მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მოგებულია რუსეთიც, აზერბაიჯანიც და თურქეთიც, ხოლო დამარცხებულია სომხეთი და ფაშინიანი, რომელსაც მძიმე დღეები ელოდება" - ექსპერტი
15:39 / 10-11-2020
მთიან ყარაბაღში საბრძოლო მოქმედებების შეწყვეტის შესახებ მიღებული ხელშეკრულება, აზერბაიჯანისთვის ცალსახად ძალიან დიდი წარმატებაა, თუმცა ყველაზე დიდი გამარჯვებული არის რუსეთი და გამოჩნდა რა იყო რეალურად რუსეთის სიჩუმის მიზეზი მთელი კონფლიქტის განმავლობაში, - ამის შესახებ ექსპერტმა ზურაბ ბატიაშვილმა „პალიტრანიუსის“ გადაცემა „ნიუსრუმში“ განაცხადა.
მისივე თქმით, ამ ხელშეკრულებით დამარცხებული არის სომხეთი და ფაშინიანი, რომელსაც ძალიან მძიმე დღეები ელის.
„ის საბრძოლო მოქმედებები, რომელიც რეგიონში მიმდინარეობდა, აზერბაიჯანის სასარგებლოდ იყო და ეს ბრძოლებში წარმატება აისახა, შემდგომში დიპლომატიურ მიმართულებაზე - ხელშეკრულებაზე, რომელიც არის სომხური მხარის კაპიტულაცია, რომელსაც მოუწია ბევრ დათმობაზე წასვლა თავისი გადმოსახედიდან. რეალურად გამარჯვებული, რა თქმა უნდა, არის აზერბაიჯანული მხარე, ოღონდ ეს 100%-იანი გამარჯვება არ არის, ის იბრუნებს კონტროლს ძალიან დიდ ტერიტორიაზე, რაც ცალსახად ძალიან დიდი წარმატებაა, თუმცა ყველაზე დიდი გამარჯვებული რუსეთი არის და გამოჩნდა რა იყო რეალურად რუსეთის სიჩუმის მიზეზი მთელი კონფლიქტის განმავლობაში.
რუსეთი შემოდის უკვე კავკასიის მესამე რესპუბლიკაში ოფიციალურადაც. საქართველოში ოკუპირებულ რეგიონებში აქვს ბაზები, ბაზა აქვს სომხეთში და ახლა უკვე აზერბაიჯანის ტერიტორიაზე. რეალურად არის ის, რომ სულ საბრძოლო მოქმედებებს ვერ აწარმოებ სადმე უნდა გაჩერდე. რუსეთის სიჩუმე მიანიშნებდა იმაზე, რომ რაღაც სახის შეთანხმება არსებობდა. რა თქმა უნდა, ეს არ არის იდეალური აზერბაიჯანისთვის, თუმცა დაახლოებით 2/3 იმ ტერიტორიების, რომლებიც ოკუპირებული იყო, იბრუნებს, აბრუნებს თავის ლტოლვილებს და ჩემი აზრით, აზერბაიჯანმა მოიპოვა საკმაოდ დიდი წარმატება, მოგებული არის როგორც რუსეთი, ასევე აზერბაიჯანი და თურქეთი, ხოლო დამარცხებული არის სომხეთი და ფაშინიანი, რომელსაც მძიმე დღეები ელის და უკვე ვხედავთ არეულობებს სომხეთის ტერიტორიებზე“, - განაცხადა ბატიაშვილმა.
ამასთან, ბატიაშვილმა აღნიშნა, სომხური მხარე ხშირად ავრცელებდა რეალობისგან აცდენილ ინფორმაციას და ამ სიტუაციის ერთადერთი დადებითი მხარე შეიძლება იყოს ის, რომ ტრავმების მოშუშების შემდეგ, სომხეთი რეალისტურ პოლიტიკას დაუბრუნდეს.
„სომხეთს არაერთი პრობლემა ჰქონდა. მათ შორის ის, რომ აგიტაციისა და პროპაგანდის ქვეშ იმყოფებოდნენ, რომ თითქოს ყველაფერი კარგად იყო. სომხური მხარე, ბევრჯერ რეალობისგან აცდენილ ინფორმაციას ავრცელებდა, რომ თითქოს ყველაფერი კარგად არის, რომ ყველაფერი წესრიგში არის და ვიმარჯვებთ და ამ დროს უცებ, კაპიტულაცია ცხადდება. ეს ცოტა რეალობას მოწყვეტილი სიტუაცია იწვევს იმ უკმაყოფილებას, რაც იყო რეალურად და ვფიქრობ, რომ რაც დრო გავა ცოტა რთული იქნება ტრავმების მოშუშება, მაგრამ შეიძლება უფრო რეალისტურ პოლიტიკას დაუბრუნდნენ“, - აღნიშნა ბატიაშვილმა.
ცნობისთვის, სომხეთის პრემიერ - მინისტრის ნიკოლ ფაშინიანის განცხადებით, რუსეთისა და აზერბაიჯანის პრეზიდენტებთან ვლადიმერ პუტინთან და ილჰამ ალიევთან ერთად ხელი მოაწერა შეთანხმებას მთიან ყარაბაღში საბრძოლო მოქმედებების შეწყვეტის შესახებ, რომლის მიხედვითაც აზერბაიჯანს აღდამის რაიონი 20 ნოემბრისთვის, ქალბაჯარი - 15 ნოემბრისთვის, ლაჩინი კი 1-ელი დეკემბრისთვის უნდა დაუბრუნდეს.
00:00 / 00:00
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აფხაზეთშიც გაემზადონ დროა
აფხაზეთში დღეს ცხოვრობს: 80 000 სომეხი, 70 000 აფხაზი, 60 000 ქართველი....
სომხები აფხაზეთში კულტურულ ავტონომიას ითხოვენ !
სომხები დიდი ხანია არაჯანსაღ დამოკიდებულებას ავლენენ საქართველოს მიმართ...გვმტრობენ...ამის ნათელი მაგალითია ბაგრამიანის პოლკის მოქმედება აფხაზეთის ომში. 1921 წელს კოჯრის მისადგომებთან ქართული იუნკრების სისხლი მათ კისერზეა....