მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"შეშინების მიზნით იატაკისკენ ისროლა, ხარაზიშვილს ასხლეტილი ტყვია მოხვდა" - რას ამბობს დაკავებული მერაბ ბესელიას ადვოკატი
11:38 / 19-09-2020
რაგბის კავშირის ვიცე-პრეზიდენტის მერაბ ბესელიას ადვოკატის, პაატა მეხრიშვილის განცხადებით, მისი დაცვის ქვეშ მყოფმა გასროლა მორაგბე „შვიდკაცას“ კაპიტანის რამაზ ხარაზიშვილის შეშინებისა და შეჩერების მიზნით, იატაკის მიმართულებით მოახდინდა.
როგორც "ინტერპრესნიუსთან" მეხრიშვილი განმარტავს, ბესელიასა და ხარაზიშვილს შორის კონფლიქტი პირადულია და ის ფინანსებს არ უკავშირდება.
"მერაბ ბესელია ძალიან ნანობს ამ მოცემულობას, რაც შეიქმნა. მას არავის არც ჯანმრთელობის დაზიანების მიყენების და მითუმეტეს, არც სიცოცხლის მოსპობის განზრახვა არ ჰქონია. როგორც ჩანს, მისი შეჩერებისა და შეშინების მიზნით იატაკის მიმართულებით მოახდინა გასროლა, რაც ძალიან მაღალი ალბათობით, დადასტურდება. იატაკიდან ასხლეტილმა ტყვიამ გამოიწვია ის უმნიშვნელო ზიანი, რაც, დაზარალებულს მიადგა. ის ძალიან ნანობს როგორც დაზარალებულის ამ მდგომარეობას, ისე, რეპუტაციულად ამ მოცემულობას. ეს არის აბსოლუტურად პირადი კონფლიქტი ამ ორ ადამიანს შორის, ამ კონფლიქტს ფინანსებთან კავშირი არ აქვს. მერაბს ფინასებთან შეხება არ ჰქონია, ერთ დოკუმენტზეც კი არ აქვს ხელი მოწერილი.
ურთიერთშელაპარაკება ძალიან მაღალი ალბათობით, შეიძლებოდა ფიზიკურ დაპირისპირებაში გადაზრდილიყო, ორმხრივი შეურაცხყოფა იყო, ისიც გამოიწია და ამ გამოწევის დროს, იატაკის მიმართულებით, რომ შეეშინებინა, გასროლა მოახდინა. ეს პირდაპირი გზით ნასროლი რომ ყოფილიყო, აუცილებლად სხვა შედეგი იქნებოდა“, - განაცხადა მეხრიშვილმა.
ადვოკატი დღევანდელ სასამართლო პროცესზე დაკავებულისთვის აღკვეთის ღონისძიების სახით 20 000-ლარიანი გირაოს შეფარდებას მოითხოვს.
„პირველი წარდგენის სასამართლო დისტანციურად იმართება, როგორც ჩემთვის ცნობილია, პროკურატურა ყველაზე უფრო მკაცრი აღკვეთის ღონისძიების პატიმრობის გამოყენებას ითხოვს, რაც უსაფუძვლოა. ადამიანი, რომელიც 54 წლის ასაკში არასდროს კანონთან კონფლიქტში არ ყოფილა, ადმინისტრაციული გადაცდომაც კი არ ჰქონია, რა დანაშაულებრივ საქმიანობას გააგრძელებს, წარმოუდგენელია, ან მიმალვას როგორ შეეცდება, როცა თვითონვე გამოცხადდა პოლიციის განყოფილებაში, დეტალური და ამომწურავი ჩვენება მისცა და მაქსიმალურად ცდილობს გამოძიებას დაეხმაროს.
ბესელია ფაქტობრივ გარემოებებს ეთანხმება, მაგრამ ბრალის ფორმულირებას არ ეთანხმება. მას ედავებიან, რომ დაზარალებულს ჯანმრთელობის განზრახ მძიმე დაზიანება მიაყენა. თითქოს, დაზარალებულს ამ ზიანის შედეგად პროფესიული მოვალეობის შესრულება წაერთვა. ეს თითიდან გამოწოვილია. დიდი იმედი გვაქვს, რომ დაზარალებული უახლოეს პერიოდში დაუბრუნდება მოედანს და გააგრძელებს თამაშს. ეს არ არის პროფესიული შრომიუნარიანობის დაკარგვა, ეს არის საერთო შრომისუნარიანობის დაკარგვა“, - აცხადებს მეხრიშვილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
