!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ოჯახის წევრებს როგორ ექცევა ასე?! შემდეგი ვინც ლუკმას მიაწვდის, ისიც უნდა დაიჭირონ და ის შორიდან უყურებს?!" - რას ჰყვება ბადრი ესებუას ოჯახის ახლობელი
09:19 / 13-12-2020
შინაგან საქმეთა სამინისტროს ინფორმაციით, ძებნილ ბადრი ესებუას ძმა, ბიძინა ესებუა, პოლიციამ, ზუგდიდის მუნიციპალიტეტის ერთ-ერთ სოფელში ცეცხლსასროლი იარაღის, საბრძოლო მასალის, ფეთქებადი ნივთიერებისა და ასაფეთქებელი მოწყობილობის მართლსაწინააღმდეგო ტარების ბრალდებით დააკავა.
უწყების ცნობით, ბიძინა ესებუას უთვალთვალებდნენ, რადგან, ოპერატიული ინფორმაციის საფუძველზე ვარაუდობდნენ, რომ მას ძებნილ ძმასთან კონტაქტი ჰქონდა და სხვადასხვა დანიშულების ნივთების გადაცემას გეგმავდა.
ბიძინა ესებუამ მიმალვა სცადა, რა დროსაც ის პოლიციამ დააკავა. მისი კუთვნილი “ბემვეს" მარკის ავტომანქანის ჩხრეკისას ამოიღეს 2 ხელყუმბარა, ავტომატური ცეცხლსასროლი იარაღისთვის განკუთვნილი ვაზნა, საძილე ტომარა, კვების პროდუქტები და ტანსაცმელი...
გამოძიების არ სჯერა, ბიძინა ესებუას მამას, ტარიელ ესებუას. მისი თქმით, არ სჯერა, რომ მის შვილს ცეცხლსასროლი იარაღი და საბრძოლო მასალა ჰქონდა და ის არც იმის შესაძლებლობას უშვებს, რომ იარაღი მისი ძებნილი ძმისთვის, ბადრი ესებუასთვის უნდა გადაეცა. ის ირწმუნება, რომ მისი ოჯახის წევრებმა ბადრი ესებუას ადგილსამყოფელი არ იციან და აღარც კონტაქტი ჰქონიათ მასთან. “ტელევიზიით გავიგე, რომ დაკავებულია. სხვა არაფერი არ ვიცი. არ ვიცი, ეს (იარაღი) საიდან ამოიღეს, სახლიდან არ ამოუღიათ“, - განუცხადა მან ჟურნალისტებს.
AMBEBI.GE –ს ესებუების ოჯახის ახლობელს ესაუბრა, რომელიც ამბობს, რომ შესაძლოა, ბიძინა ესებუას ძმასთან ჰქონდა კონტაქტი, თუმცა, არ სჯერა, რომ მას ჰქონდა ზემოთ ჩამოთვლილი ნივთები.
“ძნელია, ძმა სადღაც ტყეში, ან კაცმა არ იცის სად, უპატრონოდ, მშიერ-მწყურვალი გეგულებოდეს და მშვიდად იყო. მესმის, რომ ძებნილია, მაგრამ ადამიანურადაც მესმის მისი ძმის, დედ-მამიშვილი მწარეა, რა უნდა თქმა, სახეზე ეტყობათ, რაც მათ გულში დუღს... ასი წლით დაბერდა დედ-მამა.
ვუყურებთ ამ ოჯახს და ვხედავთ, რომ თვალს და ხელს შუა ილევა მთელი ოჯახი, პირველ რიგში, დედ-მამა. მამამისი არის კაცი, რომლის სიტყვასაც ფასი აქვს, ყველასთვის პატივსაცემი კაცია... რა გითხრათ, დაიღუპა თავი და თუ ძმაც როგორღაც გარია, ეს პატიოსანი ოჯახიც დაუღუპავს და ეგ არის. ვერც ვიჯერებთ, რომ ბომბები და ტყვიები იშოვა, არ არის ასეთი ტიპი. თუმცა, კაცმა არ იცის, რა მოხდა და კიდევ რა მოხდება.
აქამდე კი ვამბობდით ყველანი, არ გვჯერა, ბევრი რამ არ ემთხვევა და დააბრალესო, მაგრამ მართლა ასე რომ ყოფილიყო, რაღაც გზას იპოვიდა თავისი უდანაშაულობის დასამტკიცებლად, ირანში ხომ არ ვცხოვრობთ?! ყველაზე გონივრული იქნებოდა, ვიდრე მის ძმასაც გარევდა, ჩაბარებოდა, როგორც ეს მამამისმა ურჩია.
აბრაგობის წლები ხომ არ არის, სადღაც-სადღაც იცხოვროს და ვერავინ იპოვოს?! როგორია დედ-მამისთვის ამ ქარსა და ყინვაში შვილი სად არის რომ არ იციან. ცოტა გაბრაზებულიც კი ვართ ბადრიზე, ბანკში შესვლის გამბედაობა თუ ჰქონდა, მერე რაც მოჰყვა იმაზეც აიღოს პასუხისმგებლობა. თავისი თავი გაიმეტა, მაგრამ ოჯახის წევრებს როგორ ექცევა ასე?! შემდეგი ვინც ლუკმას მიაწვდის, ისიც უნდა დაიჭირონ და ის შორიდან უყურებს?!" - ამბობს ოჯახის ახლობელი.
ცნობისთვის, ბადრი ესებუას ბრალი ედება ზუგდიდში, "საქართველოს ბანკის“ ფილიალზე თავდასხმაში. შეიარაღებული თავდამსხმელი, რომელსაც, ცეცხლსასროლი იარაღის გარდა, ხელყუმბარა ეკავა, 21 ოქტომბერს, დაახლოებით, 14:00 საათისთვის შეიჭრა ბანკში და 43 ადამიანი მძევლად აიყვანა. მძევლების ეტაპობრივად გათავისუფლების შემდეგ, შეიარაღებულმა ნიღბიანმა პირმა, რომელიც 500 ათას დოლარს და უსაფრთხოდ გადაადგილებას მოითხოვდა, სამ მძევალთან ერთად დატოვა ბანკის შენობა. ისინი ზუგდიდიდან ავტომანქანით გვიან ღამით გაემგზავრნენ, გამთენიისას კი შინაგან საქმეთა სამინისტრომ გამოაქვეყნა ოფიციალური განცხადება, რომ ყველა მძევალი გათავისუფლებულია, მათ სიცოცხლესა და ჯანმრთელობას საფრთხე არ ემუქრებოდა. ბადრი ესებუას დასაკავებლად ოპერატიულ-საგამოძიებო და სამძებრო ღონისძიებები ამ დრომდე მიმდინარეობს.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მუშნი ზარანდია უნდა ამ საქმეს
ერთი ფილმი მახსენდება, მუშები ოქროს ზოდებს იპოვიან ძველ სახლში და რა უყონ არ იციან, მშივრები დადიან, სანამ არ დაიჭერენ. ისეა ბადრი ესებუას საქმე. კაცს ნახევარი მილიონი გაქვს და ძმას თხოვს ღომის მოტანას?