მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს არის ექსპერტიზის მტკიცებულება, რომ არ მაქვს წამებისა და ცემის კვალი სხეულზე" - დავით ხვიბლიანი აპირებს, ნიკა გვარამიას და ელისო კილაძეს უჩივლოს
18:10 / 30-10-2020
დავით ხვიბლიანი, რომელიც "საქართველოს ბანკზე"თავდასხმისას აყვანილ მძევლებს შორის იყო, აცხადებს, რომ მის წინააღმდეგ გაჟღერებული ცილისწამების გამო, "მთავარი არხის"გენერალური დირექტორის ნიკა გვარამიასა და ჟურნალისტ ელისო კილაძის წინააღმდეგ სასამართლოში სარჩელი შეაქვს.
როგორც მან "ინტერპრესნიუსს" განუცხადა, მას პრეტენზია აქვს ელისო კილაძისა და ნიკა გვარამიას განცხადებასთან, რომ „დავით ხვიბლიანი თავდაცვის სამინისტროს წარმომადგენლებს მიჰყავდათ სადღაც, სადაც სცემდნენ, აწამებდნენ, ხოლო ჟურნალისტებთან ინტერვიუს ჩაწერის დროს უკან მოჰყავდათ“.
ხვიბლიანი განმარტავს, რომ ეს ყველაფერი აბსურდია და სიმართლეს არ შეესაბამება. მისი თქმით, სასამართლოში სარჩელის შეტანას "საქართველოს ბანკზე" თავდასხმის შესახებ დაწყებული გამოძიების პარალელურად არ აპირებს.
ამასთან, მისივე განმარტებით, მან უკვე სხეულზე ჩაიტარა ექსპერტიზა, რითაც მტკიცდება, რომ არანაირი დაზიანების კვალი არ აღენიშნება.
ხვიბლიანმა ექსპერტიზის დასკვნაც გაასაჯაროვა.
"არ ვაპირებ შევეგუო და თვალი დავხუჭო იმ ცილისწამებასა და ბინძურ კამპანიაზე, რომელსაც ჩემს წინააღმდეგ ავრცელებენ მატყუარა ნიკა გვარამია და ელისო კილაძე, რომლებიც ჩემთან მიმართებით ამბობდნენ, თითქოს მე მაწამებდნენ, ნაცემი ვიყავი და ამის ფონზე ვაკეთებდი მედიასთან განცხადებებს. უამრავი ახლობელი მყავს, რომლებმაც შესაძლოა, დაიჯერონ ეს ცილისწამება. სწორედ ამიტომ გადავწყვიტე ექსპერტიზა ჩამეტარებინა და გამოვაქვეყნო დასკვნა იმის დასაამტკიცებლად, რომ არც ნაცემი ვარ, არც ნაწამები და გავაგებინო საზოგადოებას, თუ რაოდენ ბინძურ ცილისწამებას ჰქონდა ადგილი ჩემს წინააღმდეგ.
ეს არ არის ყველაფერი, ვთქვი, რომ სასამართლოში ჩემს წინააღმდეგ გაჟღერებულ ცილისწამებაზე ჩივილს ვაპირებ, უბრალოდ, დავაცდი გამოძიებას, რადგან გამოძიებას არ მინდა ხელი შევუშალო. ამის შემდეგ კი მათ სასამართლოს გზით მოვთხოვ პასუხს, კონკრეტულად ნიკა გვარამიას და ელისო კილაძეს. ისინი პასუხს აუცილებლად აგებენ ბინძური ცილისწამების გამო. შემიძლია განახოთ ექსპერტიზის მტკიცებულება, ფოტო, რომ არ მაქვს არანაირი წამებისა და ცემის კვალი სხეულზე.
ექსპერტიზის დასკვნა დღეს ავიღე, სადაც აღნიშნულია, რომ 21 ოქტომბრიდან 27 ოქტომბრის ჩათვლით არ მაქვს არანაირი კვალი.მე ხომ ვიცოდი, რომ ასეც იყო, უბრალოდ,საზოგადოებას და ჩემს ახლობლებს კიდევ ერთხელ მინდა ავუხსნა ის, რომ ცილი დამწამეს,ამიტომ გადავწყვიტე ექსპერტიზა ჩამეტარებინა.კონკრეტულად, ექსპერტიზა გუშინწინ ჩავიტარე,ხაზგასმით ვამბობ, რომ არავის ვაპატიებ ცილისწამებას", განაცხადა დავით ხვიბლიანმა.
ხვიბლიანის თქმით, ასევე სიმართლეს არ შეესაბამება ინფორმაცია, თითქოს ის თავდამსხმელის თანამზრახველია.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაგ ცუნცულას დაანებეთ თავი, ძალიან ნაზი და ფაქიზი ფსიქიკა აქვს და ნერვიულობით შეიძლება საფეთქლები დაეჭიმოს და მერე ნაოჭები უნდა გაუჩნდეს, ამიტომ დაანებეთ თავი, იყოს, იცუნცულოს...
ძალიან კარგი! ვინმემ ხომ უნდა აგებინოს პასუხი ამ ვითომდა ხალხის მოყვარულებს.