მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ქვეყანა აკეთებს 10 000-ზე მეტ PCR ტესტს"- რას ამბობს პრემიერი კოვიდ-19-ის მომატებულ შემთხვევებზე და როგორ აპირებს მთავრობა ეპიდსიტუაციის მართვას
13:33 / 07-10-2020
პრემიერ-მინისტრ გიორგი გახარიას განცხადებით, კორონავირუსთან დაკავშირებული წესების დაცვა აუცილებელია იმისთვის, რომ ნორმალური სოციალური ცხოვრებით ვიცხოვროთ, ეკონომიკა, განათლება და სკოლები არ დაიხუროს.
"ყველაზე მნიშვნელოვანია, ყველამ თავისი ფუნქცია იცოდეს ზუსტად - სახელმწიფომ, მოქალაქემ, ისევე როგორც კერძო ორგანიზაციებმა, ასევე სახელმწიფო ორგანიზაციებმა, საერთო ჯამში, ბიზნესმა. მთავარი, გვახსოვს ის, რომ ამ ადაპტაციის ეტაპზე ვცხოვრობთ ვირუსთან ერთად, ეს ხდება გლობალურად, თუმცა, რაც ყველაზე მნიშვნელოვანია, ეს ცხოვრება უნდა ხორციელდებოდეს წესებით და ეს წესები შესასრულებლად ძალიან მარტივია. ეს წესები გვჭირდება იმისთვის, რომ ჩვენ ნორმალური სოციალური ცხოვრებით ვიცხოვროთ, არ დავხუროთ ეკონომიკა, არ დავხუროთ განათლება და სკოლები, არ დავხუროთ ჩვენი პოლიტიკური პროცესი და ამისთვის გვჭირდება ამ წესების დაცვა.
ვირუსის გაჩენიდან დაახლოებით, 7-8 თვე გავიდა და იმდენად გლობალურია ეს გამოწვევა, რომ მსოფლიოში ჯერჯერობით პირბადის, დისტანციის და ჰიგიენის დაცვის ელემენტარული წესების გარდა, სხვა უფრო ქმედითი, ეფექტური ინსტრუმენტი ვირუსთან გამკლავების, ვერავინ მოიგონა და ვერავინ შემოგვთავაზა. ჩვენი მიდგომა იყო დეკრალირებული და თანმიმდევრული თავიდანვე, ჩვენ ვამბობდით ყოველთვის, პირველი ეტაპის შემდეგ, რომელიც იყო შეკავების და რომელსაც თავისი მიზანი ჰქონდა, ამ მიზნებს წარმატებით მიაღწია. ჩვენ გადავედით ადაპტაციის და თანაცხოვრების ეტაპზე. ეს მინდა დეტალურად ავხსნა, იმიტომ რომ ათას სისულელეებს ლაპარაკობენ ახლა იმასთან მიმართებაში, რაც ქვეყანაში ხდება.
პირველი გახლავთ, სწრაფი გამოვლენა, მას აქვს თავისი ინსტრუმენტები. ეს არის ეფექტური და მიზნობრივი ტესტირებების ხარისხის ზრდა, მეორე ეტაპი არის სწრაფი მკურნალობა, რაც დავიწყეთ კლინიკური ჯგუფის საშუალებით, კლინიკურ პროცესების მართვაში ცვლილებების შეტანით. მესამე არის ადამიანის ნორმალურ, სწრაფ, ეკონომიკურ ცხოვრებაში დაბრუნება, რაც უფრო ეკონომიკური განზომილებაა.
სწრაფი გამოვლინების ნაწილში ჩვენ მოდელი შევცვალეთ, უკვე დაახლოებით, 2 კვირაა, იმასთან დაკავშირებით, თუ როგორი უნდა იყოს ტესტირების მიზნობრიობა. აქ ყველას უნდა გვახსოვდეს, როდესაც ვირუსი დაიწყო, ქვეყანა დღეში 200 PCR ტესტს აკეთებდა, დღეს ქვეყანა აკეთებს 10 000-ზე მეტ PCR ტესტს, მაგრამ ამის მიუხედავად, ამ ტესტის კეთების რესურსი შეუზღუდავი არ არის და ის მიზნობრივი უნდა იყოს“, - განაცხადა გახარიამ.
