27
მარტიდღის ზოგადი ასტროლოგიური პროგნოზი
"ქართული ოცნების" აღმასრულებელი მდივნის ირაკლი კობახიძის განცხადებით, ავღანეთში მაზარი-შარიფის საარჩევნო უბანზე „ქართულმა ოცნებამ“ ამომრჩეველთა 84.7% მიიღო, ხოლო ბაგრამი-ქაბულის საარჩევნო უბანზე 93%.
როგორც კობახიძემ ბრიფინგზე განაცხადა, აღნიშნული შედეგები ქართული ჯარის მიერ საქართველოს ხელისუფლებისთვის გამოცხადებული მაღალი ნდობაა.
"ერთ-ერთი ყალბი ინფორმაცია შეეხებოდა ავღანეთის საარჩევნო უბნის მონაცემებს. დილიდან ვრცელდებოდა ინფორმაცია იმის თაობაზე, რომ თითქოს ძალიან დიდი უპირატესობით მოიგო ოპოზიციამ ავღანეთის უბნებზე არჩვევნები მაშინ, როდესაც ჯერ არჩევნები ჩატარებული არ იყო. ახლა დასრულდება არჩევნები, დღეს საღამოს, ავღანეთის ორივე უბანზე. ჩვენ გვინდა გაგაცნოთ ამ უბნის მონაცემები.
პირველი ეს არის მაზარი-შარიფის უბანი, სადაც „ქართულმა ოცნებამ“ აიღო 111 ხმა, რაც არის 84.7%. რაც შეეხება მეორე ბაზას, ეს არის ბაგრამი-ქაბულის ბაზა, აქ აიღო „ქართულმა ოცნებამ“ 697 ხმა, რაც არის 93%. ეს არის ქართული ჯარის მიერ საქართველოს ხელისუფლების მიმართ გამოცხადებული ძალიან მნიშვნელოვანი ნდობა, რაც ჩვენთვის ძალიან მნიშვნელოვანია და ასევე ემოციურიც. მადლობას ვუხდით ქართველ ჯარისკაცებს გამოცხადებული ნდობისთვის. ეს გვაძლევს დამატებით მოტივაციას, რომ კიდევ უფრო ვიზრუნოთ ჩვენი თავდაცვისუნარიანობის გაძლიერებაზე და ჯარის გაძლიერებაზე",- განაცხადა კობახიძემ.
