მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ირაკლი კობახიძის თქმით, "ოცნებას" ჯამში 92 მანდატის მიღების იმედი აქვს - "დამარცხებასაც სჭირდება ღირსეული დახვედრა, ღირსეულად ვერ დახვდნენ დამარცხებას..."
11:56 / 01-11-2020
„ქართული ოცნების“ გენერალური მდივნის ირაკლი კობახიძის განცხადებით, 3007 უბნის შედეგების მიხედვით, კანონმდებლობით გათვალისწინებული ფორმულის შესაბამისად, მმართველი პარტია პროპორციული წესით 62 მანდატს მიიღებს. მისივე განმარტებით, „ქართული ოცნების“ მაჟორიტარობის კანდიდატებს დამაჯერებელი უპირატესობა 14 ოლქში აქვთ, რაც იმას ნიშნავს, რომ უკვე პირველ ტურში მმართველ ძალას პარლამენტში 76 მანდატი უკვე გარანტირებული აქვს. საბოლოო ჯამში კობახიძის განცხადებით, „ქართულ ოცნებას“ დაახლოებით, 92 მანდატის მიღების იმედი აქვს.
„ფორმულის შესაბამისად, პროპორციული სისტემის მიხედვით, იმ მონაცემებით, რაც არის დღეს დადებული ცესკოს საიტზე, „ქართულ ოცნებას“ აქვს მიღებული პროპორციული წესით უკვე 62 მანდატი. გარდა ამისა, დათვლილია უკვე მაჟორიტარობის დეპუტატობის კანდიდატების მონაცემები და ამ მონაცემების მიხედვით, შეიძლება უკვე ითქვას, რომ მინიმუმ 14 კანდიდატს აქვს მყარად მოგებული მაჟორიტარული არჩევნები. დანარჩენ შემთხვევებში, გრძელდება დათვლა, არის შემთხვევები, სადაც უკვე გარანტირებულია მეორე ტური, თუმცა არის რამდენიმე შემთხვევა, სადაც შესაძლებელია პირველ ტურში არჩევნების დასრულება. აქედან გამომდინარე, მარტივი არითმეტიკით შეგვიძლია დავადგინოთ, რომ „ქართულ ოცნებას“ ზუსტად 76 მანდატი უკვე აქვს გარანტირებული იმ მონაცემებით, რაც არის წარმოდგენილი. 76 მანდატი ნიშნავს იმას, რომ „ქართულმა ოცნებამ“ უკვე პირველსავე ტურში მოიპოვა დამაჯერებელი უმრავლესობა, აბსოლუტური უმრავლესობა, საქართველოს პარლამენტში და შესაბამისად, „ქართული ოცნება“ ერთპარტიულად ჩამოაყალიბებს მთავრობას, როგორც კი შედგება საქართველოს პარლამენტის პირველი სხდომა. ეს არის ძალიან მნიშვნელოვანი გამარჯვება. დარჩენილია 16 გაუნაწილებელი მანდატი და თქვენ ყველა ხედავთ, რომ ეს 16-ვე მანდატი შედეგების მიხედვით, სწორედ მიეკუთვნება „ქართულ ოცნებას“, ჩვენ დარწმუნებულები ვართ 16-ვე ოლქში დამაჯერებელ გამარჯვებაში, შესაბამისად, ჩვენი მოლოდინი არის ის, რომ, საბოლოო ჯამში, „ქართული ოცნების“ მანდატების რაოდენობა პარლამენტში გაიზრდება 92 მანდატამდე. ეს არის, პრაქტიკულად, გარანტირებული მონაცემებით, რომლებიც არის წარმოდგენილი თქვენ წინაშე,“ - განაცხადა ირაკლი კობახიძემ.
ირაკლი კობახიძემ არჩევნების შედეგებთან დაკავშირებით ოპოზიციის მხრიდან გაკეთებული განცხადებებიც შეაფასა. როგორც კობახიძე აცხადებს, ოპოზიციის წარმომადგენლებმა დაბალი პოლიტიკური კულტურა გამოავლინეს.
„ბუნებრივია, დამარცხებასაც სჭირდება ღირსეული დახვედრა. ამ შემთხვევაში გუშინ მათ ის გამოავლინეს, რომ ღირსეულად ვერ დახვდნენ დამარცხებას. ნახეთ, როგორ არასწორად იქცეოდა ორი პარტიის კომისიის წევრი ცესკოში, კომისიის თავმჯდომარის წინაშე. რა თქმა უნდა, ეს არ აჩვენებს მაღალ პოლიტიკურ კულტურას ისევე რაც, ჩვენ ვიხილეთ ცესკოს შენობის წინ“, - აღნიშნა კობახიძემ.
მან ასევე ხარვეზებზეც ისაუბრა და აღნიშნა, რომ ოქმებთან დაკავშირებით მცირე ხარვეზები დაფიქსირდა, რაც ყველა არჩევნებზე ფიქსირდება და შემდეგ ყოველთვის სწორდება.
„რაც შეეხება მცირე ხარვეზებს, რაც ყველა არჩევნებზე ფიქსირდება ხოლმე, ამას ბუნებრივია, რეაგირება სჭირდება. ოქმებთან დაკავშირებით იყო ხარვეზები, მაგალითად, აქტივობა იყო არასწორად დაფიქსირებული და შესაბამისად, ხმების რაოდენობა მნიშვნელოვნად სცდებოდა აქტივობის მაჩვენებელს. ეს მარტივი ხარვეზია, რომელიც ყველა არჩევნებზე ზოგიერთ უბანს ეპარება ხოლმე სამწუხაროდ. ყურადღება მიაქციეთ, რომ როდესაც ასეთი ოქმი დგება ყველა პარტიის წარმომადგენელი აწერს ხელს, შესაბამისად, მათ ყველას ერთად ეპარებათ. ესაა ტექნიკური ხარვეზები, რომლებიც შემდეგ ყოველთვის სწორდება, თუმცა მანამდე მოჰყვება სპეკულაციები“, - განაცხადა კობახიძემ.
მისივე განცხადებით, არჩევნები თვენახევრის წინ რომ ჩატარებულიყო, მმართველი გუნდი 60%-იან შედეგს აიღებდა, ახლა კი, არჩევნების დინამიკაზე გავლენა პანდემიის ფონმა მოახდინა.
კობახიძის თქმით, ყველა ქვეყანაში და მათ შორის საქართველოში სოციალური მდგომარეობა - პანდემიის ფონი გასათვალისწინებელია.
„ყველა ქვეყანაში, მათ შორის საქართველოში არსებობს სოციალური მდგომარეობა, განსაკუთრებით პანდემიის ფონზე, ბუნებრივია, არჩევნების დინამიკაზე გავლენას ესეც ახდენდა ანუ ეს ფაქტორებიც იყო. რეალურად, არჩევნები რომ სადღაც თვენახევრის წინ ჩატარებულიყო, 60%-იანი შედეგი აბსოლუტურად რეალური იყო“, - განაცხადა კობახიძემ.
ცენტრალური საარჩევნო კომისიის მიერ ამ დროისთვის გამოქვეყნებული წინასწარი მონაცემებით, „ქართულ ოცნება-დემოკრატიულ საქართველოს“ ხმების 48.36%, „ერთიან ნაციონალურ მოძრაობა - გაერთიანებულ ოპოზიციას” 26.35% აქვს.
00:00 / 00:00
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უყურეთ ეხლა კიდე ოთხი წელი
ალტერნატივა-არ-რჩება !
საქართველოს-კლავს-ქოცობა !
ქუდი-კაცზე ! ან-მონობა !