"მე ვიქნები პრეზიდენტი, რომელიც არ ხედავს წითელსა და ლურჯს, ხედავს მხოლოდ ამერიკის შეერთებულ შტატებს" - რა სიტყვებით მიმართა ჯო ბაიდენმა ამერიკელებს გამარჯვების შემდეგ
მე ვიქნები პრეზიდენტი, რომლის მიზანიც ერთიანობაა და არა დაყოფა , - ამის შესახებ ჯო ბაიდენმა მოსახლეობისადმი მიმართვის დროს განაცხადა.
ბაიდენმა მოსახლეობას მხარდაჭერისთვის მადლობა გადაუხადა.
„ჩვენ უნდა დავინახოთ ერთმანეთი, მოვუსმინოთ ერთმანეთს, მივაღწიოთ პროგრესს; დროა, შევწყვიტოთ ჩვენი ოპონენტების მტრებად აღქმა, ისინი ჩვენი მტრები არ არიან, ისინი ამერიკელები არიან. ახლა ამერიკაში გამთლიანების დროა. მე ვიქნები პრეზიდენტი, რომელიც არ ხედავს წითელსა და ლურჯს, ხედავს მხოლოდ ამერიკის შეერთებულ შტატებს“, - განაცხადა ჯო ბაიდენმა.
აშშ-ის საპრეზიდენტო არჩევნებში დემოკრატების კანდიდატმა ჯო ბაიდენმა გაიმარჯვა. ყოფილმა ვიცე-პრეზიდენტმა გადამწყვეტი მნიშვნელობის მქონე შტატში, პენსილვანიაში ხმების უმრავლესობა დააგროვა. მან ამომრჩეველთა კოლეგიის 293-ზე მეტი ხმა მიიღო, რაც გამარჯვებისთვის საკმარისი აღმოჩნდა.
სომხეთის ტერიტორიაზე რუსეთის თავდაცვის სამინისტროს ვერტმფრენი "მი-24“ ჩამოაგდეს - ეკიპაჟის ორი წევრი დაიღუპა
უკრაინის პრეზიდენტი ვლადიმერ ზელენსკი კორონავირუსით დაინფიცირდა
