ტრანსპორტი ჩერდება, მაღაზიები იკეტება (სურსათის გარდა), მუშაობას აჩერებს ლილოს ბაზრობა - ვრცელდება შეზღუდვების ვერსია, რომელსაც მთავრობა გეგმავს

28 ნოემბრიდან, ქვეყნის მასშტაბით, სავარაუდოდ, მკაცრი შეზღუდვები ამოქმედდება. ცნობილია, რომ ამ საკითხზე საკოორდინაციო საბჭო რამდენიმე დღის განმავლობაში, ბიზნესის და ჯანდაცვის სფეროს წარმომადგენლებთან ერთად მსჯელობდა. ზუსტი ინფორმაცია შეზღუდვების თაობაზე, წესით, დღეს გახდება ცნობილი.

მანამდე კი გთავაზობთ შეზღუდვების სავარაუდო გეგმას, რომელიც სოციალურ ქსელში გავრცელდა:

1) გადაადგილების შეზღუდვა გადმოიწევს 21:00-დან 05:00-მდე (28 ნოემბრიდან);

2) 28 ნოემბრიდან 24 დეკემბრამდე იკრძალება მუნიციპალური და საქალაქთაშორისო ტრანსპორტი (მეტრო, ავტობუსი, მარშრუტკა). 24-დეკემბრიდან 3 იანვრამდე იხსნება შეზუდულად (ანუ, გაკონტროლდება მგზავრების რაოდენობა);

3) 28 ნოემბრიდან 24 დეკემბრამდე სურსათის, სილამაზის სალონი და სპა სალონებისგარდა იკეტება ყველაფერი (ელიავა, ლილო, სამშენებლო, საცურაო აუზი, სპორტდარბაზები და ა.შ. ყველა რითეილ გაყიდვა. კონფერენციები და შეხვედრები დაიშვება მხოლოდ ონლაინ);

4) 24 დეკემბრიდან 3 იანვრამდე იხსნება დაკეტილი ობიექტები;

5) 3 იანვრისთვის რა დინამიკაც იქნება, იმის მიხედვით მიცემენ ან არ მიცემენ მოლებს და სხვა ობიექტებს (გარდა სურსათისა) მუშაობის გაგრძელების უფლებას. ;

6) საჯარო სამსახური 3 იანვრიდან 15 იანვრამდე მიდის არდადეგებზე სრულად. 3 იანვრამდე მაქსიმალურად დისტანციურად;

7) კერძო ოფისები 28 ნოემბრიდან დისტანციურზე გადადიან, თუმცა ვისაც აუცილებლობა აქვს, შეუძლიათ 15:00 საათამდე ამუშაონ ხალხი;

ბაღი, სკოლა, ინსტიტუტი (გარდა სამედიცინოსი) სრულად დისტანციურზე;

9) რესტორანი გატანით (არკვევენ, ფანჯრის პრინციპს თუ დაუშვებენ, ანუ შეკვეთის თავად მომხმარებლის მიერ წამოღებას) მთელი ეს პერიოდი;

10) მოლებში განთავსებული აფთიაქები, სურსათი, სილამაზის სალონი და ა.შ. მაინც იმუშავებენ, ოღონდ ყველა სავაჭრო ობიექტმა უნდა გააკონტროლოს ხალხის რაოდენობა და უზრუნველყოს რიგის მართვა.