რომ გადავრჩი..." - ქართველი კოვიდ ინფიცირებულის გზა გალიდან ბათუმამდე
