მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ამ ფოტოზე ის წამია ასახული, როცა გოჩა მიჰყავთ იქ, საიდანაც აღარ ბრუნდებიან" - რას წერდა წულუკიანი ბლოგში ლორთქიფანიძეზე, რომელიც მის შემცვლელად დასახელდა
20:12 / 18-12-2020
საქართველოს პარლამენტს მთავრობის ახალი შემადგენლობა წარედგინა. დოკუმენტის თანახმად, მინისტრთა კაბინეტში ახალი სახე გოჩა ლორთქიფანიძე იქნება, რომელიც იუსტიციის მინისტრის პოსტს დაიკავებს.
მთავრობის დანარჩენი შემადგენლობა უცვლელია.
56 წლის ლორთქიფანიძე იურისტია, განათლება მიღებული აქვს საქართველოსა და დასვლეთის ქვეყნების უნივერსიტეტებში, აქვს სამეცნიერო-პედაგოგიური მუშაობის გამოცდილება ევროპისა და აშშ-ის წამყვან კვლევით ცენტრებში.
სხვადასხვა დროს მუშაობდა როგორც სახელმწიფო, ისე - საერთაშორისო ორგანიზაციებში. მონაწილეობა აქვს მიღებული საერთაშორისო პროექტების განხორციელებაში კონფლიქტოლოგიის, ევროპის უსაფრთხოების, საქართველოსა და ევროატლანტიკური დემოკრატიების თანამეგობრობის საკითხებზე, არის საქართველოსა და უცხოეთში გამოცემული სამეცნიერო პუბლიკაციების ავტორი.
1991-2005 წლებში საგარეო საქმეთა სამინისტროში სხვადასხვა თანამდებობებზე მუშაობდა, 2005 წელს დაინიშნა საქართველოს პრემიერ-მინისტრის მრჩევლად საგარეო ურთიერთობებისა და საერთაშორისო სამართლის საკითხებში; 2007-2010 წლებში. კოლუმბიის უნივერსიტეტის მოწვეული მკვლევარი იყო, 2010-2013 წლებში - ამავე უნივერსიტეტის ადიუნქტ-პროფესორი; 2013 წლიდან საქართველოს იუსტიციის მინისტრის მოადგილის თანამდებობას იკავებდა.
მის შესახებ საინტერესო ისტორიას იხსენებს იუსტიციის უკვე ყოფილი მინისტრი თეა წულუკიანი საკუთარ ბლოგში. საუბარია 1993 წელს აფხაზეთში მომხდარ ფაქტზე. მაშინ ლორთქიფანიძე საგარეო საქმეთა სამინისტროს გაეროს სამმართველოს უფროსის მოადგილე იყო და ხელმძღვანელობამ ის სოჭში ტვირთის შეტანაზე მოსალაპარაკებლად გაგზავნა.
"ამ ფოტოზე 1993 წლის 30 იანვრის ის ერთი წამია ასახული, როცა შეიარაღებულ ბოევიკს ჩემი მოადგილე, გოჩა ლორთქიფანიძე ეთნიკური ნიშნით ჯგუფიდან გამოურჩევია და მიჰყავს იქით, საიდანაც აღარ ბრუნდებიან.
ჩვენს დაღუპულ გმირებთან ერთად დღეს იმათაც მსურს მივაგო პატივი, ვინც გადარჩა და ბრძოლას აგრძელებს. მაგრამ დღევანდელი ბრძოლა სულ სხვა ბრძოლაა. ეს არის ბრძოლა შერიგებისთვის, ბრძოლა იმისთვის, რომ ომი არასოდეს არ განმეორდეს.
შერიგების და გამთლიანების იმედს კი სწორედ ეს ფოტო და მისი ისტორია იძლევა.
