1 აშშ დოლარის ღირებულება 3.2537 ლარი გახდა - ხვალ ეროვნული ბანკი 40 მილიონი დოლარის გაყიდვას გეგმავს

1 აშშ დოლარის ოფიციალური ღირებულება 3.2537 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.2537 ლარი შეადგინა. კურსი, რომელიც დღეს მოქმედებდა, 3.2295 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0242 შეადგინა.

რაც შეეხება ევროს, მისი კურსი 3.8267 ლარია. მაშინ, როცა დღეს მოქმედი კურსი 3.8050 ლარს შეადგენდა. შესაბამისად, ევროს ცვლილებამ 0.0217 ლარი შეადგინა.

დღევანდელი ვაჭრობის შედეგად მიღებული კურსები ძალაში ხვალ შევა.

ცნობილია, რომ საქართველოს ეროვნული ბანკი ხვალ, სავალუტო აუქციონზე 40 მილიონ აშშ დოლარს გაყიდის, - ამის შესახებ ნათქვამია სებ-ის მიერ გავრცელებულ ინფორმაციაში.

ცნობისთვის, წინა სავალუტო აუქციონი სებ-მა 16 სექტემბერს გამართა და 40 000 000 აშშ დოლარი გაყიდა.