მისივე თქმით, საქართველო რჩება მწვანე ქვეყანად და ეფექტურად მართავს პანდემიას ადაპტაციისა და მართვის ეტაპზე.
"მწვანე ზონის სტატუსიც არ არის ახლა მთავარი განსამზღვრელი ჩვენთვის. ჩვენ შეიძლება მწვანე ქვეყნის სტატუსი ხვალ დავკარგოთ, ზეგ ისევ მოვიპოვოთ, ჩვენთვის ყველაზე მნიშვნელოვანია ჩვენი მოქალაქეების ჯანმრთელობა, არ დაგვჭირდეს შეზღუდვების დაწესება, რომელიც ასევე სერიოზულ დისკომფორტსა და რისკებს შეუქმნის ეკონომიკის სწრაფ აღდგენას და მესამე, სწრაფად, ეფექტურად დავასრულოთ ეს საარჩევნო პროცესი, ჩავატაროთ ყველაზე დემოკრატიული და ყველაზე გამჭვირვალე არჩევნები პანდემიის პირობებში საქართველოში“, - განაცხადა გახარიამ.
როგორც გახარიამ აღნიშნა, ინფიცირებული ადამიანის კონტაქტი უნდა გადავიდეს თვითიზოლაციაში და სიმპტომების გამოვლენამდე ოჯახის ექიმის მართვაზე უნდა იყოს.
"ყველას კარგად უნდა გვესმოდეს ერთი რამ - ადამიანი, რომელიც არის მაგალითად, ინფიცირებულის კონტაქტი, უნდა გადავიდეს თვითიზოლაციაში და რაიმე სიმპტომი თუ არ გვაქვს, უნდა ვიყოთ ოჯახის ექიმის მართვაზე. ეს არის ის ცვლილება, რომელიც კლინიკური მართვის ეტაპზე შევიტანეთ. დღეს საქართველო საშუალო ევროპულ ქვეყანაზე უფრო მეტ ტესტს აკეთებს 100 ათას მოქალაქეზე და ეს არის იმის გარანტი, რომ მსხვილი რისკები მსხვილ სოციალურ ჯგუფებში არ უნდა შეგვექმნას.
მეორე ეტაპი გახლავთ კლინიკური მართვა, რაშიც სერიოზული ცვლილებები შევიტანეთ და სრულად თანხვედრაშია ჯანდაცვის მსოფლიო ორგანიზაციის რეკომენდაციებთან. ეს ნიშნავს იმას, რომ მსუბუქი, ან უსიმპტომო პაციენტების მართვა უნდა მოხდეს პირველადი ჯანდაცვის რგოლების შესაბამისად ბინაზე. ეს არის კრიტიკულად მნიშვნელოვანი. იმ ადამიანებისთვის, რომლებსაც არ აქვთ იზოლაციაში ყოფნის ელემენტარული წესების დაცვის შესძლებლობა, დამატებით შევქმენით კოვიდსასტუმროები და მოვათავსებთ იზოლაციაში. როგორც კი ჩნდება პირველი სიმპტომები, რა თქმა უნდა, ერთვება პირველი ეტაპი სწრაფი გამოვლენის - ტესტირება და ეს ადამიანი ექვემდებარება შემდგომ სამედიცინო დაწესებულებებში მკურნალობას.
დღეს სამედიცინო სისტემის კრიტიკული და მძიმე პაციენტების მართვის ინფრასტრუქტურა ქვეყანაში სრულად არის მზად იმისთვის, რომ კრიტიკული პაციენტები სწორად მართოს. ამისთვის არის შექმნილი კლინიკური ჯგუფიც და შევქმენით რეანიმატოლოგების ცალკე ჯგუფი, რომელიც ქვეყნის მასშტაბით სრულად მართავს ამ პროცესს“, - განაცხადა გახარიამ და დასძინა, რომ ასევე მნიშვნელოვანია ადამიანის სწრაფად დაბრუნება ეკონომიკაში.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნუ აშინებ ამ ისედაც შეშინებულ ხალხს თორემ მოგეკითხება ოჯახიანად დდ