"არც პნევმონია მაქვს, არც სხვა სიმპტომი" - რას ამბობს ბათუმის რესპუბლიკური საავადმყოფოს დირექტორი, რომელსაც კორონავირუსი დაუდასტურდა
ბათუმის რესპუბლიკური საავადმყოფოს დირექტორს სოლომონ ფუტკარაძეს კორონავირუსი დაუდასტურდა. ის კლინიკაში დაინფიცირების ფაქტს გამორიცხავს.
როგორც მან ჟურნალისტებთან საუბრისას განაცხადა, მკურნალობას სახლში აგრძელებს, რადგან მას ვირუსისთვის დამახასიათებელი სიმპტომები არ აქვს.
"რამდენიმე დღის წინ კონტაქტი მქონდა ახლობელთან, რომელსაც ვირუსი დაუდასტურდა. როცა ეს ინფორმაცია გამაგებინა, ანუ წინა კვირის ხუთშაბათს, ჩავიტარე ტესტირება და კოვიდდადებითი აღმოვჩნდი, თუმცა თავს კარგად ვგრძნობდი და სიმპტომები არ მაქვს. რამდენიმე დღე კლინიკაში ვიყავი მოთავსებული, ჩამიტარდა ყველანაირი გამოკვლევა, კომპიუტერული ტომოგრაფია. არც პნევმონია და არც სხვა სიმპტომი არ აღმომაჩნდა, როდესაც ახალი პროტოკოლით შესაძლებელი გახდა უსიმპტომო პაციენტების ბინაზე მკურნალობა, გადავედი სახლში. მაქვს ამის საშუალება, ვიყო იზოლირებულად. ახლა ბინაზე ვმკურნალობ და ვიმყოფები ექიმების მეთვალყურეობის ქვეშ.
დღეს განმეორებითი ტესტი ჩავაბარე, იმედია პასუხი უარყოფითი იქნება. სამ დღეში ანუ მე-12 დღეს, პროტოკოლის თანახმად, კვლავ გავიტესტები და თუ ისევ უარყიფითი იქნება პასუხი, დავუბრუნდები სამსახურს. თავს კარგად ვგრძნობ",- აცხადებს სოლომონ ფუტკარაძე
საზოგადოებრივი მაუწყებლის გენერალურ დირექტორად თინათინ ბერძენიშვილი აირჩიეს
"ძალადობის ნიშნები არ აღენიშება..." - საოკუპაციო რეჟიმის მიერ დაკავებული ხვიჩა მღებრიშვილი თავისუფალია
