მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
#სასწაულიწიგნებშია - რა ვაჩუქოთ სადღესასწაულოდ 6-8 წლის ბავშვებს
15:08 / 11-12-2020
ახალი წლის მოახლოება ყველაზე მეტად პატარებს უხარიათ. ამ სიხარულს კი საახალწლო საჩუქრები აორმაგებს. ისინი სადღესასწაულოდ სასწაულს ელიან. სასწაული კი წიგნებშია. დღესასწაული არის იქ, სადაც წიგნებია. ლიტერატურული თავგადასავლები ბავშვებისთვის საუკეთესო საჩუქარი იქნება. არჩევანის გაკეთება რომ გაგიმარტივდეთ, გთავაზობთ ტოპ 5 წიგნს, რომლებიც 6-8 წლის ბავშვებს გაახარებს და მართლაც ჯადოსნურ სამყაროში ამოგზაურებს.
ლელა ცუცქირიძე - თოვლის გუნდა და პატარა თეთრი ბუ ტუსურა
ეს თოვლის გუნდას ახალი თავგადასავილია. ამ ზღაპარში გუნდა მეგობრის პოვნას ცდილობს, დედა ბუს კი თავისი შვილი, სახელად ტუსურა დაკარგვია და მის მოსაძებნად მიეშურება.
„თოვლის გუნდა და პატარა თეთრი ბუ ტუსურა“ იაკობ გოგებაშვილის სახელობის საბავშვო და საყმაწვილო ლიტერატურული პრემიის გმარჯვებულებია ნომინაციაში „საუკეთესო პროზაული წიგნი“.
დიანა ანფიმიადი - თოვლზე ნაწერი წერილები
ეს სიკეთისა და გულისხმიერების საოცარი ამბავია. ახალი წელი ახლოვდება და გიოს ოჯახშიც წინასაახალწლო ფუსფუსი და სამზადისია. მაგრამ ბიჭუნა ნაღვლიანია, რადგან იცის, რომ სადღაც შორს, ცხელი უდაბნოს ერთ-ერთ ქვეყანაში ომია და ამ ომმა ერთ პატარა გოგონას ყველაფერი წაართვა...
ვინ მიულოცავს ამ გოგონას ახალ წელს? წაიკითხავ, რას მოიფიქრებს გიო, როგორ განახორციელებს ჩანაფიქრს და რით და როგორ გაახარებს გოგონას - ამას პატარა მკითხველი წიგნიდან შეიტყობს.
ვინი პუჰის თავგადასავლები
ვინი პუჰი მხიარული, კეთილი და მსუნაგი დათუნიაა. მას თავისი მეგობრები ძალიან უყვარს და გიჟდება თაფლზე. დათუნია პუჰის თავგადასავლები ხალისითაა სავსე.წიგნში პატარა მკითხველი გაიცნობს ვინის მეგობრებს: კურდღელს, გოჭუნას, ბუს, ვირუკელა იო-იოს, კენგს, ვეფხვსა და ბიჭუნა კრისტოფერ რობინს. ისინი სულ პუჰის გვერდით არიან და ხშირად, დაიხსნიან ხოლმე დათუნიას გასაჭირიდან. თავის მხრივ, არც ვინი პუჰი იხევს უკან, როცა მეგობარი მოწყენილია, ან დახმარება სჭირდება.
გურამ პეტრიაშვილი - პატარა ქალაქის ზღაპრები
ეს არის წიგნი პატარა ქალაქზე, სადაც შეხვდებით ყველას გარდა ბოროტი ჯადოქრებისა და კუდიანებისა. აქ ცხოვრობს კაცი, რომელმაც ქარი დაიმორჩილა, მხიარული მღებავიც ამ ქალაქში ცხოვრობს, რომელიც ბავშვების ოთახებს ფერადი ყვავილებითა და მხიარული ფიგურებით ახალისებს. აქ ბალერინასაც შეხვდებით, რომელიც სცენას დაემშვიდობა, მაგრამ მაინც ძველებურად უყვარს ცეკვა. პატარა ქალაქში უამრავ განსხვავებულ პერსონაჟს შეხვდებით და ყველა ერთად საოცარ ზღაპრებს მოგიყვებიან.
ქართული ხალხური ზღაპრები
ამ ჯადოსნური ზღაპრების ავტორი ქართველი ხალხია. ასფურცელა, კომბლე, სიზმარა, კოკროჭინა, ხუთკუნჭულა, თავდადებული წიქარა, შეუპოვარი დედა-გვრიტი... ისინი პატარა მკითხველს დაუმეგობრდებიან და ასწავლიან, საზრიანობით, სიყოჩაღით, სიკეთითა და მეგობრების დახმარებით როგორ შეიძლება გაიმარჯვონ ყველაზე დაუჯერებელ და ხიფათიან თავგადასავლებში.
თითოეული წიგნი გაფორმებულია ფერადი ილუსტრაციებით, რაც ბავშვს სიუჟეტის აღქმას გაუადვილებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
