მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შოკში ვართ, ამას არ ველოდით" - თედო გობეჯიშვილის გარდაცვალების საქმეზე დაკავებულები კობალაძისა და ხუსკივაძის პირველი კომენტარები გათავისუფლების შემდეგ
22:57 / 10-12-2020
შემიძლია გითხრათ, რომ გაკვირვებული ვარ, - ამის შესახებ ისნის საოლქო საარჩევნო კომისიის თავმჯდომარის, თეოდორე გობეჯიშვილის გარდაცვალების ფაქტთან დაკავშირებით დაკავებულმა აკაკი კობალაძემ სასამართლოს სხდომათა დარბაზიდან გათავისუფლების შემდეგ განაცხადა.
როგორც ტელეკომპანია „პირველის“ ეთერში კობალაძემ აღნიშნა, ის გათავისუფლებას არ ელოდა.
„შემიძლია გითხრათ, რომ გაკვირვებული ვარ, საერთოდ, დილას სხდომა ჩვენი თანხმობის გარეშე „ზუმის“ პროგრამით და ვიდეოთვალით უნდა ჩატარებულიყო, ადვოკატების დიდი შრომით, სხვათა შორის, ციხის ადმინისტრაციაც ჩაერთო, და უთხრა, სხვანაირად თუ გნებავთ, პროცესები დარბაზში უნდა გადასულიყო. გაოგნებული ვარ, ერთი პროცენტით არ დამიშვია, ჩემი და აკაკი ხუსკივაძის დაჭერა მარკესის „გამოცხადებული მკვლელობის ქრონიკების“ მსგავსი იყო, ჯერ ხდებოდა პოლიტიკოსების მიერ დაანონსება, თუ რა უნდა მომხდარიყო და შემდეგ ასრულებდნენ სამართალდამცავები.
ჩვენს გულშემატკივრებს დიდ მადლობას გადავუხდი. პრესის, ჩემი ადვოკატების და ჩემი მეგობრების, რომლებიც ამ ყველაფერს ასაჯაროვებდნენ, მოხდა ჩვენი გარეთ გამოსვლა“, - განაცხადა კობალაძემ.
რაც შეეხება, აკაკი ხუსკივაძეს, მისი თქმით, ასეთ გადაწყვეტილება მისთვისაც მოულოდნელი იყო. როგორც ხუსკივაძემ განაცხადა, მისი და მისი მეგობრის დაკავება პოლიტიკას უკავშირდება.
„სიმართლე გითხრათ, შოკში ვართ, არ ველოდით ამ გადაწყვეტილებას... დღეს, სასამართლო პროცესი მიმდინარეობდა ქრთამის მიცემის და მოსყიდვის მიზნით, რაც შეეხება კონკრეტულად საქმეს - თეოდორე გობეჯიშვილს, პირველ რიგში ოჯახს მივუსამძიმრე მისი გარდაცვალების შესახებ, ეს საქმეში აღარ ფიგურირებს, აბსოლუტურად სხვა საქმე მიმდინარეობს.
მე პირდაპირ გეტყვით, რომ აღნიშნული საქმე არის პოლიტიკური მოტივიდან გამომდინარე, ვინაიდან, 6 ნოემბერს, 19:00 საათზე, გამოვედით „მთავარის“ ეთერში, სადაც დავასახელეთ 13 გაყალბების მეთოდი, თუ როგორ გააყალბა „ქართულმა ოცნებამ“ არჩევნები. იქიდან 24 საათიც არ გასულა, ჩვენ უკვე საპატიმროსკენ მიმავალ გზაზე ვიყავით“, - განაცხადა ხუსკივაძემ "ტვ პირველის" ეთერში.
ცნობისთვის, ისნის საოლქო საარჩევნო კომისიის თავმჯდომარის, თეოდორე გობეჯიშვილის გარდაცვალების ფაქტთან დაკავშირებით დაკავებულები აკაკი კობალაძე და აკაკი ხუსკივაძე გაათავისუფლეს.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საერთოდ არ გაწუხებთ სინდისი რომ, თქვენი ქმედების შედეგად კაცი გარდაიცვალა???
რას ერჩი ხელისუფლებას, წინამორბედების "ღირსეული" მემკვიდრეები არიან. ბევრ რამეში "გადაასწრეს" კიდეც. აი, ამას ჰქვია, წინ - წყალი და უკან კი მეწყერიო..