გოჩა ამ დროს საგარეო საქმეთა სამინისტროს გაეროს სამმართველოს უფროსის მოადგილეა. ტყვარჩელი ქართველ მეომრებს ალყაში ჰყავთ. გაერო ჰუმანიტარული ტვირთის შეტანას ცდილობს ალყაში მოხვედრილი მოსახლეობისთვის. გოჩას ხელმძღვანელობა ავალებს სოჭში მოლაპარაკებები აწამოოს ტვირთის შეტანის პირობების შესახებ. გოჩაც, იღებს თავის დიპლომატს, რომელშიც საწერი ქაღალდები უწყვია, და მიდის ვაზიანიდან სოჭში. დიდი ხნის რთული მოლაპარაკებების შემდეგ, რუსი სამხედროები, გაეროს შვედი გენერალი, წითელი ჯვარი და გოჩა ფორმატზე თანხმდებიან. ფორმატი ჰუმანიტარულ ტვირთთან ერთად ყველა ამ მხარის ტყვარჩელში შეფრენას გულისხმობს.
მოლაპარაკება საკუთარი სიკვდილის შესახებ ჰუმანიტარული მიზნებისათვის, ესაა ის, რაშიც გოჩა ლორთქიფანიძე სოჭში მონაწილეობას ღებულობს და თანხმდება. საგარეომ ეს შედეგი არ იცის, იცის მხოლოდ ის, რომ წარმომადგენელი მიავლინა მოლაპარაკებებზე.
ტყვარჩელში დაფრენილ სამ ვერტმფრენს აფხაზების გამწარებული ტალღა შემოერტყა გარს და იქიდან გადმოსული პირები აიტაცა. გოჩა რომ ქართველია ეს იციან. მთავრობას რომ წარმოადგენს ესეც. რუსმა გენერალმა გამწარებულ აფხაზებს გადაულაპარაკა, რას მერჩით, ია ჟე ნე გრუზინ, რებიატაო. მთავარი აგრესია გოჩაზეა და წითელი ჯვრის ქართველ წარმომადგენელზე, ვოვა მესხზე, მაგრამ თუ მოკლეს, საერთაშორისო ორგანიზაცია მაინც მოითხოვს მასზე პასუხს, რაც მაინც შეღავათია.
ტვირთი ჩამოიცალა, მარგამ ხალხი მაინც აგრესიულია და პასუხს ითხოვს ქართული მთავრობისაგან. მთავრობა კი გოჩაა. მიგვიშვითო, იძახიან. უცებ, საიდანღაც გოჩას ჯგუფელი სოხუმის უნივერსიტეტიდან, აფხაზი თემურ ერქვანია გამოჩნდა, ავტომატით ხელში და მისკენ გამოემართა. ქართული სისხლი აქვს ხელებზე, გაიფიქრა გოჩამ, რომლისთვისაც სიკვდილი ამ დროს სიბერესთან უკვე აღარაა დაკავშირებული. ერქვანიასგან მარჯვენა ხელი წამოვიდა ავტომატის გარეშე, გამარჯობის ნიშნად, რომელსაც გოჩამ საკუთარი შეაგება და უთხრა : “ანცშვამ განგვსაჯოს”. პასუხად ერქვანიამ თავისი ჯგუფელი დაცვის ქვეშ აიყვანა და გაგიჟებული მოსახლებისთვის რომ მოერიდებინა, აეროდრომის შენობაში შეაცილა. მაგრამ ერქვანია წავიდა, საქმე აქვს და არ სცალია, ქალაქი ალყაშია... წაიკითხეთ სრულად ბლოგზე
მკითხველის კომენტარები /
26 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს რეალური ისტორიაა. საოცრად მშვიდი და გაწონასწორებული ადამიანია. თავისი უთქმელობით გაცილებით მეტს აკეთებდა ყოველთვის, დარწმუნებული ვარ ასეა ახლაც. მასში ძალიან ღრმად ცოცხლობს გულანთებული ქართველი, რომელსაც გარეგნულად არსოდეს ამჟღავნებს. უნდა ენდო, რომ გაიგო,რამდენად კარგი ადამიანია. მიხარია რომ მას ნდობა გამოუცხადეს.
ჩემი ლექტორი.ძალიან კარგი ადამიანი და თავისი საქმის პროფესიონალი