17
მარტიდღის ზოგადი ასტროლოგიური პროგნოზი
დარჩება თუ არა "ქართული ოცნება" პარლამენტში მარტო, ეს სულ მალე გაირკვევა. გავრცელებული ინფორმაციით, 7 ოპოზიციონერი პოლიტიკოსი აპირებს საკანონმდებლო ორგანოში შესვლას, მათ შორის "სტრატეგია აღმაშენებლის" ლიდერი გიორგი ვაშაძე, მისი პარტიის წევრი პაატა მანჯგალაძე. ამ საკითხზე კომენტარი გააკეთა გიორგი ვაშაძემ.
"პირველი, "სტრატეგია აღმაშენებელი" შეთანხმების გარეშე არსად შესვლას არ აპირებს. სამწუხაროდ, ისევ და ისევ ბინძური თავდასხმის ობიექტი გავხდით. ისევე, როგორც წინასაარჩევნო პერიოდში. სწორედ იმ ძალებმა, რომლებიც დღეს ოპოზიციურ ერთობაზე ლაპარაკობენ, მათ შორის ნიკა გვარამიას მხარდაჭერილმა ძალებმა დაარღვიეს საერთო ოპოზიციური შეთანხმება და მისი უშუალო მონაწილეობით დამიყენეს ოპონენტად კანდიდატი ისნის რაიონში და ჩაშალეს ის დიდი პროცესი, რასაც დიდი გამარჯვება უნდა მოეტანა.
რაც შეეხება ჩემს ამოცანებს, ჩემი და ჩემი გუნდის მთავარი ამოცანაა, ის 30% ჩვენი ამომრჩევლის, რომელმაც ამ არჩევნებზე არც "ნაცებს" და არც "ქოცებს" არ მისცა ხმა, გავაერთიანო, რათა ამ ჯადოსნური წრიდან გამოვიდეთ. არ ვაპირებ სხვის რიტორიკას აყოლას, ამ ბინძურ ქმედებებზე აყოლას და ყველას ვეუბნები, თავი შეიკავონ ამ სიბინძურისა და თავდასხმებისგან. ჩემი და თქვენი გზები, როგორც ჩანს, მართლაც განსხვავდება, მე მინდა, ივანიშვილი მოვაშთო ამ ქვეყნიდან, თქვენ გინდათ ოპოზიციაში იყოთ მუდმივად პირველები.
დიახ, ჩემი ამოცანა არის არც “ნაციონალური მოძრაობა” და არც “ქოციონალური მოძრაობა“, არამედ 30%-იანი დიდი მონოლითი, რომელიც ამ მოჯადოვებული წრიდან გამოიყვანს პროცესს", - განაცხადა "სტრატეგია აღმაშენებლის“ ლიდერმა გიორგი ვაშაძემ ხელისუფლებასთან მოლაპარაკების მეოთხე რაუნდის დაწყებამდე.
მისი თქმით, მიმდინარეობს თავდასხმა, რომლის მიზანია ოპოზიციურ ფლანგზე ნებისმიერ ლიდერს, რომელსაც შეუძლია, დამოუკიდებელი განრიგი ჰქონდეს და მნიშვნელოვანი როლი ითამაშოს კონსოლიდაციაში, ტალახი ესროლონ.
"ეს ხდება ისევე, როგორც იყო წინასაარჩევნოდ და მე შეგახსენებთ, სწორედ "მთავარის“ მიერ გაკეთებულ სიუჟეტს, ვითომ როგორ ვეკვრებოდით ვიღაცებს და როგორ გადავდიოდით "ბნელ მხარეს“. "ბნელ მხარეს“ არიან ის ადამიანები, რომლებსაც თავისი ოპოზიციონერობა უნდათ და არა გამარჯვება ამ ქვეყანაში. მე სხვა ოპოზიციურ პარტიებსაც მოვუწოდებ, კარგად დავფიქრდეთ! რა თქმა უნდა, აქ ყველა ერთიანი უნდა ვიყოთ, მაგრამ ჩვენ ჩვენი გზა უნდა ავირჩიოთ იმისთვის, რომ არ ვიყოთ მძევალი. ჩემი შეცდომა თუ რამე არის, არის ის, რომ იმ აღვირახსნილ კრიტიკას, რაც წინასაარჩევნოდ იყო, მე არ ვუპირისპირდებოდი ისე, როგორც საჭირო იყო. მეგონა, რომ ხალხი ბრძენია და ამას ყველაფერს პასუხს გასცემს. ჩვენ ჩვენი განრიგი გვაქვს და ყველა თავდასხმას ამიერიდან ვუპირისპირდებით,“- განაცხადა გიორგი ვაშაძემ.
ჟურნალისტების კითხვაზე, აპირებს თუ არა პარლამენტში შესვლას, ვაშაძემ აღნიშნა, რომ არ აპირებს, ამასთანავე, განმარტა, რომ ის იყო ერთ - ერთი პირველი ოპოზიციონერი პოლიტიკოსი, რომელიც მიმდინარე მოლაპარაკებების დეტალების გასაჯაროვებას ითხოვდა.
მე არა ვთქვი ვიცეპრემიერი იქნება თქო ? საკურატორო დარგებიც ვიცი , არ ვიტყვი !
ამდენ იწილო-ბიწილოს არ ჯობია განმარტო:
შეხვალ პარლამენტში ოპოზიციონერებიდან მარტო ან რომელიმე მცირე ჯგუფთან ერთად?