მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სააკაშვილი მარსზე გაფრინდება... ვმუშაობთ, რომ ოპოზიცია სწორ გზაზე დავაყენოთ" - ირაკლი კობახიძე
13:24 / 10-11-2020
მარსზე გაფრინდება, - ასე პასუხობს „ქართული ოცნების“ აღმასრულებელი მდივანი ირაკლი კობახიძე ჟურნალისტების კითხვას, აიღებს თუ არა მიხეილ სააკაშვილი საქართველოში წამოსასვლელ ბილეთს.
როგორც ირაკლი კობახიძემ განაცხადა, მიხეილ სააკაშვილის გამოსვლა რეალურად აღიარებითი ჩვენება იყო.
„სააკაშვილი რომ ყველაფერზეა წამსვლელი, ეს მან დაამტკიცა მაშინ, როცა 9 წელი იყო მმართველობაში და ამტკიცებს დღემდე, როცა არის ოპოზიციაში და არის ოპოზიციის ლიდერი.
ჩვენ ვისმენთ თანდათან აღიარებით ჩვენებებს, გუშინ გამოვიდა ალეკო ელისაშვილი და აღიარებითი ჩვენება მოგვცა როგორ ძალადობრივად აპირებდნენ ისინი ცესკოში შეჭრას, დეტალები მოყვა, ახლა ჩვენ მოვისმინეთ მიხეილ სააკაშვილის აღიარებითი ჩვენება. ეს ყველაფერი მეტყველებს იმაზე, რომ დესტრუქცია არის მათ ბუნებაში, თუმცა, აქ არის ხელისუფლება, რომელიც დაიცავს პირველ რიგში საზოგადოების ინტერესებს, მათ შორის, იმ 930 000 ადამიანის ინტერესებს, რომლებმაც მხარი დაუჭირა ჩვენს ხელისუფლებას და ჩვენ მიერ აღებული კურსის გაგრძელებას. ამ ხალხს არ უნდა რუსული საქმის მკეთებელი ხელისუფლება, მათ უნდათ პროდასავლური ძალა, რომელიც გააგრძელებს ქვეყნის აღებულ კურსს,“ - განაცხადა კობახიძემ.
ამასთან კობახიძე ამბობს, რომ უბედურებაა, რომ სააკაშვილმა ნახევარი მილიონი ხმა მიიღო.
„გუშინ ალბათ უყურებდით სააკაშვილის გამოსვლას, ამ ადამიანმა წარმოიდგინეთ აიღო ნახევარი მილიონი ხმა, ეს არის უბედურება, ამ პოლიტიკური პარტიის მიერ აღებული 27% არის უბედურება ისევე, როგორც უბედურებაა 3.8 პროცენტი, რომელიც აიღო „ევროპულმა საქართველომ“ და ა.შ. მაგრამ ეს არის ამომრჩევლის განწყობა, რაც იყო განწყობა ის დაფიქსირდა ცესკო-ს მიერ,“ - განაცხადა კობახიძემ.
მისივე თქმით, ოპოზიციის მოთხოვნა რიგგარეშე არჩევნების ჩატარებასთან დაკავშირებით, ქართული საზოგადოების მიმართ არასწორი მიდგომაა.
„ოპოზიციის განცხადება, რომ უნდა ჩავატაროთ რიგგარეშე არჩევნები და ამის შემდეგ მოლაპარაკების მაგიდასთან დასხდებიან, არასწორი საუბარია საერთაშორისო საზოგადოებისა და ქართული საზოგადოების მიმართ. ოპოზიციამ მიდგომა უნდა შეცვალოს და ჩვენ ვმუშაობთ, რომ სწორ გზაზე დავაყენოთ“, - განაცხადა კობახიძემ.
მისივე თქმით, ოპოზიციაში პარლამენტში შესვლასთან დაკავშირებით არის რამდენიმე განსხვავებული ინტერესი, რომელიც ფულის ხარჯვასთან და რეალობის აღქმასთანაა დაკავშირებული და რაც საბოლოო ჯამში, მათ პარლამენტში შესვლისკენ უბიძგებს.
"გარდა იმისა, რომ პარტიებს უკვე აქვთ განსხვავებული პოზიციები, მაგალითად, "ნაციონალური მოძრაობაშიც" არიან ადამიანები, რომელთგანაც თითოეულს რამდენიმე მილიონი აქვს დახარჯული ამ არჩევნებზე და მათ პირდაპირ ინტერესებშია პარლამენტში შემოსვლა... ჩვენი მოლოდინია ყველა ოლქის მოგება. იმედია, ოპოზიცია მიიღებს გადაწყვეტილებას ყველა ოლქში მეორე ტურში მონაწილეობის მიღებასთან დაკავშირებით. ჩვენი სურვილია მეორე ტურშიც შედგეს სრულად კონკურენტული არჩევნები. ვიცით, რომ უკვე ემზადებიან მეორე ტურისთვის", - განაცხადა კობახიძემ.
როგორც მან აღნიშნა, ოპოზიციას არ აქვს უფლება, რომ საზოგადოებას და პარტნიორებს ულტიმატუმის ენით ესაუბროს.
„ყველა საერთაშორისო პარტნიორი პოლიტიკურ პარტიებს მოუწოდებს დიალოგისკენ, კონსულტაციებისკენ, მათი პასუხის არის ულტიმატუმი. ბუნებრივია, ისინი მკაცრ პასუხს მიიღებენ ასეთ ულტიმატუმებზე ყველასგან, მათ შორის საზოგადოებისგან და საერთაშორისო პარტნიორებისგან. ამას მათ არავინ გაუტარებს. რაც შეეხება ულტიმატუმს, რომ ჯერ ხელახალი არჩევნები უნდა დაინიშნოს და მერე დასხდებიან მოლაპარაკების მაგიდასთან, არასწორი საუბარია ჩვენი საერთაშორისო პარტნიორების და საზოგადოების მიმართ. შესაბამისად, მათ მიდგომა უნდა შეიცვალონ. ჩვენ ვმუშაობთ იმასთან დაკავშირებით, რომ ისინი სწორ გზაზე დავაყენოთ“, - განაცხადა კობახიძემ.
00:00 / 00:00
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წარმიმიდგენია როგორ ხარხარებს ოპოზიცია...........
მასხარა)))