7
მაისიდღის ზოგადი ასტროლოგიური პროგნოზი
მთელ მსოფლიოსთან ერთად, ურთულესი წელიწადი მოიტოვა საქართველომაც უკან. კორონავირუსულ პანდემიასთან ბრძოლის წელმა, დიდ განსაცდელთან ერთად, თავდადებისა და წარმატების ახალი მაგალითებიც წარმოშვა, გაჩნდნენ ახალი გმირები. ისინი დიდწილად ბრძოლის წინა ხაზზე მყოფი მედიცინის მუშაკები და მეცნიერები არიან. როგორც ამბობენ, ახალი რეალობა აუცილებლად წარმოშობს ახალ მსოფლიო წესრიგს, თუმცა როგორი იქნება ის, ჯერჯერობით ამის თქმა რთულია. ამასთანავე, ჩვენს გარშემო უკვე იმდენი რამ მოხდა, დადგა დრო განვლილი პროცესების ანალიზისა და შეჯამებისთვის.
Ambebi.ge -მ გადაწყვიტა, მკითხველთან ერთად გამოევლინა წლის ადამიანები. სწორედ ჩვენს მკითხველებს ვთხოვეთ დაესახელებინათ ის ხალხი, ვისაც მიიჩნევდნენ 2020 წლის ყველაზე მნიშვნელოვან ფიგურებად. სწორედ მკითხველთა მიერ გამოთქმული მოსაზრებების თანახმად გამოვლინდა 10 ფინალისტი, რომელსაც ისევ ჩვენმა მკითხველმა მისცა ხმა.
არავისთვის არის ალბათ გასაკვირი, რომ ამ ჩამონათვალში ყველაზე მეტნი (7) სწორედ ექიმები და ეპიდემიოლოგები მოხვდნენ. იხილეთ ფინალისტების ჩამონათვალი:
- თენგიზ ცერცვაძე - ქვეყნის მთავარი ინფექციონისტი, ინფექციური პათოლოგიის და შიდსის ცენტრის დირექტორი
- გიორგი გახარია - ამჟამად ქვეყნის პრემიერ-მინისტრობის კანდიდატი
- ამირან გამყრელიძე - ქვეყნის მთავარი ეპიდემიოლოგი, დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი
- პაატა იმნაძე - დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილე
- ლევან რატიანი - რეანიმატოლოგი, პირველი საუნივერსიტეტო კლინიკის დირექტორი
- მარინა ეზუგბაია - ინფექციონისტი, ინფექციური პათოლოგიის და შიდსის ცენტრის სამედიცინო დირექტორი
- ქალთა საფეხბურთო გუნდი „ლანჩხუთი“ და მისი მწვრთნელი. "ლანჩხუთი" გახდა პირველი ქართული გუნდი, რომელიც ჩემპიონთა ლიგაზე გავიდა
- ქართული ჯანდაცვის მთელი მედპერსონალი, ვინც კოვიდ 19-თან იბრძვის
- ბიძინა ივანიშვილი - ექსპრემიერი, რომელმაც კოვიდფონდს 100 მილიონი ლარი შესწირა
- მიხეილ სააკაშვილი - ექსპრეზიდენტი, რომელიც ქვეყანაში არყოფნის მიუხედავად, კვლავაც ერთ-ერთ მთავარ პოლიტიკურ ფაქტორად რჩება
გამოკითხვაში მონაწილეობა მიიღო 7597-მა ადამიანმა.
ამათგან ყველაზე მეტმა ხმა მისცა წლის ადამიანებად კოვიდ -19-თან მებრძოლი მთელი მედპერსონალის დასახელებას (33%);
მე-2 ადგილზე გავიდა პერემიერ-მინისტრობის კანდიდატი გიორგი გახარია (20%);
მე-3-ზე - თბილისის საუნივერსიტეტო კლინიკის ხელმძღვანელი ლევან რატიანი (11%);
მე-4- ზე - ქალთა საფეხბურთო გუნდი „ლანჩხუთი“ და მისი მწვრთნელი (10%);
მე-5 -ზე - ექსპრეზიდენტი მიხეილ სააკაშვილი (8%).
იხილეთ შედეგები სრულად:
თქვენა ამასა გამაკითხვას ეძახით ?
რაღად გვინდა არჩევნები ?
თქვენი გამოკითხვებით ავირჩიოთ პარლამენტიც !
ბიჯო-ბიჯო რა მაგარია ! მაგას გირჩემნიათ პირდაპი 99%-იწეროთ !
არ გეზარებათ ამდენი ფიქრი ? ე მანდა არ გადაიწვათ !
მიხეილ სააკაშვილი რატომ იყო ამ სიაში ვერ გავიგე,კაცი საქართველოში არ ცხოვრობს და არც არაფერი გაუკეთებია ამ წელს საქართველოსთვის არაფერი....მასე მარადონაც დაგეწერათ