27
მარტიდღის ზოგადი ასტროლოგიური პროგნოზი
პროფესიით აგროტექნოლოგმა, კომიკოსმა, დავით ფარჯიანმა ბავშვობის ოცნება 24 წლის ასაკში აისრულა და ცოცხით "იფრინა". მისი ხორცშესხმული ოცნების ფოტოებმა კი ინტერნეტ სივრცეში მალევე მოიპოვა პოპულარობა.
როგორც ambebi.ge -ს ექსტრემალი ახალგაზრდა უყვება, ცოცხით ფრენის სურვილი ღრმა ბავშობიდან გაუჩნდა.
- ცოცხით ფრენის სურვილი ღრმა ბავშვობიდან, ჰარი პოტერის ფილმებიდან გამიჩნდა და დაილექა ჩემში. თვითონ იდეა რამდენიმე დღის წინ ფრენისას მომივიდა თავში, ვიფიქრე, ცოცხით, როგორც ჰარი პოტერმა, ეგრე უნდა ვიფრინო და ბავშვობის ოცნება ავიხდინო-მეთქი. "საფრენი" ცოცხი ჩემი ხელით გავაკეთე. თბილისის ზღვის საფრენ ლოკაციაზე გავფრინდი. იქ, სადაც თავის დროზე პარაპლანით დამოუკიდებლად ფრენა მასწავლეს ძალიან კარგმა ადამიანებმა, ირაკლი კაპანაძემ და გიორგი შავერდაშვილმა.
- როგორ შეხვდნენ ახლობლები და გარშემომყოფები შენს იდეას?
- სიცილით, მაგრამ ნახეს, რომ ცოცხი ჩემი ხელით ავაწყვე და ეს სიგიჟე სრული სერიოზულობა აღმოჩნდა. უფრო მეტიც, საქართველოს პარაპლანის ფედერაციიდან ჩემი მეგობრები გვერდზე დამიდგნენ და მხარი ამიბეს, ჩემთან ერთად აფრინდნენ ფოტო-ვიდეო სესიისთვის.
რაღაც მომენტში დავივიწყე, რომ პარაპლანით დავფრინავდი. მქონდა ილუზია, თითქოს მართლა ცოცხით მივფრინავდი, რაღაცნაირი ზღაპრული შეგრძნება იყო. ყველაზე მეტად ის მომეწონა, რომ მე ამ სიგიჟეში მარტო არ ვიყავი და ძალიან ბევრი პოზიტიური გამოხმაურება მოჰყვა ჩემს საქციელს.
გვატყუებ, ხომ , ეგ ნაცების გამოგონებაა, უბრალოდ პატენტის აღება დაავიწყდათ.
ბანძობა რააა...