"მიშას არ ვუთხარი უარი მთავარ გამოწვევაზე" - ნანუკა ჟორჟოლიანის მიმართვა მაჟორიტარი დეპუტატობის კანდიდატად წარდგენის შემდეგ
ტელეწამყვანი ნანუკა ჟორჟოლიანი ამბობს, რომ მაჟორიტარი დეპუტატობის კანდიდატად ყოფნის შეთავაზებაზე თანხმობა წარდგენამდე 2 საათით ადრე განაცხადა.
როგორც მან "სხვა ნანუკას" ეთერში საუბრისას აღნიშნა, ის არ აპირებს "ბინძურ ბრძოლაში" შევიდეს კონკურენტ გივი ჭიჭინაძესთან, რომელიც რეგიონში "ქართული ოცნების"' სახელით იყრის კენჭს.
"მთლიანობაში ამ ყველაფერს რომ ვუყურებდი, ამ დიდი რაღაცის ნაწილი არ მინდოდა, ვყოფილიყავი. პირველ რიგში, გადაწყვეტილების მიღების მთავარი საფუძველი იყო ის, რომ კარგად დამარწმუნეს იმაში, რომ ომია და არასოდეს ცხოვრების არცერთ ეტაპზე ომში წასვლაზე უარი არ მითქვამს...
ომი ხომ ყოველთვის სხვადასხვაგვარია, პირდაპირი გაგებით ხომ არ უნდა წარმოვიდგინოთ და ვფიქრობ, რომ ამ არჩევნებზეც მთავარი ომის ხაზი გადის.
მე არ ვარ პოლიტიკოსი და არც მინდა, ის გავხდე. მე მინდა, ვიყო ადამიანების იმედი, როგორც აქამდე ვიყავი. ვადასტურებ ჩემს პატივისცემას ჩემი კონკურენტის გივი ჭიჭინაძის მიმართ, რომელთანაც არც ერთ შემთხვევაში არ შევალ ბინძურ კამპანიაში. - ამბობს ჟორჟოლიანი.
ტელეწამყვანის თქმით, შეთავაზება ექსპრეზიდენტ მიხეილ სააკაშვილისგან პირადად მიიღო და მას უარი ვერ უთხრა.
"ჩემს მეგობარს, ვისი თანამებრძოლიც ვიყავი მთელი ეს წლები და ვთვლიდი წარმატების მთავარ ფორმულად, რაც ამ ბოლო წლებში შექმნილა ამ ქვეყნის პირველ პირებში, ყველა ამ მიზეზის გამო ამ ადამიანს, მიშას არ ვუთხარი უარი მთავარ გამოწვევაზე" - ამბობს ჟორჟოლიანი.
ცნობისთვის, ტელეწამყვანი ცოტა ხნის წინ "ნაციონალური მოძრაობისა" და გაერთიანების "ძალა ერთობაშია"-ს სამტრედიის, წყალტუბოს, ვანისა და ხონის მუნიციპალიტეტების მაჟორიტარობის კანდიდატად დასახელდა.
"ნაცმოძრაობის“ აქტივისტების მხრიდან განხორციელდა ზეწოლა ისნის საოლქოს თავმჯდომარის მიმართ, რომელიც გარდაცვალა" - "ოცნება"
ისნის საოლქო სარჩევნო კომისიის თავმჯდომარე გარდაიცვალა - რა განცხადებას ავრცელებს ცესკო?
