„ასპრია “ პანდემიით გამოწვეულ სირთულეებს, ერთგული მომხმარებლების თანადგომით უმკლავდება

კოვიდ-19-ით გამოწვეული სირთულეების მიუხედავად, ფიტნესინდუსტრიაში ერთ-ერთი ყველაზე დიდი ფიტნესქსელი „ასპრია“ 2020 წელს მნიშვნელოვანი სიახლეებით აცილებს და მომავალს ინოვაციური სამოქმედო გეგმით ხვდება.

როგორც ფიტნესქსელის მარკეტინგის სამსახურის ხელმძღვანელიანა ჩანგიანი გვამცნობს, 2020 წლიდან კომპანია„ასპრია“ჰოლდინგ „მეტის“ მფლობელობაში გადავიდა, სადაც ჯანმრთელი ცხოვრების წესი და ეკოლოგიურად სუფთა გარემო პრიორიტეტია. სწორედ ამ მიმართულების გაძლიერების მიზნით ,„ასპრიაში“ რებრენდინგი დაიწყო.

„ამ ეტაპზე კომპანია რებრენდინგს განიცდის და ძალიან ბევრი სიახლე გვაქვს. ჩვენი ფიტნესცენტრი 2013 წელს შემოვიდა საქართველოში და ერთ-ერთი პირველი იყო ქსელურიფიტნესდარბაზების სფეროში. 2020 წლიდან „ასპრიამ“ 5-დან 2 ფიტნესდარბაზის განახლება გადაწყვიტა, სადაც შევიტანეთ სპეციალური დანადგარები, განახლებული სავენტილაციო სისტემა, რომელიც უზრუნველყოფს ნებისმიერი ბაქტერიისა თუ ვირუსის შეკავებასა და გაწოვას, ასევე ჰაერის გაწმენდას დახურულ სივრცეში.

რაც შეეხება ახალ ფილიალებს, უახლოეს პერიოდში გაიხნება გლდანისა და საბურთალოს ფილიალი, ხოლო 2021 წლის იანვრიდან მას დაემატება ვაკის ფილიალიც, რომელიც რესტორან „სენატის“ ყოფილ შენობას დაიკავებს. ამჟამად აქ სარემონტო სამუშაოების პირველი ეტაპი დასასრულს უახლოვდება. ახალი ფილიალი მოცულობით დიდი იქნება და მომხმარებლების წინაშე მრავალფეროვანი სავარჯიშო პროგრამებით წარდგება. სხვა სივრცეებთან ერთად, აქ განთავსდება ბავშვებისთვის განკუთვნილი ზონაც.

აღსანიშნავი სიახლეა სავარჯიშო პროგრამა „ასპრია“, რომელიც სპეციალურად ჩვენი მომხმარებლებისთვის დაიწერა. აპლიკაციის მეშვეობით, მომხმარებლისთვის ინდივიდუალურად მორგებული ვარჯიშებისა და კვების რაციონის პროგრამით, მაქსიმალური შედეგის მიღებაა შესაძლებელი.

ბაზარზე „ასპრია“ დღემდე გამორჩეულია მაღალკვალიფიციური, გამოცდილი ინსტრუქტორებითა და ინოვაციებით. მნიშვნელოვანია ისიც, რომ ამ დროისთვის ჩვენი აბონემენტების საფასო პოლიტიკა მოქნილი და უკონკურენტოა.

დღეს, როგორც ყველა სხვა ბიზნეს სექტორი, ჩვენი კომპანიაც რიგი გამოწვევების წინაშეა, თუმცა მოტივაცია და ოპტიმიზმი ჩვენი ერთგული მომხმარებლები არიან,რომელთა ნდობაც „ასპრიას“ 2013 წლიდან დღემდე აძლიერებს. კონკურენცია ძალიან მნიშვნელოვანია ყველა სფეროში და ჩვენთანაც. ეს არის ინდუსტრიაა, სადაც მომხმარებელი მხოლოდ გარემო პირობებით ვერ იხიბლება და მთავარი შედეგია. ჩვენ ვრჩებით ინოვატორ კომპანიად, რომლისთვისაც პრიორიტეტი არის შედეგი,“ - აღნიშნავს „ასპრიას“ მარკეტინგის სამსახურის ხელმძღვანელი ანა ჩანგიანი.

NS