მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გზა სახლიდან სასწრაფოს მანქანამდე თავის ფეხით გაიარა..არავის გვიყურებდა... უკვე ვიცი რატომაც" - ქრისტინე იმედაძე გარდაცვლილ ბაბუას ემოციური პოსტით ემშვიდობება
09:41 / 10-12-2020
გუშინ ცნობილი გახდა, რომ საზოგადო მოღვაწე, 1982-1986 წლებში საქართველოს სპორტის სახელმწიფო კომიტეტის ხელმძღვანელი, ბეისბოლისა და სოფტბოლის ეროვნული ფედერაციის პრეზიდენტი, 2008-2012 წლებში საქართველოს ეროვნული ოლიმპიური კომიტეტის პირველი ვიცე-პრეზიდენტი, რამაზ გოგლიძე გარდაიცვალა.
ის მომღერლისა და ტელეწამყვანის, ქრისტინე იმედაძის ბაბუა იყო. ქრისტინე "ფეისბუქში" ბაბუსადმი მიძღვნილ ემოციურ პოსტს აქვეყნებს.
"ყველაზე ტკბილი,თბილი, ყურადღებიანი, კეთილი,უკიდეგანოდ მამაცი, ძალიან მართალი, ძალიან ჭკვიანი, ძალიან ძლიერი, გემოვნებიანი, დახვეწილი, კოპწია, თავდაჯერებული, შემდგარი, წარმატებული, ძალიან თანამედროვე, ყველაფერში ზომიერი და შესაბამისი, საშინლად კარგი მამა და კიდევ უფრო საშინლად კარგი ბაბუ იყო ჩემი რამაზი!
ტრადიციულობისა და თანამედროვეობის უცნაური სინთეზი იყო ეს ჩემი ბაბუ... დროს უსწრებდა ყველაფერში... ყველასთან და ყველაფერთან მათემატიკური სიზუსტის იყო საქციელსა თუ დამოკიდებულებაში...მისთვის ყველა მიუღებელ ქმედებას ყველაზე დიდი გაგებით ეკიდებოდა და ამაზე ახლა გული მეხლიჩება... ყველანაირ ქარ-ცეცხლში გაატარა ცხოვრებამ... ყველანაირ განსაცდელს ძალიან ღირსეულად ხვდებოდა...სიკვდილ-სიცოცხლის გასაყარზე იმდენჯერ გაიარა უკვე მივეჩვიე, რომ სულ ჩემი ბიჭი უგებს.
ახლაც მეგონა უგებდა...სულ ბიჭი იყო... ბოლო წუთამდე ახალგაზრდა. უბრალოდ სტატუსი ქონდა - ბაბუ. ყველას ქრაში ჩემი ოჯახის მთავარი ბიჭი, ყველაზე მამაცი ბიჭი, ნამდვილი რაინდი, ჩემი ბეისბოლისტი ... ყველას მამა და ყველას ბაბუ ...
- თუ მომკლავს გული იქნება, სხვა ვერაფერი მომერევაო...ბოლო გზა სახლიდან სასწრაფოს მანქანამდე თავის ფეხით, როგორც მას შეეფერება ისე გაიარა...მიდიოდა და არავის არ გვიყურებდა... უკვე ვიცი რატომაც... თვითონ მაშინვე იცოდა...ამ დღის მთელი ცხოვრება მეშინოდა... იმ დღის როცა ჩემი ბაბუს გულის დრო ამოიწურებოდა...დაახლოებით 25-წლიან არათანაბარ ბრძოლაში პირველად დაამარცხა გულმა... გულმა, რომელიც ფაქტიურად მისი აღარც იყო...
სიცოცხლის მიმართ სიყვარულით და სიცოცხლისთვის ბრძოლის უნარით მაოცებდა მუდამ... საყვარელი საქმის კეთების წყურვილით,თავისი ქვეყნის კეთილდღეობისთვის ბრძოლით,ქართული სპორტის განვითარების დაუოკებელი ჟინით...უმაღლესი პასუხისმგებლობითა და პროფესიონალიზმით ... ამ და სხვა მისი კარგი თვისებებისა და მიღწევების გამო სიამაყეს ვერ ვიტევ ისე მაწვება...
ვზივარ და ვფიქრობ ხვალიდან საქმე როგორ ვაკეთო... სურვილი არაფრის კეთების არ მაქვს... მხოლოდ ბაბუს ფოტოებსა და ვიდეოებს მინდა ვუყურო თავიდან, მერე ისევ თავიდან და ასე ვატრიალო წარსული... ვიხსენებ, ვიხსენებ, ყველაფერს ვიხსენებ... ფილმივით ვუყურებ ჩვენს ურთიერთობას, მოგზაურობებს, შეხვედრებს, მის რჩევებს,ისტორიებს, რომლებსაც მიყვებოდა, რა ადამიანურ თვისებებსა და ღირებულებებზე მიმახვილებდა ყურადღებას....
ჩემი სევდიანი სახე არ უყვარს ბაბუს... ხუთშაბათს ეთერში თუ ვერ დამინახავდა, სასწრაფოდ რეკავდა...უცებ მახსენდება თვითონ როგორ იქცეოდა უიმედობის ჟამს... ლოგინად ჩავარდნილი, დასუსტებული რომ წამოფრინდებოდა, მოწესრიგდებოდა და გაეშურებოდა სხვა კონტინენზე საქმისთვის... შემოუფრენდა მსოფლიოს...
ალბათ, ახლა გასაფრენი აღარსად იყო ამიტომ სხვა მიმართულებით გაფრინდა...
ხვალ ხუთშაბათია...ეთერში არ ვიქნები ბაბუ", - წერს ქრისტინე იმედაძე.
მკითხველის კომენტარები /
26 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არაჩვეულებრივი პიროვნება, როგორც აღწერს ქალბატონი ქრისტინე, ასეთი გვახსოვს ყველა მის თანამედროვეს, კაცთმოყვარე, სამშობლოზე უსაზღვროდ შეყვარებული, საქმის და ადამიანებისადმი ერთგულების მაგალითი, გემშვიდობებით და ვწუხვართ გარემოცვა ვისთანაც ერთად უამრავი წლები გაიარე ბატონო რამაზ!