ქართული კინოს ტრიუმფი - სან-სებასტიანის კინოფესტივალზე ია სუხიტაშვილმა საუკეთესო ქალი მსახიობის ჯილდო მიიღო
სან-სებასტიანის საერთაშორისო კინოფესტივალმა ქართული კინოს ტრიუმფით ჩაიარა. კინოფესტივალზე საუკეთესო მსახიობი ქალის ნომინაციაში ია სუხიტაშვილმა გაიმარჯვა. ინფორმაციას ამის შესახებ საქართველოს ეროვნული კინოცენტრი ავრცელებს:
"ქართული კინოს ტრიუმფი სან-სებასტიანის საერთაშორისო კინოფესტივალზე!
კინოფესტივალის მთავარი ჯილდო - "ოქროს ნიჟარა" გადაეცა დეა კულუმბეგაშვილის ფილმს "დასაწყისი"!
და კიდევ სამი მთავარი ჯილდო: დეა კულუმბეგაშვილი - საუკეთესო რეჟისორი (ვერცხლის ნიჟარა);
ია სუხიტაშვილი - საუკეთესო მსახიობი ქალი (ვერცხლის ნიჟარა);
დეა კულუმბეგაშვილი და რატი ონელი - საუკეთესო სცენარი (ჟიურის სპეციალური პრიზი); ვულოცავთ ფილმის მთელ შემოქმედებით ჯგუფს ამ დიდ გამარჯვებას!", - ნათქვამია ინფორმაციაში.