მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ ეხმაურებიან მთიან ყარაბაღში განვითარებულ მოვლენებს მოსკოვში, თურქეთსა და ევროპაში
17:07 / 27-09-2020
რუსეთის საგარეო საქმეთა მინისტრი სერგეი ლავროვი მის სომეხ კოლეგას ზოჰრაბ მნაცაკანიანს ტელეფონით ესაუბრა, რა დროსაც მხარეებმა მთიანი ყარაბაღის ზონაში შექმნილი ვითარება განიხილეს.
„სერგეი ლავროვმა სერიოზული შეშფოთება გამოხატა გამყოფ ხაზზე მიმდინარე ფართომასშტაბიანი საომარი მოქმედებების, გარდაცვლილებისა და დაჭრილების შესახებ არსებული ინფორმაციის გამო. ხაზი გაესვა ცეცხლის დაუყოვნებლივ შეწყვეტის აუცილებლობას. აღინიშნა, რომ რუსეთი, ეუთოს მინსკის ჯგუფის სხვა თანათავმჯდომარეებთან ერთად, განაგრძობს შუამავლის მისიის შესრულების ძალისხმევას, რაც მიმართულია სიტუაციის დასტაბილურებისკენ“, - აღნიშნულის რუსეთის საგარეო უწყების განცხადებაში.
შექმნილ ვითარებასთან დაკავშირებით მანამდე გავრცელებულ განცხადებაში ოფიციალურმა მოსკოვმა მხარეებს მოუწოდა „დაუყოვნებლივ შეწყვიტონ ცეცხლი და დაიწყონ მოლაპარაკებები სიტუაციის დარეგულიერების მიზნით“.
თურქეთის პრეზიდენტმა რეჯეფ თაიფ ერდოღანმა სომხეთთან კონფლიქტში მხარი აზერბაიჯანს დაუჭირა.
მისი თქმით, სომხეთმა კიდევ ერთხელ აჩვენა, რომ ყველაზე დიდი საფრთხეს უქმნის რეგიონში მშვიდობასა და სტაბილურობას.
„თურქეთი დღეს, როგორც ყოველთვის, ყველა თავისი შესაძლებლობით, დგას თავის აზერბაიჯანელ ძმებთან. საერთაშორისო საზოგადოებამ, რომელსაც არ შეუძლია აუცილებელი, ადექვატური რეაქცია გამოხატოს სომხეთის აგრესიაზე, კიდევ ერთხელ აჩვენა ორმაგი სტანდარტების პოლიტიკა. მინსკის ტრიო, რომელიც 30 წლის განმავლობაში მხარს უჭერდა თავის დაუდევარ პოზიციას, არ არის კონფლიქტის დარეგულირებისკენ ორიენტირებული“, - განაცხადა ერდორანმა.
მთიან ყარაბაღში ვითარების გამწვავებას გამოეხმაურა ევროსაბჭოს პრეზიდენტი შარლ მიშელი.
„სერიოზულ შეშფოთებას იწვევს მთიანი ყარაბაღის კონფლიქტის ზონიდან მომდინარე ინფორმაცია საომარი მოქმედებების დაწყების შესახებ.
სამხედრო მოქმედებები სასწრაფოდ უნდა შეწყდეს შემდგომი ესკალაციის თავიდან ასაცილებლად. მოლაპარაკებების მდგომარეობაში სასწრაფო დაბრუნება, ყოველგვარი წინაპირობების გარეშე, ერთადერთი გამოსავალია“, - წერს მიშელი „ტვიტერის“ გვერდზე.
კავკასიაში მშვიდობისა და მთიან ყარაბაღში არსებული სიტუაციის ფონზე ნებისმიერი უთანხმოების ძალისმიერი გზით მოგვარებაზე უარის თქმის მოწოდებით გამოდის რომის პაპი ფრანცისკე.
მან ამის შესახებ წმინდა პეტრეს მოედანზე კვირის ქადაგებისას განაცხადა.
„კავკასიიდან მოდის შემაშფოთებელი სიახლეები. ვლოცულობ მშვიდობისთვის ამ რეგიონში და მივმართავ კონფლიქტის მხარეებს, გადადგან კონკრეტული ნაბიჯები ძმობისა და ყველა პრობლემის გადაწყვეტისკენ ძალის გამოუყენებლად“ , - განაცხადა რომის პაპმა.
დრეს ცნობილი გახდა, რომ სრულიად სომეხთა კათოლიკოსმა გარეგინ მეორემ ვატიკანში ვიზიტი შეწყვიტა და სომხეთში ბრუნდება, რაც მთიან ყარაბაღში დღეს დილიდან განვითარებულ მოვლენებს უკავშირდება.
გარეგინ მეორე რომის პაპს უნდა შეხვედროდა.
ცნობისთვის, სომხეთ-აზერბაიჯანის საზღვარზე ვითარება კვლავ გამწვავდა. მხარეები შეიარაღებული თავდასხმებისა და მსხვერპლის შესახებ ავრცელებენ ინფორმაციას. ისინი შექმნილი ვითარების გამო პასუხისმგებლობას ერთმანეთს აკისრებენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
